Бесими потпиша договор со СБ

25 милиони евра за една од најголемите реформи во јавните финансии – ИФМИС и информациските системи за управување со државна помош и даночни приходи.

Обезбедени се 24,9 милиони евра за изградба и имплементација на Интегрираниот информациски систем на јавни финансии – ИФМИС, една од најголемите реформи предвидени со новиот Закон за буџети, но и во јавните финансии во изминатите години, како информациските системи за управување со државна помош и за управување со даночните приходи. Средствата се обезбедени преку Проектот за градење ефективни, транспарентни и отчетни институции за управување со јавните финансии, за што договори денеска потпишаа министерот за финансии Фатмир Бесими и директорот на Канцеларијата на Светска банка, Масимилијано Паолучи, во присуство на евроамбасадорот Дејвид Гир и директорката на Управата за јавни приходи Сања Лукаревска.

Со потпишаните договори се обезбедуваат 24,9 милиони евра, од кои 20 милиони евра се заем од Светска банка и 4,9 милиони евра грант од ЕУ за реализација на проектот.

Со ИФМИС ќе се поврзат одделните системи во јавните финансии на една централизирана дигитална платформа, со што ќе се олесни воспоставувањето на повеќегодишна буџетска рамка, управувањето со јавните инвестиции, автоматизиран надзор над обврските, управувањето со основните средства, управувањето со долгот, како и зголемена транспарентност.

„Подобрување на управувањето со јавните финансии и зајакнување на среднорочното буџетско планирање се едни од најважните приоритети на Министерството за финансии и Владата на Македонија. Затоа е значајно дека со овој проект ќе се воспостави нов Интегриран информациски систем за управување со финансии во Министерството за финансии-ИФМИС, потоа Информациски систем за управување со државна помош - САМИС како целосно нов Информациски систем за управување со државна помош кој ќе биде лоциран во Кабинетот за заменик-претседателот на Владата задолжен за економски прашања и координација на економските ресори, како и воспоставување целосно нов Информациски систем за управување со даночните приходи на Управата за јавни приходи (ИДИС), додаде дека воспоставувањето на овие системи претставуваат дел од заложбите на Владата за имплементација на напредни технологии и воедно се предуслов за премин кон современ и модерен начин на управување со јавните финансии.

Тој потенцира дека воспоставувањето на ИФМИС системот во Министерството за финансии, е дел од поголемата реформа што се спроведува во изминатиот период во управувањето со јавните финансии и произлегува од новиот Закон за буџети, со кој пак се поставија фискални правила конзистентни со оние на ЕУ кои овозможија и поголема предвидливост и одговорност во спроведување на фискалната политика.

„Со тековната Рамка за партнерство на Светска банка со Македонија се утврдува зајакнувањето на фискалното управување и управувањето со јавните финансии како клучна цел, а проектот што го потпишавме денеска и понатаму ќе има сеопфатен пристап кон зајакнувањето и на расходната и на приходната страна во врска со циклусот на управување со јавните финансии, во којшто се зема предвид фискалната одржливост како и одржливоста на климатските промени“, изјави Масимилијано Паолучи, директор на Светска банка за Македонија и Косовo.

Тој додаде дека предвидените проектни активности ќе доведат до намалување на заостанатите обврски на државата, посеопфатно владино известување за подготовка и извршување на Буџетот, интегрирање на ставовите за климатските промени во скринингот на проектите и намалување на јазот во даночната усогласеност од аспект на ДДВ.

Евроамбасадорот Дејвид Гир потенцира дека дигитализацијата на јавните финансии ќе придонесе кон промовирање на транспарентноста, ефикасноста и отчетноста во управувањето со јавните финансии, како и обезбедување поефикасни услуги за граѓаните.

Директорката на УЈП Сања Лукаревска посочи дека дигитализацијата на услугите кон даночните обврзници ќе овозможи компаниите да заштедат на време и на трошоци, а ќе доведе и до зголемување на наплатата на даноците, како и до намалување на неформалната економија, што им помага на формалните бизниси да ги зголемат своите приходи преку слободна, ефективна и фер конкуренција.

„Со помош на овие средства Управата за јавни приходи ќе има современа база за податоци, центар за закрепнување по несреќи, модерна структура на управување со информации, имплементација на иновативни пристапи за усогласување со даноците, како и подобрувања во ефективноста на управувањето со приходите“, рече Лукаревска.

Го фатила сопругот со швалерка па направила хаос, такво дивеење не е видено (ВИДЕО)

Жителите на Нижни Новгород во Русија биле сведоци на луда сцена која љубоморна жена ја приредила на паркингот пред нивната зграда.

