Регион

Следната недела Словенија ќе излезе од политичката криза

Следната недела, политичката криза во Словенија може да биде разјаснета,  откако премиерот Марјан Шарец поднесе оставка на 27-ми јануари и предложи предвремени избори.

Во вторник, претседателот Борут Пахор ќе одржи средби со лидерите на парламентарните клубови на четирите партии, кои преговараат за формирање на ново владеачко мнозинство за да се избегнат предвремените избори, за можноста да се предложи парламентарен мандат за формирање на нова влада.

Ако Пахор смета дека имаат кандидат кој може да добие половина од поддршката на тајно гласање во парламентот, тој ќе го достави предлогот за нов премиер до крајот на неделата.

Во случај тоа да не се одлучи, претседателот тогаш официјално го известува Собранието. После тоа, ќе има рок од 14 дена парламентарните партии или групата од најмалку 10 пратеници да номинираат нова влада.

Доколку тоа не биде случај, има рок од 48 часа во кој сегашниот состав на парламентот може да одлучи да избере нов премиер со едноставно мнозинство пратеници присутни за време на гласањето, а доколку тој обид не успее, претседателот мора да го распушти парламентот и да распише предвремени избори.

За формирање на ново парламентарно мнозинство и преодна влада се преговарало зад затворени врати во последните неколку недели од страна на Словенечката демократска партија (СДС) на Јанез Јанша, Партијата на современиот центар (СМК) на Здравко Почивалшек, Демократската Нова Словенија (НСИ) на Матеја Тонин и Демократската пензионерска партија на Александра Пивец кои имаат 48 пратеници.

Според медиумите, нивниот најверојатен кандидат за нов премиер би бил Јанез Јанша, чија партија во сегашниот парламент е најсилна, додека на второ место по бројот на пратеници е Партијата на современиот центар (СМК) Здравко Почивалшек.

Јанша не даде изјави за разговорите последните неколку дена, но рече дека неговата партија е подготвена за предвремени избори.

Почивалшек вчера повеќе пати изјави дека е умерен оптимист дека четирите партии ќе успеат да ги усогласат своите програмски цели, што ќе им овозможи да го прифатат нацрт-идниот договор за коалиција, што ќе го одлучат раководствата и телата на партиите во понеделник и вторник.

На можноста да се формира нова словенечка влада во која Јанша би бил премиер и да доминира десницата, остро се спротивставуваат Социјалдемократите (СД) и помалите леви партии и бараат нови избори, на кои новата влада би ја избрале гласачите.

Забава

Меган Фокс покажа како изгледа без шминка (ФОТО)

Меган Фокс објави фотографија на Инстаграм на која позира без шминка.

Нејзината објава за еден ден им се допадна на повеќе од милион луