Бугарија жали што Словачка и Чешка ги блокирале заклучоците на проширувањето

Дипломатскиот земјотрес што го предизвикаа Чешка и Словачка со блокадата на заклучоците на проширувањето втор ден ги тресе и Брисел и Софија. 

Документот кој требаше да испрати сигнал дека проширувањето останува меѓу приоритетите на Унијата и натаму е блокиран поради како што појаснија официјална Прага и Братислава, спорната формулација поврзана со погрешното толкување на историјата на кое инсистираше Софија. Бугарското МНР денеска изрази жалење за блокараните заклучоци.

-Подготвени сме да ја слушнеме загриженоста што доведе до оваа одлука и да ги продолжиме нашите напори за постигнување консензус за проширувањето. Ветото на заклучоците на Советот носи ризик да ја поткопа довербата на ЕУ и да ја спречи Унијата да ги испраќа потребните сигнали до Западен Балкан за стимулирање на неопходните реформи, се вели во реакцијата на бугарското МНР.

Во исто време, останува бугарското ветото врз преговарачката рамка за Македонија, која воопшто не е поврзана со блокираните заклучоци. Премиерот Заев, кој денеска беше во посета на Пустец, го изрази разочарувањето и повтори дека македонскиот јазик и идентитет не се предмет на преговори.

-Ние не се откажуваме од нашиот македонски идентитет и Бугарија нема причина да покренува други претензии. Ние сме пријателски земји и треба да се помагаме, за да одиме напред и целот Балкан да оди напред, изјави Зоран Заев, претседател на владата (снимки БалканВеб)

Можноста за пресврт за македонските преговори до крајот на годинава е сведена на теорија, вели за Канал 5 Симонида Кацарска од Институот за европска политика, според која, новата блокада на заклучоците е голем удар за германското претседателство, кое се обиде да ги задоволи бугарските барања поврзани со историјата.

Вчера германската канцеларка Меркел изјави дека разговарала со премиерот Борисов и дека во блиска иднина очекува надминување на блокадата.

Новата рекламна кампања на Бајден вредна 50 милиони долари е насочена кон осудата на Трамп

Предизборниот штаб на американскиот претседател Џо Бајден ќе се фокусира кон пресудата за кривично дело на републиканскиот противкандидат Доналд Трамп во кампања од 50 милиони долари пред првата претседателска дебата меѓу двајцата кандидати на 27 јуни

Тоа е еден од најголемите трошоци за рекламирање на кампањата досега и означува голема промена во пристапот на Бајден кон признавањето на вината на Трамп по првичното колебање на претседателот да донесе одлука за ова прашање за да избегне вмешаност во правните проблеми на поранешниот американски претседател.

„Репутацијата е важна“ е слоганот на рекламата од 30 секунди во која се вели дека „овие избори се меѓу осудениот криминалец кој се бори за себе и претседателот кој се бори за вашето семејство“, правејќи спротивставеност меѓу двајцата кандидати.

Видеото ќе се емитува во сите клучни држави, како и во оние каде што републиканците и демократите си разменија пратенички места на последните избори.

На 30 мај, Трамп беше прогласен за виновен од поротата во Њујорк по 34 точки од обвинението за фалсификување деловни документи.

-Нечесниот Џо Бајден и демократите го користеа правосудниот систем како оружје против претседателот Трамп, а оваа нова реклама уште еднаш докажува дека лажното судење отсекогаш имало за цел да се меша во изборите, но Американците можат да го сфатат тоа, напиша на социјалните мрежи портпарол на кампањата на Трамп на мрежата „Х“.

Бајден и Трамп остануваат изедначени во анкетите на помалку од пет месеци пред изборите, но Трамп има предност во клучните држави кои ќе одлучуваат за изборите./МИА

Бостон ги надмина Лејкерси и постави нов рекорд за најмногу титули во НБА

Бостон изутрина на свој терен го победи Далас со 106:88 во петтиот меч од финалето на НБА и по 18-ти пат во историјата стана шампион. 

Најпродуктивен играч на средбата беше домашниот играч Џејсон Тејтум, кој постигна дабл-дабл со 31 поен и 11 асистенции. Кај Маверикс се истакна Лука Дончиќ со 28 поени и 12 скока.

Селтикси серијата ја завршија со 4:1 во победи и сега имаат најмногу шампионски титули во историјата на лигата, надминувајќи ги Лејкерси, кои освоија 17.

Трет на оваа листа е Голден Стејт вориорс кои седум пати победувале во НБА плејофот.

Бостон претходно ги освои титулите во 1957, 1959, 1960, 1961, 1962, 1963, 1964, 1965, 1966, 1968, 1969, 1974, 1976, 1989, 1989, 1984, 1981.

