„Тестот покажа дека сум позитивен“, рече Болсонаро со маска на лицето пред новинарите собрани попладнево, додавајќи:
„Само погледнете го моето лице, добро сум“, додаде Болсонаро, симнувајќи ја маската и продолжи да разговара со новинарите.
"Имав температура од 38 степени, но белите дробови ми се чисти. Лекарите ми дадоа хидроксихлорохин и азитромицин (антибиотик) по што се чувствував подобро. Јас сум одлично", додаде Болсонаро.
Тој рече дека сега работи колку што е можно „преку видео конференција“.
Вчеравечер, Болсонаро објави дека е на снимање на белите дробови во воената болница.
Кон крајот на март, Болсонаро во голема мерка ја минимизираше важноста на пандемијата на коронавирус, па тој изјави на телевизија. „Со оглед на моето спортско минато, дури и ако се заразам со вирусот, нема да мора да се грижам. Нема да ми наштети.".
Си-Ен-Ен Бразил и Естадо де С. Пауло вчедра објавија дека Болсонаро, кој повеќе пати покажал дека коронавирусот не е важен, покажува симптоми на болеста.
Со 1,6 милиони заразени и 65.000 жртви, Бразил е втор на светот во однос на инфекцијата со коронавирус, по Соединетите држави.
Десничарскиот популист Болсонаро, во голема мерка одбива да носи маска во јавност, дури и откако судот му наредил да го стори тоа.
Тој се ракува и ги гушка своите приврзаници и често учествува на собири со голем број луѓе.
Тој веќе била тестиран за коронавирус еднаш, во март, и резултатот бил негативен.
Лидерот на Светската здравствена организација (СЗО), Тедрос Аданом Гебреизус, денеска му посака „брзо закрепнување“.
„Ниту една земја не е имуна, ниту една земја не е безбедна и ниту една личност не може да биде безбедна“, рече тој.
Мајкл Рајан, директор на службата за итни случаи на СЗО, рече дека сите се „подеднакво подложни“ на вирусот „било да е принц или сиромашен човек“.