Бочварски од Карбинци: Им помагаме на сите општини за да обезбедиме подобар животен стандард

Во рамките на работната посета на источниот регион, министерот Благој Бочварски ја посети и општина Карбинци каде со градоначалникот Виктор Паунов, извршија увид во изградба на локалниот пат од н.с. Таринци до н.с. Долни Балван.

Проектот е финансиран од страна на Министерството за транспорт и врски како дел од проектот за поврзување со локални патишта на општините и истиот е во вредност од 30 милиони денари.

Изградбата на патот се одвива согласно планираната динамика, прогресот е околу 75% и се очекува истиот да биде пред летниот период.

„Силно сме фокусирани на модернизација на патната мрежа, каде инвестираме преку 2 милијарди евра за што најдобро говорат бројките и проектите кои се работат на терен. Особено внимание посветуваме на подобрување на локалните патишта и улици каде преку Министерството за транспорт и врски даваме директна поддршка од вкупно 70 милиони евра на сите општини и помагаме на сите граѓани преку изградба на квалитетни патишта. Овој пат е инвестиција од 30 милиони денари неповратни средства за општината кои ги обезбедивме преку Министерството за транспорт и врски. Во овој момент активно се работи на подготовка за асфалтирање, се работи на поставување на електрична инсталација, исто така со проектот е предвидена и изградба на пешачка патека во должина на целиот патен правец. Овој локален пат кој ги поврзува двете населени места беше барање токму на локалното население и ние како централната власт уште еднаш покажавме дека имаме слух за сите граѓани.“ – изјави министерот Бочварски.

Поддршката за општините ќе продолжи и во следниот период заради подобри услови за живот на граѓаните, за развивање на регионите и се вкупно за просперитет на државата, додаде министерот Бочварски.

До сега реконструирани се преку 180 локални улици и патишта во преку 70 општини низ државата, се наведува во соопштението.

Ѓорѓиевски: “Вардар” мора да постои - обезбедена поддршка за баражот

За ФК “Вардар” пред најважниот натпревар оваа сезона, е обезбедена финансиска поддршка од градоначалникот на Општина Кисела Вода Орце Ѓорѓиевски. 

На денешниот тренинг на тимот тој лично на “Вардар”, Вардарци и Комити им даде збор дека за многу брзо време работите ќе се променат на подобро, и “Вардар” никогаш повеќе нема да биде во оваа ситуација.

-“Вардар” е душата на Скопје и како еден од нив, ќе го дадам и последниот атом од мене за да се одржи клубот. Како и во минатото, така и сега во пресрет на баражот во недела, обезбедени се финансиски средства за да опстои нашата гордост. “Вардар”, Вардарци и Комити не се оставени сами на себе. Мојата подадена рака ќе стои секогаш тука за нив. И да, ќе одиме на врвот - таму каде што припаѓаме! А во една блиска иднина, за многу брзо време кога работите ќе се променат на подобро, “Вардар” никогаш повеќе нема да биде во оваа ситуација. Го имате мојот збор!

Се гледаме во недела, во 17 часот на стадионот во Струмица.ФК ВАРДАР : ФК ДЕТОНИТ ПЛАЧКОВИЦА! За Вардар, за нашето славно минато и блескава иднина-истакна градоначалникот Орце Ѓорѓиевски, кој и минатата година, пред историскиот натпревар со Кавадарци му обезбеди финансиска поткрепа на спортската гордост на Скопје, “Вардар”, соопштуваат од општината.

ДИК: Заврши прегласувањето на болните и немоќни лица, затворениците и лица во центрите за грижа

Денес заврши прегласувањето на болните и немоќни лица, лицата кои издржуваат казна затвор и лицата сместени во центрите за вонсемејна грижа а кои припаѓаат на избирачките места каде што се поништи гласањето за парламентарните избори.

Денес заврши прегласувањето на болните и немоќни лица, лицата кои издржуваат казна затвор и лицата сместени во центрите за вонсемејна грижа а кои припаѓаат на избирачките места каде што се поништи гласањето за парламентарните избори спроведено на 8 мај 2024.

Вкупно 45 лица пријавени како болни или немоќни имаа право на глас на избирачките места каде се одвива прегласувањето во Желино, Крушево, Охрид, Долнени и Струга.

На ИМ 2101 во Желино гласале сите 4 лица кои биле запишани како болни или немоќни.

На ИМ 1194 Крушево од 20 запишани лица гласале 18 а на ИМ 1202 Крушево гласале сите 6 запишани лица.

На ИМ 1272 Охрид, правото на глас денес го искористиле двете запишани лица во посебниот извод од Избирачкиот список .

На ИМ 1470 Долнени во кое имаше запишано 7 лица како болни или немоќни и на ИМ 1470/1 Долнени со запишани 2 лица, сите го искористија правото на глас.

На ИМ 1844 Струга, сите 4 лица запишани како болни или немоќни гласаа денес во текот на денот.

Гласањето заврши и за лицата кои се на издржување казна затвор како и за лицата кои се сместени во центрите за вонсемејна грижа.

Сите 5 пријавени лица за гласање во затворите во Прилеп и Шуто Оризари денес гласаа во објектите каде престојуваат, а и двајцата пријавени гласачи во центрите за вонсемејна грижа во општините Карпош и Битола, денес го остварија своето право на глас

Гласањето се одвиваше непречено, без пријавени нерегуларности.

Државна Изборна Комисија

Кривичен му одреди притвор од 30 дена на Палевски, вели дека ќе докажел дека не е виновен

Љупчо Палевски попладнево за првпат откако беше екстрадиран од Турција од затворот во Шутка под силно полициско обезбедување беше спроведен во Кривичниот суд пред судија на претходна постапка...

Палевски кој е првоосомничен за грабнувањето и убиството на Вања Ѓорчевска и велешанецот Панче Жежовски, на прашања на новинарите негираше вина..

Пред Кривичниот суд е Елизабета Дамјановска Спасеновска..

Бети нешто помалку од два часа Палевски беше пред судијата на претходна постапка...

притисни ентер