Како што вчера информираа од полицијата, пијана 38-годишна жена со „шевролет“ на 31 јануари намерно налетала на 39-годишен маж, по што неколку пати со клоци ја удрила жртвата. Покрај тоа, удрила уште еден маж и со својот автомобил оштетила седум паркирани автомобили.

На снимката објавена на Телеграм се гледа како вознемирена жена удира во паркирана Тојота, го скинува предниот браник, ги крши ретровизорите, а потоа се качува на покривот и скока на автомобилот. Заминала викајќи нешто, а потоа влегла во својот автомобил и почнала да удира во Тојотата и другите автомобили.

На едно видео се гледаат другите учесници во конфликтот: поголем маж удира помал маж и две жени кои се обидуваат да ги разделат, а бесната 38-годишна жена исто така е прикажана како вози во рикверц, прегазувајќи ги нозете на еден од мажите, соборувајќи го другиот и тој паѓа на земја, губејќи свест.

Во обид уште еднаш да го прегази, била сопрена од девојка во лесна облека. Жртвата била одвлечена поблиску до автомобил паркиран во близина, а пијаниот возач продолжил да ја уништува Тојотата. После тоа, таа излегла од автомобилот и неколку пати го удрила мажот кој се уште лежел на тротоарот.

Според првичните податоци од Истражната комисија, на 39-годишната жртва ѝ бил скршен скочниот зглоб, додека другиот не е повреден. Против жената возач е поведена кривична постапка за убиство во обид како и за возење во пијана состојба.

Причината за нејзината агресија била наводно љубомора. Имено, се тврди дека претепаниот маж е нејзиниот сопруг кого го пронашла во автомобилот со љубовницата.

Мадона танцува на песната „Wednesday dance“, фановите шокирани: Знаеш ли што правиш? (ВИДЕО)

Кралицата на поп музиката, Мадона на својот профил на TikTok објави видео на кое се обидува да танцува, во свој стил, се разбира, популарниот танц од серијата Нетфликс, но нејзините обожаватели и следбеници не се многу ентузијасти.

Како прво, на многумина не им беше јасно зошто Мадона танцува на песната на Лејди Гага, Bloody Mary, кога е општо познато дека тие двете долги години не се во добри односи. Некои од нејзините следбеници едноставно беа разочарани од нејзиниот настап. Ќе истакнеме дел од нивните коментари.

@madonna ♬ original sound - heyy

„Кој би помислил дека Мадона ќе заигра на песната на Гага“, „Знае ли чија е песната“, „Ајде да го избришеме тоа“, „Кралица на cringe“, „Игра на крек“, „Ова е најблиску до соработка помеѓу Мадона и Гага“, „О Боже, Мадона танцува на Гага“, „Таа танцува на песната на Гага, сега можам да умрам во мир“, „Не верувам што гледам“, се само некои од коментарите од социјалните мрежи.

Да потсетиме дека Гага на почетокот на кариерата ја споредуваа со Мадона, а таа тоа го сфати многу лошо и нејзиниот коментар ја навреди Мадона. „Само затоа што јас сум првата жена уметник во последните 25 години што успеала да ги достигне првите 40 на радио, не значи дека сум нејзина копија, тоа значи дека сум е**но паметна личност“, ги коментираше Гага споредбите меѓу себе и Мадона пред десет години.

Мадона не ѝ остана должна и јавно кажа дека Гага ја копира во многу сегменти, особено во музиката и имиџот. Како што е познато, тие двете никогаш не се помириле.

Десет мигранти се удавија во близина на островот Лампедуза, меѓу нив три жени и бебе

Десет мигранти, меѓу кои едно бебе и три жени, ги загубија животите обидувајќи се да преминат од Тунис во Италија, соопшти денеска италијанската крајбрежна стража која успеала да спаси 42 лица.

Преживеаните тврдат дека четиримесечното бебе ѝ се лизнало од прегратките на мајката која била уморна и паднало во морето пред почетокот на спасувачката акција. Еден маж скокнал во морето за да го извлече детето, но се удавил. Двете тела се уште не се пронајдени.

Брод со мигранти испловил од Тунис минатиот викенд, но набрзо се појавија тешкотии. Се верува дека жртвите починале од хипотермија. Во текот на ноќта италијанските власти спроведоа уште три брода со 156 мигранти до Лампедуза.

Италија повторно се соочува со прилив на мигранти од Северна Африка. Годинава преку Средоземното Море во Италија пристигнале околу 5.000 мигранти, наспроти 3.035 лани и 1.039 мигранти во 2021 година, покажуваат податоците на МВР.

Според ОН, 1.400 мигранти ги загубиле животите минатата година обидувајќи се да го преминат Средоземното Море.

притисни ентер