Трамп ги предупреди Американците дека доаѓаат натешките недели за пандемијата со корона вирусот во САД.Вчера оваа земја ја надминаа бројката од 300.000 заразени, денеска достигна бројка од 311 637 ,а речиси 8.500 луѓе починаа.Најпогоден е Њујорк .
„Најверојатно ќе биде тешка недела, оваа недела и следната недела, и ќе има многу мртви, за жал но нема да има малку мртви.“
Илјадници војници , илјадници медицински работници , професионалци , медицински сестри, лекари , а ќе бидат во голем број ќе им биде кажано следниов период каде одат. Одат во војна , во битка , за нешто што никогаш не биле тренирани, никој не бил трениран за ова, никој не го видел ова , уште од 1917 година.)
Здравствените експерти во Белата куќа неодамна проценија дека САД би можеле да се соочат со 100.000 до 240.000 смртни случаи од ковид-19.
Шпанија по бројот на заразени лица се наоѓа на второто место по САД каде се регистрирани 130, 759 лица, а по бројот на починати е зад Италија, со бројка од 12, 418 лица . Од ден на ден д расте бројот и на починати и на зарзени, надлежните се оптимисти дека Шпанија го поминува пикот на заразата.
Убава вест стигна од Италија ,104 годишната Ада Занусо , која се излечи од Ковод 19 , стана симбол на надежта во напатената Италија која се бори со пандемијата . Преживала две војни, но ја преживеа и борбата со корона вирусот.
Во Франција: И покрај речиси 8.000 мртви, врвот уште не е достигнат.Оваа земја е со ограничени мерки на движење од 17 март за борба против ширењето на епидемијата, па сепак вчера се регистрирани дополнителни 441 смртни случаи во болниците, нешто помалку од петокот кој беше со најлош дневен биланс на жртви од почетокот на епидемијата
Додека врвот на епидемијата „се приближува“ во одредени француски региони,од Французите се бара да останат дома и за велигденските одмори, кои почнаа овој викенд.
Околу 60 припадници на Првата бригада на вооружените сили на Србија, кои биле анга жирани да примат луѓе кои доаѓале од странство од 13 март до 16 март, се заразени со коронавирусот, изјави денеска претседателот Александар Вучиќ, пренесува Танјуг. Во Србија над 1600 се заразени , а починаа 44 лица.
Шефот на кинескиот експертски тим во Србија, доктор Пенг Џичианг изјави дека најефикасна заштита од коронавирусот е носењето маска и најави дека Кина би можела да има вакцина против ковид-19 околу крајот на јуни.
Доктор Пенг, информираше дека коронавирусот може да се уништи по еден час изложеност на температура од 56 степени, а најлесно може да се пренесе во првите два до пет дена од појавата на болеста.
Кина вчера пријави 30 нови случаи на коронавирусот, 19 повеќе од претходниот ден, соопштија кинеските здравствени работници, наведувајќи дека расте бројот на локална трансмисија на вирусот, но и на случаи кои доаѓаат од странство.
Иако бројот на новозаразени значително се намали во однос на врвот на епидемијата во февруари, Пекинг сè уште не успева целосно да ја запре новата инфекција и покрај најстрогите мерки за спречување на Kовид-19.