Британците ќе почекаат на целосното укинување на мерките, индискиот сој пребргу се шири

Надежта на британскиот премиер Борис Џонсон дека ќе го укине карантинот во Англија на 21 јуни е деенска доведено во прашање, бидејќи податоците покажуваат натамошно зголемување на бројот на заразени со варијантата делта на коронавирусот.

Џонсон треба да објави во понеделник дали ќе се спроведе планираното укинување на ограничувањата.

Но, брзото ширење на делтата сојот на вирусот ги доведе во прашање тие планови, предизвикувајќи шпекулации дека рокот од 21 јуни ќе биде поместен и дека некои ограничувања ќе останат на сила.

"Треба да бидеме навистина внимателни. Имавме навистина големо олеснување на 17 мај, кога луѓето можеа да започнат да се среќаваат со пријателите во затворено, во ресторани, пабови и да се дружат", рече главниот службеник за вакцинација против ковид-19, Надим Захав за Радио Тајмс.

„И мислам дека е важно да ги разгледаме податоците многу внимателно за време на викендот и потоа да и го кажеме тоа на нацијата“.

Британските здравствени власти денеска објавија дека варијантата делта во моментов е одговорна за над 90 проценти од новите случаи со ковид-19.

Истакнат британски епидемиолог во средата рече дека делта варијантата на коронавирусот е 60% побрзо се пренесува отколку алфа, британската варијанта, која претходно доминираше.

Во Велика Британија досега над 127 000 луѓе починале од ковид-19. Повеќе од една третина од возрасните примиле барем една доза на вакцина.

Шведските здравствени власти предупредија денеска за загрижувачки локални фокуси на варијантата делта коронавирус и ги повикаа жителите да се вакцинираат за да се избегне четвртиот бран на пандемијата.

Шведска, која не воведе затворања за време на пандемијата, забележа огромен пад на случаи и хоспитализации во изминатиот месец, по претходниот раст.

Скоро половина од возрасната популација примила барем една доза на вакцина, но Институтот за јавно здравје предупредува дека луѓето кои примиле една доза се помалку заштитени од новата варијанта.

"На хоризонтот има темни облаци и мислам дека тоа најмногу се должи на варијантата делта. Пронајден е во Европа, но исто така и локално во Шведска", им рече на новинарите директорот на шведското јавно здравје Јохан Карлсон.

Британските епидемиолози сметаат дека варијантата делта, прва откриена во Индија, се пренесува 60 проценти побрзо од алфа варијантата, која претходно беше доминантна во Велика Британија, меѓу другото и затоа што вакцините се помалку ефикасни против таа варијанта.

Досега се пријавени само 71 случаи во Шведска, но властите го засилиле следењето на контактите со заразените. Во Велика Британија, 90 проценти од новоинфицираните лица спаѓаат во варијантата делта.

Шведска вчера забележала 831 нов случај и три смртни случаи. Од почетокот на пандемијата, потврдени се 14.500 смртни случаи, што е повеќе отколку во другите скандинавски земји, но и помалку отколку во повеќето европски земји кои избраа да се затворат.

Американската морнарица активираше бомба во океан, експлозијата предизвика земјотрес

Американската морнарица активираше бомба во океан, во рамки на воените вежби влиску крајбрежјето на Флорида.

Тие објавија снимка на која се покажува моментот во кој беше активирана бомбата од 18 илјади килограми.

Експлозијата, според информациите, била толку силна што предизвикала земјотрес. Бродот на американската морнарица се наоѓал блиску до местото на експлозијата, а намерата била да се провери колку се издржливи бродовите, кога би се соочиле со вакви напади.

Комисијата за финансирање и буџет го поддржа Законот за субвенциониран студентски оброк

Амандманот за Член 10, поднесен од самите предлагачи на Законот беше прифатен од претставниците.

На денешната седница на Комисијата за финансирање и буџет беше отворен претрес на амандманите за менување на членовите од Предлог на закон за изменување и дополнување на Законот за субвенциониран студентски оброк, поднесени од пратениците Моника Зајкова и Боби Мојсоски.

Амандманот за Член 10, поднесен од самите предлагачи на Законот беше прифатен од претставниците.

– На Предлог на закон за изменување и дополнување на Законот за субвенциониран студентски оброк предлагам комисиски амандман по Член 10 се додава нов член 10а што гласи: „Одредбите од членовите 7, 8, 9 од овој закон со кој се менуваат членовите 10, 11, и 12 ќе се применува до завршувањето на академската 2021/2022 година. По завршување на академската годината ќе се применуваат одредбите од членовите 10, 11, и 12 на законот за субвенционирање студентски оброк објавен во службен весник. Одредбата од член 10 со која се додава нов член 12а ќе се применува до завршување на 2021/2022 година што значи дека секој редовен студент ќе може да ги искористи средства од околу 2.600 ден за студентски оброк, изјави пратеничката од СДСМ Марија Георгиевска.

Зајкова, пак, потсети дека Законот за субвенциониран студентски оброк во минатиот состав беше едногласно донесен и стапи во сила на 10 февруари 2020 година, што како што вели таа е поразително дека сè уште не е системски имплементирано ова законско решение, а притоа да се подготват сите подзаконски акти на Законот.

– Наместо денеска да зборуваме во колкав процент ќе биде неговата реализација ние денеска зборуваме за негово изменување што во корен ја менува идејата и концепцијата на Законот, додава таа.

Пратеничката Зајкова истакна дека доколку пратениците сакаат да им дадат финансиска помош на студентите може да донесат друг закон, како што е законот за финансиска поддршка.

Комисијата за финансирање и буџет го стави Законот на натамошна постапка во Собранието.

Премиерите Заев и Руте на трибините во Амстердам ќе ги бодрат своите репрезентации

Премиерот  Зоран заев патува за Амстердам на покана на премиерот на Холандија Марк Руте.

Премиерите на Македонија и Холандија , Заев и Руте попладнево ќе бидат на трибините на арената Јохан Кројф во Амстердам и ќе ги бодрат своите фудбалски репрезентации во нивниот дуел на ЕУРО 2020.

притисни ентер