Знаеме какви компромиси и отстапки направи Македонија на евроинтегративниот пат, но земјата мора да ги искористи сите расположливи средства процесот да продолжи – ова е пораката која шефицата на германската дипломатија Аналена Бербок ја испрати по средбата со министерот Османи. Вели дека свесна е за дебатата која се води во земјава, особено за идентитетот, историјата и јазикот, но потребно е земјава да го спроведе договореното, односно да ги вметне Бугарите во уставот. Ако не сакате сите млади да заминат во Европа, тогаш Европа треба да ја донесете тука – порача Бербок.

-Знам дека договорот што го постигнавте со Бугарија не беше лесно за вас и затоа им се обраќам на сите оние луѓе кои се уште чувствуваат некаква нелагодност во однос на тоа. Уставот не е нешто што се менува постојано, туку тоа се важни чекори и затоа и можам да разберам дека се дебатира за тоа - особено кога станува збор за сопствениот идентитет и сопствената историја, јазик и култура. Ако не сакате сите млади да заминат во Европа, тогаш Европа треба да ја донесете тука, изјави Аналена Бербок – Миниситерка за надворешни работи на Германија.

Германската министерка изрази надеж и дека во процесот на уставни измени, политичките калкулации ќе бидат тргнати настрана. Промената на уставот што според неа, не смее да стане политичко јаболко на раздорот и да се претвори во натпревар за популарност во анкетите.

-Сега кога станува збор за спроведување на договореното и кога навистина мора да се промени уставот тогаш можам да ве охрабрам, до сите демократски партии, до сите учесници се обраќам, искористете ги сите. Договорената промена на уставот не смее да стане јаболко на раздорот или која партија ќе има поголема предност на анкетите, изјави Аналена Бербок – Миниситерка за надворешни работи на Германија.

Минситерот Османи пак од своја страна повтори дека Македонија има преземено обврски кои како што кажа, земјава мора да ги испорача. Во Унијата не се интегрира Владата, туку целата држава заедно со опозицијата која треба да ја понесе одговорноста за процесот, порача Османи.

-Македонија има преземено обврски коишто мора да ги испорача, а преговорите со ЕУ за членство мора да продолжат. Овој пат тоа зависи само од нас. Во Унијата не се интегрира Владата, туку целата држава, заедно со опозицијата и секој од нас треба да ја понесе обврската за овој процес и тука сметаме на поддршката на нашите европски пријатели, вели Бујар Османи – Министер за надворешни работи.

Покрај со Османи, германската министерка Бербок попладнево е на средби и со Претседателот Пендаровски, спикерот џафери и претставници на политички партии. Во пресрет на нејзината посета, од германското МНР оценија дека Македонија е клучна земја за процесот на проширувањњ на ЕУ, а главна цел на посетата на Бербок е откочување на процесот на уставни измени.