Иднината на Авганистан се дискутира во Доха повеќе од две недели. Делегациите на владата и талибанците се обидуваат да се договорат за многу прашања, вклучувајќи ги и правата на жените - како што се правото на образование, работа и самоопределување.
Додека тие жестоко се расправаат за технички прашања, жените во Авганистан се борат за голема работа - во иднина, покрај името на таткото, и името на мајката ќе се појавува во личните документи. Претседателот Ашраф Гани го потпиша овој амандман на законот.
Кампањата започнала пред три години од Лејла Османи (28) под хаштагот #hereismyname. Ова е фантастичен успех, рече Лејла Османи за германскиот јавен сервис АРД.
"Жените во Авганистан се лишени од многу права, вклучително и основното право на сопственото име. Во нашата земја, жената се дефинира само преку врската со маж. Таа е или мајка на маж, сопруга, ќерка или сестра. И започнува на возраст од седмата или осмата година “, изјавува Лејла Османи.
„Младите жени ја губат својата самодоверба и повеќе не можат да се развиваат“, додава таа, „на крајот создаваат врска со маж и прифаќаат некаков вид на угнетување“.
Да се каже на јавно место име на жена во Авганистан многумина го доживуваат како навреда за честа. Досега во изводот на родените на детето се внесувало само името на таткото. Дури и на поканите за венчавки, стои само името на младоженецот, па дури и во смртната потврда и надгробните споменици нема име на сопругата, туку само имињата на машките роднини на починатиот.
Не само талибанците, туку и другите конзервативни сили во Авганистан сакаат да ја задржат оваа традиција. Од почетокот на кампањата, Лејла Османи добила безброј закани.
„Минатата недела некој ми испрати фотографија на девојка од Кандахар, чие лице беше накажано. Подолу беше напишано дека ме чека истата судбина, ако не ја запрам кампањата“.
Портпаролот на талибанците изјави дека оваа исламистичка терористичка група нема да прифати промена на законот.
Талибанците неколку пати претходно посочија дека се подготвени да обезбедат права на жените. Но, тоа мора да биде во рамките на исламскиот закон, рече Каирула Каирква во интервју за арапската телевизија Ал Џезаира. Поранешниот притвореник во Гвантанамо денес е член на преговарачката делегација на талибанците.
"Пред Американците да дојдат во нашата земја, жените беа добро. Јас бев гувернер на Херат и се сеќавам на посетата на делегацијата на ООН. Тие посетија училишта за момчиња и девојчиња. На девојчињата им беше овозможено образование, а жените имаа свои права". рече тој, додавајќи:
"Како прво, немаше злосторства за време на талибанците. Скоро немаше сексуално насилство или вознемирување на жени. Западот не сака да знае за тоа. Тие зборуваат само за слободата. Нашата слобода е во рамките на исламскиот закон".
Додека од исламскиот емират во Авганистан управуваа талибанците од 1996 до 2001 година, на девојчињата им било дозволено да посетуваат само основно училиште. Жените не смееле да учат и да работат надвор од домот. Ако излегувале надвор, тие морале да бидат целосно покриени.