ЕК го објави мини-извештајот за земјава: Македонија треба да ги започне преговорите

Европската комисија повторно излезе со препорака за почеток на преговори за членство на Македонија во Унијата.Во долго очекуваниот извештај, стои дека земјава постигнала значаен напредок и ги исполнува потребните услови.

Значајно остварен напредок и исполнување на условите, поставени на Советот во јуни 2018 година. Европската Комисија попладнево го објави мини извештајот, во кој, повторно препорачува Советот на Европската Унија да ги почне преговорите со земјава. Во документот на пет страници, Комисија се осврнува на најсуштинските области, судските реформи и борбата против корупцијата, реформите на разузнавачкиот сектор и во јавната администрација.

-Извештајот исто така посочува на значајни чекори преземени за јакнење на независноста на судството и покажува подобрување на учинокот во борба против корупцијата и организираниот криминал. Истоа, иато како и прогрес во реформите на разузнавачките служби исто и во јавната администрација. Се на се, се држиме до нашта препорака за отворање на пристапни преговори со двете земји што е можно поскоро, изјави Ана Писонеро, портпарол на ЕК.

Во извештајот Комисијата ги посочува постигнувањата во сферата на судството, споменувајќи ја меѓудругото, важноста од носењето на Законот за јавно обвинителство. Се нотира случајот Рекет и застарувањето на дел од случаите на поранешното СЈО и разрешувањата на шест судии, вклучително и на претседателот на Врховниот суд. Комисијата прави и прецизен рекапитулар на десетиците покренати обвиненија и отворни истраги лани, компарирајќи ги со двете претходни години. За Симонида Кацарска од Институтот за европска политика, извештајот е очекуван и има позитивен импакт, но не е гаранција дека на 26 март ќе има консензус од сите 27 земји членки на Унијата.

Комисијата во извештајот нотира и напредок во разузначкиот сектор, а за реформата во јавната администрација се вели дека напредокот продолжува и се нагласува суштинската важност за професионална независност и одговорност на администрацијата, како и почитување на принципите на системот на заслуги и правична и соодветна застапеност.

Во најголемиот регион во Канада со 36 000 жители, никој не е заразен со корона

Во Канада, има зголемување на бројот на заразени со коронавирус во последната недела. Од 13 октомври, кога имало повеќе од 4.000 нови случаи на инфекција, дневниот број е околу 2.000.

Но, еден канадски регион е ретко место во Северна Америка, кое не е заразено. Станува збор за Нунавут, територија на северот на земјата која во март донесе едни од најстрогите мерки. На скоро секој што не живее во областа Нунавут му е забранет влез, а жителите што се враќаат дома од југ прво ќе треба да поминат две недели во изолационите центри, односно во хотели во градовите Отава, Едмонтон, Винипег и Јелоунајф.

Овие хотели ги чуваат чувари, а медицинските сестри го проверуваат здравјето на изолираните граѓани. Некои ги прекршиле правилата, па нивната изолација била продолжена, додека некои се жалеле на лошата исхрана во хотелите.

Нунавут е најголемиот канадски регион со површина од дури два милиони квадратни километри во кој живеат само 36.000 луѓе. Официјалниот број на случаи на ковида-19 во Нунавут сè уште е нула. Природната изолација на регионот е една од клучните причини зошто вирусот не се шири. До некои места може да се стигне само со авион.

„Требаше да се донесе прилично драстична одлука за воведување строги мерки и заради потенцијалната закана за населението и заради предизвиците со кои се соочува овој регион на Арктикот“, рече локалниот шеф за јавно здравје, др. Мајкл Патерсон.

Кон крајот на септември, Нунавут пријавил случаи на коронавирус меѓу работниците кои претходно пристигнале од југ за да работат во рудниците за злато лоцирани на само 16 километри од Арктичкиот круг. Сепак, тоа жариште имало минимални шанси да се прошири меѓу луѓето затоа што работниците не ја напуштиле областа на рудникот со месеци, изјави Патерсон.

Изолацијата, колку што помага, исто така, претставува проблем. Повеќето заедници немаат услови за тестирање, затоа примероците се испраќаат до главниот град Икалуит. Понекогаш се чека до една недела за резултати.

