Бајден порача дека е за взаемно признавање меѓу Србија и Косово

Американскиот претседател Џо Бајден изјави дека е за заемно признавање на Србија и Косово, додавајќи дека Вашингтон ќе продолжи да ги поддржува напорите за обезбедување траен мир меѓу нив.

Вашингтон "ќе продолжи да ги поддржува напорите за постигнување траен мир преку продуктивен дијалог меѓу Србија и Косово и конечно договор за нормализација, заснован на "взаемно признавање", напиша американскиот претседател во честитката до новата претседателк на Косово, Вјоса Османи. .

Тој истакнал дека за Косово „нормализацијата на односите со Србија е од фундаментално значење“ затоа што на тој начин Косово може „да ги реализира своите потенцијали и целосно да се интегрира во евро-атлантските институции“, рече Бајден.

Тој рече дека САД упорно ќе го поддржуваат Косово. „Знам дека за постигнување на таа цел ќе бидат потребни флексибилност и тешки компромиси на патот, а САД ќе бидат ваш партнер на секој чекор“, истакна Бајден.

Опишувајќи ги односите меѓу Косово и Соединетите држави, Бајден оцени дека тоа е „партнерство вкоренето во заедничките вредности“.

Шефот на американската држава рече дека ќе работи со Османи на приоритетните прашања поврзани со зајакнување на владеењето на правото, борбата против корупцијата, заштитата на правата на малцинствата и верските заедници и закрепнување од последиците од пандемијата „ковид-19“, како и економскиот развој и обезбедување на одржлива енергетска иднина.

Според порталот Косев, Бајден потврдил дека Османи му пишала на 19 март дека на Косово му се потребни вакцини.

Тој рече дека неговата администрација работи „со билатерални и мултилатерални партнери за да одговори на пандемијата“ и дека САД дадоа првичен придонес од 4 милијарди долари за поддршка на програмата COVAX за снабдување „безбедни и ефективни вакцини“ за потребите на земјите.

Како што се зголемува бројот на произведени вакцини, САД ќе работат со партнерите за да ги дистрибуираат, за што исто така ќе бидат во контакт со претседателката на Косово.

Косовските медиуми потсетуваат дека Османи, покрај писмото на Бајден, добила и честитки од францускиот претседател Емануел Макрон, кој рекол дека Франција ќе го поддржи Косово „во темелните реформи“ и ќе го продолжи дијалогот во Брисел, што ќе доведе до „сеопфатен договор“.

Порталот Косев нагласува дека Бајден и пишал и Османи во февруари, по повод 13-годишнината од самопрогласувањето на независноста, и истиот месец и до претседателот на Србија, Александар Вучиќ, честитајќи му го Денот на државноста.

„Во двете писма тој повика на сеопфатен договор, што треба да резултира со меѓусебно признавање“, пишува порталот.

Косовскиот парламент ја потврди 38-годишната професорка по право и кандидат на владејачката Ветевеносје, Вјоса Османи за нов претседател на Косово на 4 април.

Царинските службеници во Грција ќе одржат 48-часовен штрајк следната седмица

Од Федерацијата на царински службеници на Грција соопштија дека цариниците од Независната управа за јавни приходи како и од Министерството за финансии ќе одржат 48-часовен штрајк.

Дводневен штрајк за 2 и 3 април закажаа грчките царинските службеници, што ќе влијае и на сообраќајот на граничните премини од Грција кон соседните земји, меѓу кои и Македонија, јави дописничката на МИА од Атина.

Од Федерацијата на царински службеници на Грција соопштија дека цариниците од Независната управа за јавни приходи како и од Министерството за финансии ќе одржат 48-часовен штрајк, а од Синдикатот на вработени во јавниот сектор преку соопштение изразија поддршка за штрајкот.

Според информациите на дописничката на МИА од Атина, поради 48-часовниот штрајк на цариниците целосно ќе биде во прекин сообраќајот на граничните премини од и кон Грција за товарните возила и секаков вид пратки, додека пак во однос на автомобилите, не е исклучена можноста возилата повремено да се пропуштаат, нешто што ќе се дефинира и појасни непосредно пред почетокот на штрајкот.

Паоло Малдини би можел да се врати во Милан

Легендата на Милан, Паоло Малдини може да се врати во клубот.

Според „pianetamilan.it“ под фотографијата објавена од сопругата на Малдини, Адријана, се појавило прашање дали да го очекуваме функционерот во клубот од Милано. Сопругата на Малдини стави смајли што може да се протолкува како „наскоро“.

Милан го отпушти Малдини во летото 2023 година. Неговите играчки денови во Милан траеја од 1984 до 2009 година. Во овој период со клубот освои 26 трофеи, од кои седум победи во италијанското првенство и пет во Лигата на шампионите.

Малдини ја презеде функцијата технички директор во 2019 година, а од 2018 година работи како директор за стратешки развој. Вкупно, тој помина 36 години во Милан во различни статуси.

Саудиска Арабија за прв пат учествува на изборот за Мис Универзум

Саудиска Арабија ќе учествува на изборот за Мис Универзум 2024 за прв пат во историјата на изборот.

Руми Алкахтани, 27-годишна манекенка и инфлуенсер родена во Ријад, ќе ја претставува Саудиска Арабија на изборот за убавина.

- Чест е да се учествува на изборот за Мис Универзум 2024. Ова е прво учество на Кралството Саудиска Арабија на изборот за Мис Универзум - објави таа на својот Инстаграм профил.

Освен што е крунисана за Мис Саудиска Арабија, Алкахтани ги носи и титулите Мис на Блискиот Исток, Мис на Арапскиот свет за мир 2021 година и Мис жена на Саудиска Арабија.

Таа претходно ја претставуваше Саудиска Арабија на неколку меѓународни натпревари, меѓу кои и оној за Мис Азија, кој се одржа во Малезија, пишува Index.hr.

притисни ентер