Македонија

Целосно ќе се обнови објектот на старата Пошта во Скопје

Дали еден од симболите на главниот град и архитектонскиот бисер на пост-земјотресно Скопје повторно ќе блесни во стариот сјај?

Да според министерот за култура Зоран Љутков, кој е втор министер, кој за неполн месец најавува обнова на објектот на Поштата. Кога тоа ќе се случи засега не знае, но од Владата најавуваат дека таа да биде подготвена за организацијата на програмата Скопје Европска престолнина на културата за 2028 година.

Според најавите овој објект ќе се трансформира во мултифункционален центар, а првите чекори за целосна обнова веќе се направени.

- Донесовме одлука на Влада дека да таа ќе биде реновирана и ќе има друга намена за мултифунционален комплекс кој што ќе биде подготвен и за потребите на Скопје Европска претстолнина 2028 година. Формирана е работната група и треба да почне да работи. Сочинета е од претставници од европските комисии и од Министерството за транспорт и врски и Министерството за култура и туризам.

Поштата во 2013 година беше зафатена од голем пожар, во кој беа уништени куполата, фреските и опремата во објектот, кој се уште е целосно запоставен и не е во функција. Но Љутков вели дека ова не е единствениот објект кој е во очајна состојба. За ова тој ја обвини претходната Власт за која вели дека 7 години не одобрувала средства за нивна реконструкција, иако за имало тендери и подготвени проекти.

Што се однесува за реконструкцијата на Универзалната сала, министерот вели дека детали ќе соопшти на 10ти месецов, за кога најави дека култура ќе даде отчет за сработеното во првите 100 дена.

- За неколку дена ќе направиме и една посебна прес-конференција на која ќе ги кажеме чекорите, што сме затекнале, каков процес сме затекнале од Универзална сала, кои се последиците од таквото незаконско преземање и кои ќе бидат брзите чекори за повторно ставање во функција и повторно градење на Универзална сала. Не зборуваме за нов проект, не зборуваме за рушење. Зборуваме само за легално преземање на овој постоечки проект.

Љутков по посета на Националната опера и балет соопшти дека во текот на вчерашниот ден била распишата и јавна набавка за реновирање на главниот влез во установата за кој исто така потенцираше дека е во очајна состојба , како и за санација на кровните површини во делот на главното фојае каде при дождливо време влегувала вода насекаде.

Тенис

Вавринка со историско достигнување

Швајцарскиот тенисер Стен Вавринка испиша историја со тоа што стана најстариот играч кој победил на Мастерс 1000 меч откако го победи Французинот Џовани Мпечи-Перикард со 7-6 (2), 7-6 во првото коло на турнирот во Шангај.

Дуелот траеше 1 час и 50 минути, а 39-годишниот ветеран покажа исклучителен дух и умешност на теренот.

Вавринка, кој е цели 18 години постар од противникот, спаси две сет-топки - едната во првиот, а другата во вториот сет, пред да ја обезбеди победата. Оваа победа е особено значајна бидејќи претходниот рекорд за најстар победник на Мастерс го држеше Хрватот Иво Карловиќ, кој на 40-годишна возраст го доби својот меч на Индијан Велс во 2019 година против Австралиецот Метју Ебден.

Овој успех беше прв за Вавринка во Шангај од 2016 година и прва победа на Мастерс 1000 во Синсинати од 2023 година. Со денешниот успех тој ја забележа и својата 100-та победа на Мастерс турнирите, со што стана само 12-тиот тенисер на кој тоа му успеало, со што бележи значајна пресвртница во кариерата.

Кошарка

Екс тренерот на Партизан, Дуле Вујошевиќ по тешката операција пуштен дома

Трофејниот тренер на Партизан, Душко Вујошевиќ неодамна е опериран во болница во Белград, а денеска е пуштен на домашно лекување, пренесува српските медиуми.

-Ја напуштив болницата, полека се враќам. Добро сум“, изјави накратко Вујошевиќ за „Sport klub“.

Засега не се знае поради што популарниот Дуле бил хоспитализаран и опериран.

Но љубителите на кошарката на Балканот се среќни и задоволни што може да слушнат дека тој е добро и е пуштен на домашно лелукување.

Вујошевиќ и претходно имаше сериозни здравствени проблеми. Поради лошата функција на бубрезите беше подложен на дијализа, а се започнало поради погрешниот третман на дијабетесот. Засега уште не е познато кој здравствен проблем бил причината за неодамнешната интервенција.

Инаку, Вујошевиќ важи за жива легенда во Партизан со кого има осоено дури 23 трофеи.

Освен црно белите од Белград, тој работел и во екипите на во Пистоја, Варезе, Црвена Звезда, ЦСКА Москва, Лимож...

Фудбал

ФИФА ја одложи одлуката дали да ги отстрани тимовите од Израел од своите турнири

Светската фудбалска федерација (ФИФА) повторно не одлучи дали ќе воведе санкции за Фудбалската асоцијација на Израел, исклучувајќи ги тимовите на земјата од нејзините турнири.

Во мај, Палестинскиот фудбалски сојуз побара казна за своите израелски колеги поради тековната воена операција што еврејските сили ја спроведуваат во Газа.

По денешниот состанок на Советот на ФИФА, претседателот на организацијата Џани Инфантино изјави дека ќе бидат покренати две независни истраги против Фудбалскиот сојуз на Израел. Првата ќе биде доверена на Дисциплинската комисија на ФИФА и ќе биде докажување на наводите за дискриминација во рамките на израелската лига. Втората истрага ќе биде дали има прекршување на член 72, точка 1 од правилникот на ФИФА, кој вели дека „федерациите членки и нивните клубови не можат да играат на територијата на друга федерација-членка без одобрение од другата“. Со тоа ќе се занимава Комитетот за управување, ревизија и усогласеност на ФИФА.

-Советот на ФИФА примени длабинска анализа за оваа многу чувствителна работа и врз основа на темелна проценка ги следевме советите на независните експерти. Континуираното насилство во регионот потврдува дека пред се, и како што беше наведено на 74-от конгрес на ФИФА, ни треба мир. Бидејќи остануваме крајно шокирани од она што се случува и нашите мисли се со оние кои страдаат, ги повикуваме сите страни да го вратат мирот во регионот со непосреден ефект, рече Инфантино во услови на постојано зголемување на тензиите на Блискиот Исток.

Во 2022 година, ФИФА и УЕФА заеднички одлучија да ги исклучат тимовите од Русија од нивните турнири само четири дена по почетокот на воената офанзива против Украина.