"Многу е доцна со реакцијата на инфекцијата, на овој начин е доцна со идентификување на контактите на заразеното лице за да се спречи ширењето на инфекцијата. Медицинските ресурси на северот се ограничени и се работи за да се направи поефикасно тестирање", додаде Патерсон.

Одделот за интензивна нега во Општата болница Кикиктани во Икалуит може да прими околу 20 заразени пациенти. Во случај на ширење на инфекцијата, многу луѓе ќе мора да побараат помош на југ. Инуитските заедници имаат несигурни услови за живот затоа што неколку семејства понекогаш живеат под ист покрив.

Инуитите, кои сочинуваат 80 проценти од населението на Нунавут, се генерално со висок ризик кога станува збор за респираторни инфекции. Истражувањата покажале дека шансата Инуитите да заболат од туберкулоза е 300 пати поголема од другите Канаѓани кои не се припадници на домородните народи.

Ким Кардашијан откри колку милиони заработиле од семејното ријалити шоу(ВИДЕО)

Ким Кардашијан се прослави преку шоуто Keeping Up With The Kardashians, а многу фанови неодамна беа изненадени од веста дека по 14 години популарното шоу згаснува.

"Никогаш не мислевме дека ќе снимаме втора сезона , а снимавме 20. Потребна ни е само пауза, едноставно е. Потребно ни е малку време да се прегрупираме", објасни Ким во едно интервју и неодамна му призна на Дејвид Летерман дека нејзината емисија повеќе не е примарен извор на приход.

Таа по тој повод рече дека заработува повеќе со еден спонзориран пост на социјалните мрежи отколку од целата сезона на шоуто.

„Без шоу немаше да бидеме тоа што сме денес и затоа продолживме, но, реално, можеме да објавиме нешто на социјалните мрежи и да заработиме повеќе отколку од целата сезона на шоуто“, рече Ким.

Според ТМЗ, кланот Кардашијан-Џенер во 2017 година потпишал договор за дополнителни пет сезони на шоуто за 150 милиони долари.

Нивната мајка, Крис Џенер, открила дека заработката се дели подеднакво меѓу сестрите и кога ќе одземете 10 проценти од заработката што Крис ја добива како нивен менаџер, тоа значи дека секој член на семејството добива околу 4,5 милиони долари по сезона.

Ким, инаку, се наоѓа на четвртото место на најплатените инфлуенсери во светот оваа година, а на страницата „Хоупер“, која секоја година го објавува списокот, се наведува дека Ким заработува дури 858 илјади долари по спонзорирано соопштение. Судејќи според тие податоци, Ким не заработува иста сума пари со еден пост како што заработува од една сезона, но не е далеку од вистината. Нејзината сестра Кајли заработува нешто помалку од еден милион долари по објава, нејзината цена е 986.000 долари.

Летерман ја праша кој заработува повеќе: таа или нејзиниот сопруг Канје Вест.

"Веројатно тој", рече Ким, додавајќи: "Нашата заработка е слична. Двајцата сме многу среќни што навистина добро се снаоѓаме и затоа сум многу благодарна".

Претходно овој месец, списанието Форбс објави дека богатството на Ким се проценува на 780 милиони долари.

Вучиќ: Ќе ги победиме мафијашите, тоа им го гарантирам

Претседателот на Србија, Александар Вучиќ и се обрати на јавноста преку Инстаграм со порака дека „државата ќе ја победи мафијата, без оглед на личните, политичките и какви било други последици“.

„Додека се боревме за подобар животен стандард, додека се боревме за Косово, за подобар здравствен систем за да можеме да лекуваме луѓе, некои во меѓувреме сметаа дека најисплатлива работа е да бидат мафијаши, да убиваат луѓе, да киднапираат наши граѓани, но ќе ги победиме, им гарантирам без оглед на личните, политичките и какви било други последици “, истакна Вучиќ во видеото.

Српскиот претседател рече дека „Србија во 2012, 2013 и 2014 година се бореше против тајкуните кои ја ограбуваа земјата и сакаа да ја уништат и кои успеаја во тоа“.

"Ја обновивме земјата. Денес, Србија е прва во Европа според стапката на раст, платите растат, пензиите растат, луѓето живеат подобро", заклучил Вучиќ.

притисни ентер