Блокирај ја омразата.Сподели љубов!- Со симболот на љубовта се бориме против говорот на омраза

Борбата со говорот на омраза е неопходна во нашето општество, но воедно е и должност на секој граѓанин, кој како единка има исклучителна важност и значајна улога против дискриминацијата и обезбедување слободно и разновидно општество“.

Ова беше главната порака на јавниот настан во Градскиот парк во Скопје организиран денеска во рамки на заедничката кампања на Европската Унија и Советот на Европа „Блокирај ја омразата. Сподели љубов!“ која се фокусира на борбата против говорот на омраза и дискриминацијата.

Розите како симбол на љубовта и хармонијата беа главна тема на оваа активност која на едно место ги собра младите активости, Младите Европски Амбасадори, дел од Амбасадорите против говор на омраза и поддржувачите на кампањата. Оваа иницијатива има за цел да ја подигне свеста кај граѓаните за различните форми на говор на омраза и дискриминација кои се насочени кон одредени заедници и поединци, како и да промовира различни начини за борба против говорот на омраза, пред сè преку ширење позитивни пораки за прифаќање и почитување на различностите, преку симболично „споделување на љубовта“ со црвени рози.

„Говорот на омраза којшто е изразен во, низ и кон медиумите и новинар(к)ите е особено проблематичен и општеството и сите негови чинители мора да преземат сериозни мерки кон ова, зашто на тој начин, ваквата појава само се пренесува постојано од уво в уво и тоа е причина за нејзино држење во живот, но и проширување. Особено внимание треба да се обрне на говорот на омраза кој е насочен кон новинарките и медиумските работнички, зашто токму овој родов аспект на говорот на омраза ни покажува каде сè ние треба да се посветиме во ова желба за блокирање на омразата, а споделување на љубовта,” истакна Огнен Јаневски, познат ТВ водител, уредник и Амбасадор против говор на омраза.

Денис Јанкуловски, медицински работник, добитник на наградата „Европеец на годината“ за 2021 година и Амбасадор против говор на омраза ги сподели своите видувања со присутните:

„За жал, говорот на омраза последниве години зема сè поголем замав, премногу лоши зборови излегуваат на површина. Тој говор е застапен речиси во секоја тема, насекаде. Невнимателно избраните зборови и тоа како знаат да влијаат врз оние кон кого се насочени, дури и неверојатно е дека постојат такви зборови. Затоа ние мора секојдневно да бидеме што погласни во препознавањето, осудувањето и потиснувањето на овој говор и нашиот глас да биде слушнат. Треба да укажуваме дека многу поубаво секој ќе се чувствува кога говорот ќе му биде исполнет со убавини, со пријатни зборови, со почит кон секого, без разлика што не се согласуваме во некои ставови и размислувања.“ - истакна тој.

Лејла Дервишагиќ, раководителка за оперативно работење на Програмската канцеларија на Совет на Европа во Скопје истакна дека „Блокирај ја омразата. Сподели љубов“ е заедничка заложба на Советот на Европа и Европската Унија со цел да ја поддржат борбата против говор на омраза. „Преку оваа кампања би сакале да бидеме поблиску до граѓаните и да ја испратиме пораката дека љубовта е алтернатива на омразата. Сите можеме да се бориме против говор на омраза преку споделување на нашите заеднички европски вредности како толеранција, почит кон останатите, љубов и посветеност кон тоа да живееме во општество без омраза.“ – рече таа

Кампањата за подигање на свеста „Блокирај ја омразата; Сподели ја љубовта“, се спроведува во во Македонија од декември 2021 година, а целта е да се информира широката јавност за опасноста од говорот на омраза и начините за борба против него. Оваа иницијатива за подигање на свеста е проширена „онлајн“ преку веб-страницата и каналите на социјалните медиуми, како и преку разни отворени јавни настани. Кампањата вклучува истакнати јавни личности, институции и реномирани активисти за човекови права, кои промовираат разлноликост и еднаквост во локалните заедници и во регионот, преку лични приказни, сведоштва и размена на добри практики.

Кампањата се спроведува во рамки на проектот „Промоција на разноликоста и еднаквоста во Македонија”, кој е дел од програмата „Horizontal Facility за Западен Балкан и Турција 2019-2022", финансирана од Европската Унија и Советот на Европа.

Изгоре автомобил мерцедес во пожар кој започнал при движење на возилото

На регионалниот пат Тетово-Скопје кај Желино вчера во пожар изгоре возило мерцедес со тетовски регистарски ознаки. Огнот во возилото започнал додека автомобилот бил во движење, а при тоа возачот не бил повреден.

-Во 15 часот и 40 минути, во СВР Тетово пријавено е дека на регионалниот пат Тетово-Скопје, по кое се движело, настанал пожар во патничко моторно возило „мерцедес" со тетовски регистарски ознаки, што го управувал Б.Ф.(18) од тетовска Палатица. Нема повредени лица, а со интервенција на тетовската Територијална противпожарна единица пожарот целосно е локализиран, информираше СВР Тетово.

