Трибина меѓу македонски и грчки интелектуалци за Преспанскиот договор

Една година од стапувањето во сила на Преспанскиот договор, одредбите различно се применуваат во двете држави. 

Македонија стори многу за да оствари ветеното, додека во Грција процесот е бавен - смета универзитетскиот професор Јоанис Армаколас. Договорот според него, не може да биде ревидиран и смета дека евентуален таков обид може да биде опасен за двете држави. Армаколас вели и дека доколку на грчката влада и се даде шанса за промена на договорот, официјална Атина во тој случај би имала и дополнителни услови.

-Мислам дека од Грчка страна исто така дека треба да се направи повеќе за да се спроведе духот на договорот. / Мислам дека ќе биде доста опасен и ризичен пат да се отвори прашањето за ревидирање на договорот, затоа што не заборавајте дека и сегашната грчка влада исто така не е задоволна од договорот и доколку добие шанса за ревидирање на договорот ќе побара дополнителни услови,истакна универзитетскиот професор Јоанис Армаколас

Грчкиот професор вели и дека ставува од евентуална блокада на евроинтегративните процеси на земјава, доколку сегашната или било која идна влада, не биде посветена на одредбите од договорот.

-Сигурно е дека доколку владата во Скопје, дали сегашната или идната по изборите, не биде целосно посветена на договорот, мислам дека ќе има силен притисок во Грција врз Владата за да го почне одново со блокада на процесот на пристапување кон Европската Унија,вели Јоанис Армаколос –Универзитетски професор од Грција.

Дел од грчките новинари пак велат дека прашањето за Преспанскиот договор повеќе не е главна тема во тамошните медиуми, а земјата според нив е фокусирана на мигрантската криза и односите со Турција.

-Би било добро да не разговаравме за преспанскиот договор доколку тоа станеше нешто потсвесно кое го доживуваме како здраво за готово, но тоа  не е причината. Главната причина е што медиумите и јавната грижа е преокупирана со овие две прашања (Миграциската криза и односите со Турција,изјави Александра Воудури – новинарка од Грција.

На годишнината од влегувањето во сила на договорот од Преспа, од невладината Евротинк издадоа мониторинг извештај за неговото спроведување. Од таму велат дека иако одредбите не се применуваат подеднакво во двете држави, сепак договорот постигнал многу за двете страни, а служи и како пример за решавање на конфликти низ светот.

притисни ентер