Цаца-Николовска:Има пропусти во работата на институциите

Не постојат прецизни и јасни информации кој ја има главната вина за бегството на екс- директорот на УБК Сашо Мијалков, но пропусти има во институциите, вели поранешнета уставна судијка Маргарита Цаца Николовска.

Во вакви случаи според неа се зголемува недовербата на граѓаните за работата на институциите. Николовска додава и дека во најбрз можен рок мора да има детектирање на одговоронста.

-Сите имаат пропусти, почнувајќи од тоа како е следен и мене стварно не ми е јасно како може, тоа визуелно следење да биде такво, а да во суштина не се следи визуелно. Сите зборуваа дека ден пред неговото исчезнување тој бил виден нормално во град и после едноставно го снемува, тоа визуелно следење очигледно има проблем, изјави Маргарита Цаца Николовска, поранешен судија.

Екс-судијката ја искоментира и изјавата на обвинителката Вилма Русковска која кажа дека имала сознанија дека се спрема бегство, но како обвинител не можела да бара притвор бидејќи би прејудицирала пресуда. Николовска вели дека тоа е опширна и неаргументирана изјава, но сепак вели обвинителката имала повеќе информации за тоа дали има аргументи да бара притвор кој е крајна мерка и според праксата на европските судови

-Прво мора да се исрпат другите средства за обезбедување присуство и доколку тие не вродат со плод, тогаш евентуално се оди на мерка притвор што е пракса и на европскиот суд за човекови права,изјави Маргарита Цаца Николовска, поранешен судија.

Сепак Николовска смета дека и куќниот притвор, доколку се спроведе ефикасно и прецизно може да го постигне ефектот на притворот. Бидејќи тој исто може да го оневозможи бегството и дека сите тие работи треба да се испитаат смета, смета екс-судијката

Видео: Корејци ја пеат „Молитва“ од Марија Шерифовиќ

На интернет се појави снимка на која музичка група од Кореја ја пее песната „Молитва“ на натпревар за пеење.

На нивните способности не остана рамнодушна ни самата Марија Шерифовиќ, која со оваа песна и донесе победа на Србија на Евровизија во 2007 година.

Пејачката го изрази своето воодушевување од нивната изведба на својот Инстаграм профил.

Таа во објавата напомена дека ова е најдоброто изведување на нејзината песна, и напиша прекрасна порака упатена до талентираните Корејци.

„Ви посакувам се најдобро во понатамошната кариера и натпреварување. Се гледаме наскоро“, напиша пејачката.

Фото: Елена Китиќ ги запали социјалните мрежи

Таа објави фотографија во костим за капење, која го покажува нејзиното совршено тело и облини.

Ќерката на пеачкиот пар Миле Китиќ и Марта Салиќ, Елена Китиќ е активна на социјалните мрежи, а фановите неретко ги изненадува со смели фотографии.

Имено, Елена, судејќи по објавите, отпатувала во потоплите краишта. Елена најпрво објави фотографија во костим за капење од една од плажите во Доминиканската република, за потоа да објави снимка на која се гледаат убавините на оваа луксузна дестинација.

Фотографијата во костим на капење на која го покажува своето совршено тело и облини, наиде на многу позитивни реакции од фановите.

„Згодна“, „Убавице“, „Жена бомба“, се само дел од коментарите.

Сирискиот претседател и неговата сопруга имаат корона

Претседателот н Сирија Бапар Ал Асад и неговата сопруга Асма се заразени со коронавирусот, но се добро и нивната состојба е стабилна, објави денес претседателството, додека во земјата расте бројот на заразени.

Ал Асад и сопругата Асма направиле ПЦР тест откако почувствувале благи симптоми на корона.

Тие ќе бидат во изолација две до три недели.

„Во текот на изолацијата која ќе трае измеѓу две и три недели тие ќе продолжат со работата од дома“, додава претседателството во соопштението.

На почетокот на март министерството за здравство извести за зголемување на бројот на инфекции и повика на строго почитување на дистанцата и оцени дека таа земја не е поштедена од другите варијанти на вирусот.

Власта на крајот на февруари најави почеток на кампања за вакцинирање на медицинскиот персонал. Сирија доби 5000 дози од кинеските вакцини за 2500 медицинари, според дневниот весник „Al-Watan“, близок до власта. Сирија исто така одобри употреба на руската вакцина.

притисни ентер