Џејлен Браун беше прогласен за МВП на финалето. Дваесет и седумгодишниот Американец во серијата од пет натпревари имаше просек од 20,8 поени, 5,4 скока и 5 асистенции. /МИА

ДЗР го објави конечниот ревизорски извештај на Агенцијата за вработување

Исплатени 2.8 милијарди денари за паричен надоместок на невработените лица и за активни мерки за вработување

Државниот завод за ревизија изврши ревизија на финансиските извештаи заедно со ревизија на усогласеност на Агенција за вработување на Република Македонија за 2022 година. Со извршената ревизија за 2022 година изразено е неповолно мислење за реалноста и објективноста на финансиските извештаи и за усогласеноста со законската регулатива, упатства и воспоставените политики.

Со спроведената ревизија ревизорите утврдиле дека исплатата на средства за паричен надомест во случај на невработеност во 2022 година се во висина од 1.407.710 илјади денари, што претставува 42,62% од вкупните расходи на АВРМ, и во однос на 2021 година исплатениот износ бележи намалување за 116.247 илјади денари.

Со проверка на функционирањето на постапката за остварување на право на паричен надоместок на избран примерок на предмети за 2022 година ревизорите утврдиле дека кај дел од анализираните предмети документацијата е некомплетна, а дел од документацијата се обезбеува или се изготвува по истекот на законски утврдениот рок.

За реализација на вкупно 14 програми и мерки за вработување предвидени со Оперативниот план во 2022 година исплатени се вкупно 1.420.003 илјади денари односно 43% од вкупните расходи на АВРМ. Овој износ бележи зголемување во однос на 2020 и 2021 година и тоа за 148.902 илјади денари во однос на 2020 година, или во однос на вкупните расходи на АВРМ за овој период се јавува зголемување од 4%.

Со анализа на поединечните мерки ревизорите утврдиле дека за три мерки – Субвенционирање на плати, Вработување и раст на правни субјекти и Практикантство за кои е исплатен вкупен износ од 468.126 илјади денари во ОУ1 и ОП2 не се вклучени одредби врз основа на кои ќе се изработат ранг листи на лица на кои ќе им бидат одобрени средства и лица кои ќе бидат одбиени во случај на поголем број на пријавени кандидати при што усвоена е пракса за одобрување на апликациите по принцип прв пристигнат прв услужен.

При распределбата на средства ревизорите утврдиле дека не е почитуван принципот на рамномерен регионален развој на осумте плански региони на начин на кој е дефиниран во ОУ и ОП. Притоа за дел од планските региони се исплаќа повисок износ на средства во однос на утврдените проценти за учество во Одлуката за класификација на планските региони според степенот на развиеноста. Повисок износ е исплатен кај скопскиот плански регион и планските региони во западниот дел од земјата при што во поедини случаи надминувањето е и двапати поголемо, додека за планските региони од централниот и источниот дел на земјата е исплатен понизок износ од утврдената квота со одлуката.

Во делот на административното работење на АВРМ ревизорите утврдиле:

- слабости во делот на пописот на опремата и усогласување со податоците во сметководствената евиденција со фактичка состојба во однос на сметководствената евиденција на залихата на материјали;

- не воспоставен контролен механизам за следење на побарувањата по основ на остварените приходи од неуплатен придонес за вработување и невоспоставена меѓу институционална комуникација за евиденција на пресметана обврска за уплата на сите обврзници

- исплата на додаток на плата заради зголемен обем на работа за кој не постои соодветен законски основ и без утврдени критериуми за избор на вработените лица кои го добиваат овој додаток;

- ангажман на лица вработени на определено време за вршење на редовни работни задачи при што се надминуваат и временските лимити за нивни ангажман;

- интерните контроли во врска користење на средствата доделени за активните мерки за вработување се слаби, при што кај поедини ЦВ не се врши проверка и одобрување од страна на одговорните лица на доставените про-фактури и фактури кои се однесуваат за набавките на материјал/опрема услуги и изградба, дел од средствата се ненаменски потрошени за набавки кои не се поврзани со доставените бизнис планови на корисниците на средствата.

Во делот на Останати прашања ревизорите меѓу другото ги истакнуваат прашањата поврзани со утврдените состојби во делот на недоречености во делот на правната рамка која обезбедува услови за остварување на правата од ПН кои придонесуваат за не воедначена примена во пракса, кои се однесуваат на начинот на пресметка на висината на ПН при работа со неполно работно време и на условите за престанок на правото на ПН, се наведува во соопштението од ДЗР.

притисни ентер