Два часа откако угостителите и туристичките работници излегоа на протести пред министерството за финансии, Владата соопшти дека со шесттиот пакет најголема помош ќе добијат токму тие. Од скоро 18 милиони евра, 10 милиони се наменети за околу 17 илјади вработени во угостителство во 6 илјади фирми. Ќе ги добијат како плати и еднократна помош. По истиот принцип 2,5 милиони евра се предвидени ноќните клубови, рестораните за свадби, ИВЕНТ индустријата, игротеките, фитнис центрите.
По 500 евра ќе добијат музичарите и туристичките водичи, а туристичките агенции до 5 илјади евра. Безкаматни кредити од 1 милион евра се предвидени за медиумите. А за странските туристи обезбедени се 50 000 бесплатни ПЦР тестови.
Оттако во неделата се изгласаа од денеска на сила се мерките од петтиот пакет. Стартуваше и аплицирањето за плати за февруари и март кое ќе трае до крајот на месецов. За овие мерки оддвоени се 31 милиони евра за 60 илјади работници. Речиси толку не ја зеле мартовската плата.
Дали шестиот пакет ќе ги смири страстите и ќе им биде од помош на најпогодените сектори - став најавија за утре.