Бајден го пречека Мицкоски на почетокот на НАТО самитот во Вашингтон - Канал 5

Бајден го пречека Мицкоски на почетокот на НАТО самитот во Вашингтон

Премиерот Христијан Мицкоски попладнево се сретна со американскиот претседател Џо Бајден. 

Бајден го пречека Мицкоски на почетокот на НАТО самитот во Вашингтон

Мицкоски се сретна со Бајден на самитот на НАТО во Вашингтон, каде што се наоѓа македонската делегација. На овој самит ќе бидат донесени историски одлуки , рече генералниот секретар Столтенберг, кој заедно со Бајден се поздрави со Мицскоски.

YouTube video

Лидерите на НАТО земјите членки еден по еден беа поздравени од американскиот претседател Џо Бајден - домаќин на самитот.

По ова се очекува групна фотографија, пред почетокот на работниот дел на самитот.

Хуманитарен концерт на Роман Симовиќ и Институтот „ФЕЈМС“ за настраданите во Кочани

 Во Филхармонија вечер ќе се одржи хуманитарен концерт во чест на жртвите од трагедијата во Кочани.

Хуманитарен концерт на Роман Симовиќ и Институтот „ФЕЈМС“ за настраданите во Кочани

Концертот е во организација на Институтот „ФЕЈМС“, а ќе настапи виолинистот Роман Симовиќ, концертмајстор на Лондонскиот симфониски оркестар.

Средствата од продадените билети ќе бидат донирани за фондот за поддршка на семејствата на жртвите и повредените во трагичниот пожар во ноќен клуб во Кочани, каде животите ги загубија над 60 лица, а повеќе беа повредени.

- Во моменти кога зборовите не се доволни, музиката може да биде најчистата форма на утеха и солидарност. Овој концерт е наш начин, преку уметноста, да им дадеме поддршка на семејствата погодени од оваа незамислива трагедија. Исклучително сме благодарни на Роман Симовиќ што ја прифати поканата да настапи и ја стави својата уметност во служба на хуманоста, изјавија од „ФЕЈМС“.

На концертот, публиката ќе има можност да ужива во изведба на дела од Бетовен – Концерт за виолина и Симфонија бр. 7, под палката на маестро Симовиќ и оркестарот на „ФЕЈМС“, институтот составен од млади, исклучителни музичари од различни европски земји.

Концертот се организира во соработка со Црвениот крст на Македонија. На самиот концерт ќе бидат поставени и пунктови за дополнителна доброволна донација.

Роман Симовиќ е еден од најценетите виолинисти на нашето време, со богата солистичка и оркестарска кариера. Тој е концертмајстор на Лондонскиот симфониски оркестар и настапувал на некои од најпрестижните сцени во светот како Barbican, Carnegie Hall, Rudolfinum и Salle Pleyel. Добитник е на бројни меѓународни награди (вкл. Wieniawski и Sion-Valais), и има настапувано под диригентство на имиња како Валери Гергиев, Антонио Папано и други. Симовиќ свири на автентична виолина Страдивариус од 1709 година, позајмена од познатиот колекционер Џонатан Моулдс.

Божиновска од Атина: Балканот мора да гради заедничка енергетска иднина

Божиновска беше дел од отворањето на самитот и министерскиот панел посветен на зајакнување на стратешката енергетска соработка на Балканот, заедно со министри и регулатори од целиот регион.

Божиновска од Атина: Балканот мора да гради заедничка енергетска иднина

Министерката за енергетика, рударство и минерални суровини, Сања Божиновска, денес учествуваше на 9. Балкански Енергетски Самит што се одржува во Атина, под покровителство на Министерството за животна средина и енергија на Грција, Министерството за енергетика на Унгарија и Регулаторната комисија за енергетика на Македонија.

Божиновска беше дел од отворањето на самитот и министерскиот панел посветен на зајакнување на стратешката енергетска соработка на Балканот, заедно со министри и регулатори од целиот регион. Во фокусот на дискусијата беа регионалната енергетска безбедност, забрзаната транзиција кон чисти извори на енергија и заедничкиот одговор на глобалните предизвици.

„Регионалната соработка за нас не е избор, туку стратешка нужност. Денес, повеќе од кога било, Балканот треба да биде обединет во обезбедувањето сигурна, одржлива и зелена енергетска иднина“, порача министерката Божиновска.

Таа нагласи дека Северна Македонија, иако мала по големина, е посветен и активен играч на регионалната енергетска сцена, преземајќи конкретни чекори кон либерализација на пазарот на електрична енергија, масовни инвестиции во обновливи извори и модернизација на енергетската инфраструктура.

„Веќе инвестираме во нови фотоволтаични електрани, го прошируваме ветерниот парк Богданци и ја градиме енергетската мрежа на иднината – со паметни технологии, подобрена ефикасност и поврзување со соседните земји. Само така можеме да создадеме вистински функционален регионален пазар“, истакна Божиновска.

Министерката посочи дека клучот за енергетска безбедност е комбинација од државни инвестиции во базични капацитети и активно вклучување на приватниот сектор. Според неа, Македонија веќе бележи голем интерес од приватни инвеститори за изградба на ветерни и соларни капацитети, со вкупно поднесени барања за приклучување од 9.500 MW.

„Нашата стратегија е јасна: државата обезбедува сигурност, приватниот сектор носи иновации и дополнителна сила за зелената транзиција“, додаде Божиновска.

Во своето обраќање, министерката го најави и новиот Закон за енергетика, кој е во парламентарна процедура, а кој треба да создаде уште посилна основа за инвестиции во обновливи извори и модернизација на енергетскиот сектор.

Божиновска упати јасна порака дека енергијата денес е многу повеќе од ресурс – таа е темел за економски раст, енергетска независност и отпорност на глобалните предизвици.

„Енергијата е основата на иднината што сакаме да ја изградиме. Отворени сме за нови партнерства, за споделување знаење и заедничко креирање на регион кој ќе биде пример за Европа“, заклучи министерката Божиновска.

Балканскиот Енергетски Самит годинава обединува над 40 говорници, меѓу кои министри, регулатори и водечки енергетски компании, и се наметнува како клучна платформа за отворање на нови стратешки партнерства и инвестиции во енергетскиот сектор на Балканот.

Со почит,

Министерството за енергетика, рударство и минерални суровини

Марта Кос во посета на Белград

Еврокомесарката за проширување, Марта Кос, денеска доаѓа во Белград, каде што вечерва прво ќе се сретне со претседателот на Србија, Александар Вучиќ, јави дописникот на МИА од Белград.

Марта Кос во посета на Белград

Марта Кос треба да се сретне со претставниците на парламентарната опозиција, а потоа и со претставниците на владата.

Таа неодамна изјави дека „внимателно ја следи ситуацијата во Србија, вклучително и блокадата на Радио и телевизија на Србија“ и ги повика сите да се воздржат од продлабочување на тензиите, и изрази загриженост дека е поднесена кривична пријава против ректорот на Универзитетот во Белград, Владан Ѓокиќ.

притисни ентер