Бројот на починати од Ковид-19 достигна 500, вирусот најризичен за постарите лица

Тројца пациенти починаа вчера од вирусот Ковид-19, со што вкупниот број на починати од оваа болест достигна 500. 

Ковид-19 е најризичен за постарите лица, односно предизвикува поголема смртност кај лица на возраст над 60 години и кај лица со основни медицински состојби, како што се кардиоваскуларни заболувања, хронична респираторна болест, дијабетес и карцином.

Повторно се апелира за почитување на мерките за заштита – носење маска, одржување дистанца и зачестена хигиена на рацете.

Тројцата пациенти кои починаа се од Битола (на 73 години), еден од Демир Хисар на 73-годишна возраст и еден од Скопје на 44 години. Сите пациенти се починати во болнички услови.

Инситутот за јавно здравје вчера регистрира 74 нови случаи со Ковид-19: во Гостивар-22, Скопје-14, Штип-13, Куманово-осум, Виница-четири, Кавадарци, Берово и Свети Николе по три, Кичево-два, Струга и Кочани по еден. Во текот на вчерашниот ден регистрирани се и 90 оздравени пациенти од: Скопје-23, Тетово-17, Свети Николе-17, Штип-11, Гостивар-девет, Радовиш-пет, Кавадарци-три, Куманово, Дебар, Велес, Охрид и Кочани по еден.

Вкупната бројка на КОВИД дијагностицирани во земјава од почетокот на епидемијата изнесува 11.128, бројката на оздравени пациенти е 6.972, а во моментов бројот на активни случаи во земјата изнесува 3.656.

Во Скопје има најмногу активни случаи на Ковид-19 – 1.363, во Штип – 430, Гостивар – 282, Куманово – 269, Тетово – 220, Струга – 203, Свети Николе – 151, Дебар – 117, Кичево – 108.

Скопските општини Чаир и Аеродром се со најмогу активни случаи, следат Кисела Вода, Гази Баба, Карпош, Центар, Шуто Оризари. Во Чаир има 168 активни, Аеродром – 156, Кисела Вода – 148, Гази Баба – 137, Карпош – 118, Центар – 116, Шуто Оризари – 115.

На Инфективната клиника вкупно се хоспитализирани 92 пациенти од кои на кислородна поддршка се 48 пациенти, а еден е на механичка вентилација. Во болницата во Козле се хоспитализирани 10 возрасни пациенти позитивни на Ковид-19 и три деца позитивни, како и седум пациенти суспектни на вирусот. Во ГОБ „8 Септември" вкупно хоспитализирани се 95 пациенти од кои на респираторна машина се четири пациенти.

Во болницата во Битола се хоспитализирани 26, а во болницата во Штип се хоспитализирани 50 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани 114 пациенти – позитивни и сомнителни на Ковид-19.

Досега во земјата се направени вкупно 106.047 тестирања на Ковид -19.

Министерот за здравство Венко Филипче вчера соопшти дека досега се обезбедени 61 единица конвалесцентна плазма за третман на пациенти со Ковид-19. Крвна плазма, посочи тој, може да дарува лице кое оздравело од коронавирус.

– Ајде да бидеме хумани и да им помогнеме на пациентите кои сѐ уште се борат со овој непредвидлив вирус. Да ја покажеме нашата грижа, да даруваме и да спасиме човечки живот. Апелирам на солидарност, затоа што нема ништо поважно од нашето здравје и здравјето на нашите најблиски, напиша вчера Филипче на ФБ.

И денеска голем број починати и заразени

Црниот биланс за починати и заразени од коронавирусот и натаму се зголемува.

Додека лекарите велат дека треба да се почека за да се потврди дали ова зголемување е почеток на најавениот есенски бран и земјите од регионот бележат слично зголемување.

На темата епидемија и последици од истата од пред Владата ја вклучуваме колешката Сања Трајковска Ставров.

Предлозите за заменици министри денеска предадени во собраниската архива

Завршени се разговорите со сите потврдени и потенцијални кандидати за замници министри и сите ќе добијат шанса и ќе можат да бидат вградени во одредни други општествени области кои се под надлежност на извршната власт, истакна премиерот Заев. 

Списокот со предлози за заменици министри испратен до Собранието. Имињата на новите функционери и нивните биографии премиерот Заев попладнево ги доставил до пратениците. Од вкупно 16 заменички места СДСМ и помалите партии од коалицијата добиваат девет места, ДУИ пет, а БЕСА две.

Од листата може да се заклучи дека Заев се одлучил за поголеми промени во вториот ешалон од извршната власт.

Па, звучи имиња кои досега ги извршуваат заменичките функции во министерства не се најдоа меѓу новите кандидати. Андреј Жерновски го напушта заменичкото место во МБР и на негово доаѓа Фатмире Исаки на предлог на ДПА. Јани Макрадули во министерството за животна средина ќе го замени Христина Оџаклиевска, кадар на ДОМ. Како и

Зоран Маневски од НСДП е предложен за заменик во економија. Долгогодишниот новинар Зоран Димитровски, како предлог Демократски сојуз, ќе седне во заменичката фотелја во локална самоуправа. Димитар Ковачевски е предложен за заменик министер во финансии. Трајан Димковски довечерашен министер за земјоделство, сега преминува во заменичкото место. Енвер Хусејин за труд и социјална политика, а Илхан Рахман за политички систем. Александар Бајдевски во информатичко општество и администрација.

ДУИ уште пред неколку дена ги објави кандидатите од своите редови. Агим Нухи оди во правда. Назим Буши – МВР, Башким Хасани за одбрана, доктор Илир Хасани во здравство, Беким Реџепи – транспорт и врски. БЕСА ќе има заменици во култура и во образование и наука.

По доставениот предлог се очекува веќе од понеделник предлозите да се најдат на пленарна седница на Собранието.

Британската кралица го поништи одликувањето,што му го дала на холивудскиот предатор

Британската Кралица Елизабета официјално му го поништи одликувањето на Харви Вајнштајн, откако е осуден за сексуален напад на асистентката и силување на актерка.

„Кралицата нареди веднаш да се откаже и поништи одликувањето на Харви Вајнштајн за почесен командант на цивилниот огранок на најзначајниот поредок на британската империја, од 29 јануари 2004 година“, се вели во официјалното соопштение.

Шеесет и осумгодишниот Вајнштајн отслужува 23-годишна затворска казна во државата Њујорк откако беше осуден на 24 февруари.

Вајнштајн ја обжали пресудата.

Некогаш еден од најмоќните продуценти на Холивуд, Вајнштајн (67) е прогласен за виновен за сексуален напад врз поранешната асистентка Мими Халеји во 2006 година и за силување на Џесика Ман, поранешна актерка, во 2013 година.

Повеќе од 80 жени, меѓу кои и познати актерки, го обвинија за сексуално вознемирување извршено во последните децении. Тој ги негира сите обвиненија и тврди дека жените се согласиле да имаат секс со него.

Обвинителите го претставија за време на судењето како сериски предатор кој манипулирал со жените ветувајќи им дека ќе им ги отвори вратите во светот на филмот, привлекувајќи ги во хотелски соби и приватни апартмани каде потоа ги напаѓал.

Ман рече дека тој е како „д-р Џекил и мистер Хајд“, шармантен во јавноста, но често застрашувачки бесен кога биле сами.

Вајнштајн е обвинет за сексуален напад и во Калифорнија, а десетици жени поднеле граѓански тужби против него.

притисни ентер