Свет

Бајден вели дека тој и републиканците се блиску до постигнување договор за националниот долг

Според Бајден, договорот е „многу блиску“.

Американскиот претседател Џо Бајден верува дека демократите и републиканците во Конгресот се блиску до постигнување договор за зголемување на плафонот на националниот долг за да се избегне САД да станат неспособни да ги сервисираат своите долгови. Американскиот лидер очекува да има јасност за ова прашање до полноќ по локално време.

„Што се однесува до зголемувањето на плафонот на долгот, сè изгледа добро. Јас сум доста оптимист“, рече тој, цитиран од неговата прес-служба. „Се надеваме дека до полноќ ќе знаеме дали можеме да постигнеме договор.

Според Бајден, договорот е „многу блиску“.

Секретарот за финансии Џенет Јелен го прилагоди датумот од кој САД нема да можат да го сервисираат својот долг доколку не се подигне плафонот на задолжувањето. Според новите очекувања на нејзиниот оддел, тоа ќе биде 5 јуни, а не 1 јуни, како што беше претходно најавено.

Регион

Европскиот парламент одобри визна либерализација за Србите од Косово

За безвижен режим за патување во ЕУ гласаа 406 од 597 европратеници.

Европскиот парламент денеска изгласа либерализација на визите за имателите на српски пасоши од Косово, кои ги издава Координативната администрација на Србија, на предлог на европратеникот и известувач за укинување на тие визи, Матјаж Немец.

За безвижен режим за патување во ЕУ гласаа 406 од 597 европратеници - до 90 дена за имателите на пасоши издадени од Координативната управа на Србија, 97 беа против, а 94 беа воздржани.

Германецот, обраќајќи им се на членовите на ЕП пред гласањето, рече дека тоа е важно гласање и одлука која ќе го подобри животот на 18.000 српски државјани на Косово, кои се носители на специјални пасоши. /МИА

Регион

Вучиќ: Со кампањата во Македонија, Курти ја поткопува регионалната стабилност

Предизборната кампања во Македонија најде место и на седницата на Советот за безбедност на Обединетите нации, каде синоќа се расправаше за извештајот за работата на УМНИК на Косово.

Српскиот претседател Вучиќ во своето обраќање рече дека косовскиот премиер Курти се мешал во внатрешните работи на Македонија и дека бил вклучен во предизборната кампања во земјава. Косовската претсеателка Вјоса Османи, пак, обвини дека Белград со терористички тактики го поткопувал уставниот поредок во Косово.

Свет

Швајцарија замрзна руски имот во вредност од 5,8 милијарди франци

Швајцарија замрзна руски имот во вредност од 5,8 милијарди швајцарски франци или 5,95 милијарди евра, соопшти денеска Државниот секретаријат за економски прашања на земјата (СЕКО).

Оваа бројка се однесува на вкупната вредност на руските средства замрзнати од Швајцарија од почетокот на војната во Украина до крајот на 2023 година.

Вредноста на замрзнатите руски средства во Швајцарија е помала отколку на крајот на 2022 година, кога изнесуваше 7,5 милијарди швајцарски франци.

„Вредноста на финансиските средства замрзнати во врска со санкциите против Русија изнесуваше 5,8 милијарди швајцарски франци на 31 декември 2023 година. Ова е за 1,7 милијарди швајцарски франци помалку од бројката пријавена за декември 2022 година. Покрај тоа, сега се блокирани 17 имоти во 7 кантони“ се вели во соопштението на СЕКО. /МИА