Од пожарната информираа дека интервенирале две екипи со вкупно пет пожарникари.

Костадиновска-Стојчевска: Кратењето на трошоците во културата нема да се одрази на настаните

 Во Министерството за култура веќе направивме одредени кратења за да можеме да скратиме ние од кај нас, за да не трпат оние други културни манифестации кои се финансираат преку Годишната програма.

Министерката за култура Бисера Костадиновска-Стојчевска денеска изјави дека со ребалансот на Буџетот ќе има кратење во културата и напомена дека тоа прво ќе бидат најнепродуктивните и оние трошоци без кои, како што рече, „ќе можеме да преживееме до крајот на годината".

– Во Министерството за култура веќе направивме одредени кратења за да можеме да скратиме ние од кај нас, за да не трпат оние други културни манифестации кои се финансираат преку Годишната програма, изјави Костадиновска-Стојчевска по денешната средба со медиумите. Таа додаде дека има кратење од секаде и од Буџетот на Министерството за култура и најави дека ќе следат кратења и од други финансирања кои како Министерство ги имаат на располагање.

Министерката рече дека тоа воопшто нема да се одрази на културните настани и на нивото на култура што го имаме. Овие кратења, како што напомена таа, се за да се задржат високите плати, високите примања и да можеме да ги одржиме примањата на граѓаните во ова време на кризи. Костадиновска-Стојчевска изрази надеж дека тоа нема да биде негативно истолкувано или дека нема да биде причина за „некои други настани".

Министерката за култура изјави дека сега за сега остануваат капиталните инвестиции онака како што е предвидено, бидејќи треба подеднакво да се вложува и во повисоки плати, но и во објектите на културата каде треба да се работи и функционира.

Одговарајќи на новинарско прашање околу специјалната стратегија за заштита на културно наследство, Костадиновска-Стојчевска изјави дека освен законските решенија кои ги затекнала

или се „заглавени" во Собрание, она што сега ќе следи не е само стратегија за заштита на културно наследство, туку и стратегија за културата. Таа додаде дека сите стратегии можат да се ревидираат, бидејќи на некои им е изминат рокот и дека треба прилагодување на сето она што се случува секојдневно во културата.

Министерката изјави дека во изработката на стратегијата и на сите документи кои треба да ја регулираат и водат културата ќе биде вклучена независната сцена, иницијативата „Аудиција сега" и посочи дека сите треба да добијат право да бидат вклучени и опфатени во нејзината изработка.

На новинарско прашање дали е планирана нова средба на меѓувладината работна група за соработка со Бугарија, министерката за култура потсети дека на последната средба потпишале Договор за соработка или план за работа.

– Она што е предвидено во тој Договор за соработка од областа на култура меѓу Македонија и Бугарија се одвива, бидејќи тие се активности кои се постојани, кои ги имаме неколку години наназад, но таму во тој Договор само ги ставивме на хартија и тие се размена не само на искуства, туку и наши гостувања во Бугарија, каде имаме Културно-информативен центар во Софија, кој има своја програма, рече Костадиновска-Стојчевска.

На средбата со медиумите министерката Костадиновска-Стојчевска се осврна и на посетата на Рим и Ватикан и изрази задоволство од културните настани и од културното претставување на земјава.

Министерката за култура најави и дека ќе биде дел од владината делегација кој ќе оди во посета на САД, каде ќе има состаноци и средби за законско решение за нелегалната трговија со артефакти.

Метеоролози: САД оваа сезона би можеле да бидат зафатени од барем еден ураган од 3 категорија

Метеоролозите прогнозираат уште една многу активна сезона на урагани во 2022 година, пишува Би-Би-Си. Причината е што временските прилики повторно ќе бидат под силно влијание на природниот феномен познат како Ла Нина.

Експертите од Метеоролошката служба на САД објавија официјални прогнози за сезоната на урагани што трае од јуни до ноември. Нивните предвидувања соодветствуваат со прогнозите на научниците од Универзитетот во Колорадо и на Британската метеоролошка канцеларија.

Сите тие сугерираат натпросечен број бури, урагани и големи урагани. Оваа година би можела да биде седма по ред сезона со натпросечен број урагани.

Синоптичарите од Универзитетот во Колорадо сугерираат дека 70-процентни се шансите барем еден голем ураган (категорија три или повисока) да го погоди брегот на САД. Прогнозите се засноваат врз голем број фактори, но еден од највлијателните е природната временска шема за источниот дел на Тихиот Океан што има импликации врз временските прилики низ светот. Образецот се формира врз основа на промените на ветровите и температурите на морската површина во регонот, од потоплиот Ел Нино преку неутрална фаза до постудената Ла Нина. Ла Нина важи за поактивна сезона на урагани бидејќи придонесува за стивнување на ветриштата што овозможува побрз развој на тропските бури.

притисни ентер