Царовска: Компаниите што имаат капацитет за вложување да аплицираат за финансиска поддршка

Сите компании што сметаат дека имаат капацитет за вложување во своите производствени објекти, да се обратат до Министерството за економија и да аплицираат за Програмата за директна финансиска поддршка за инвестиции. 

Оние, пак, што ја користат мерката за минимална плата, да ги задржуваат работниците и работните места, порача денеска вицепремиерката за економски прашања Мила Царовска.

Царовска заедно со градоначалникот на Општина Кисела Вода, Филип Темелковски го посети производствениот објект на компанијата „Мако маркет" каде се запозна со условите за работа на компанијата во време на пандемија, како и со сите предизвици со кои се соочува бизнис секторот во овој момент.

-„Мако маркет" е во одлична кондиција независно од кризата. Инвестира во континуитет и се грижи за своите вработени. Не користи ниту една мерка од владините за поддршка на платите зашто има производство и дистрибуција на храна што во периодов се троши. Но, инвестира во производствени капацитети, а Владата има посебна мерка за овој тип инвеститори кои и покрај кризата, вложуваат свои финансиски средства, изјави Царовска по посетата.

Таа во оваа прилика потсети дека преку владината КОВИД-Програма досега се поддржани повеќе од 22.000 компании и 120.000 вработени со што се зачувани преку 60.000 работни места./МИА

Град Скопје: Почна реконструкцијата на едно од најубавите шеталишта во Скопје

Екипите на Град Скопје почнаа да го реконструираат познатото шеталиште пред Градски парк, од потегот кај скопската гостилница „Кај Жабарот“ па се до почетокот на влезот во градскиот парк, кај Министерството за земјоделие, веднаш спроти паркот на Фра

Во должина од 140 метри и со ширина од 10 метри, шеталиштето помеѓу тројниот дрворед на скопските липи ќе добие целосно нова и реконструирана патека од лиен бетон, а ќе бидат поставени и нови клупи и канти за џебен отпад. Овој потег иако е еден од најфреквентните делови од кејот на Вардар, веќе подолго време беше руиниран и преставуваше критично место при шетање или движење со велосипед.

Ова не е прва активност на Град Скопје кога станува збор за реконструкција на јавните простори во градот, поточно кејот на Вардар и Градскиот парк. Покрај целосно исчистеното корито на Вардар од хотелот „Александар Палас“ до Аеродром што преставува големо задоволство за скопјани, Град Скопје е во завршна фаза и со реконструкцијата на шеталиштето на кејот „13-ти Ноември“, а во тек е и реконструкцијата на пешачките патеки во вториот дел од Градски Парк, каде веќе се обновени и сите пешачки мостови.

ССМ: Во Ниш тек е ревакцинација на бизнис заедницата

Во тек е ревакцинација на бизнис заедницата во организација на Стопанската комора на Македонија во Ниш.

Во тек е ревакцинација на бизнис заедницата, акција на Стопанската комора на Македонија, која заедно со Стопанската комора на Србија, а во рамките на Коморскиот инвестициски форум се реализира викендов во спортската сала „Чаир“ во Ниш, Република Србија.

Се ревакцинираат вработени од Комората, како и вработени од компаниите членки на Комората, чии работни места се од висок ризик од пандемијата и единствено на овој начин ќе продолжат непречено да работат и да го задржат нивото на економска активност.

Процесот во овој момент се одвива непречено, без задржувања на вакциналните пунктови.

Ревакцинацијата ќе биде извршена на истото место каде и првата вакцинација, информираат од Стопанската комора на Македонија.

Трамп го прозва Бајден поради користење ливчиња за потсетување

Поранешниот американски претседател Доналд Трамп се огласи по повод снимката на која се гледа како неговиот наследник Џо Бајден користи ливчиња за потсетување за време на неодамнешната прес-конференција.

Трамп на Телеграм ја сподели видео снимката, која ја објави телевизиската мрежа „ОАН" со коментар: „Можете ли да верувате? Не е чудно што нашата земја оди по ѓаволите".

Станува збор за прес-конференцијата која Бајден ја одржа во Корнвел, во Англија, за време на самитот на Г7.

Медиумите пренесоа дека на ливчињата за потсетување се наоѓале одговори на евентуални новинарски прашања, меѓу кои и оние што се однесувале на Министерството за правда. Некои од подготвените одговори гласеле: „Трамп ги злоупотреби овластувањата", „Сега ние тоа треба да го расчистуваме", „Министерството за правда на Трамп е надвор од контрола".

Инаку, тоа не е првпат Бајден да користи ливчиња за потсетување. Западните медиуми пренесуваат дека Бајден истите ги користел и на состанокот со рускиот претседател Владимир Путин, како и на својата прва прес-конференција во март.

притисни ентер