Свет

Британскиот премиер планира да побара ограничување на цените на основните прехранбени производи

Британскиот премиер Риши Сунак планира да побара од трговците на мало да воведат ограничувања на цените на основните прехранбени производи, како што се лебот и млекото, во обид да се справи со зголемените животни трошоци.

„Телеграф“ објави дека Даунинг стрит развива стратегии за борба против инфлацијата, при што тим од помошници кои работат под Сунак започнуваат разговори со супермаркетите, инспирирани од сличен аранжман во Франција.

Планот вклучува големи трговци на мало кои се обврзуваат да наплатуваат најниска можна цена за избраните основни прехранбени производи.

Весникот, повикувајќи се на извор од Министерството за финансии, објави дека инфлацијата кога се во прашање прехранбените производи е многу потешка за решавање отколку што очекувале. Се наведува и дека разговорите со трговците се во прелиминарна фаза.

Инфлацијата на потрошувачките цени во Велика Британија во април се намали на 8,7 отсто на годишно ниво, откако во март достигна 10,1 отсто.

Најновите податоци на Канцеларијата за национална статистика (ONS) покажуваат дека цените на храната продолжија да растат брзо, достигнувајќи ја највисоката стапка на раст во речиси 45 години.

Иако стапката на раст на цените на прехранбените производи благо забави до април, таа сепак изнесуваше 19,1 отсто.

Македонија

Сообраќајот тековно и без застои

Сообраќајот на државните патишта се одвива непречено, по претежно суви коловози.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Патниот правец Охрид – Ресен, преку националниот парк Галичица од 01.04.2024 е пуштен за сообраќај за сите видови возила со вкупна тежина до 3.5 тони.

Македонија

Посебен сообраќаен режим викендов во Скопје поради предизборни митинзи

Поради предизборни митинзи за претседателските избори викендов во централното градско подрачје ќе биде воведен посебен сообраќаен режим.

Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.

Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.

Од МВР апелираат до граѓаните да ги почитуваат наредбите на полициските службеници.

Македонија

Пожари на диви депонии во Желино и Боговиње

Два пожара на отворен простор се регистриранио во последното деноноќие, соопшти ЦУК.

Гореле диви депонии во атар на с.Церово, Општина Желино и над расторанот „Дарданија“ кај с.Боговиње.

Интервенирале пожаникари од Тетово и ренеџер од Наионалниот парк „Шар Планина“. Според последните информции, пожарите се локализирани.

ЦУК апелира за внимателност заради најавените метеоролошки промени со дожд, ветер и снег на повисоките места.

Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации.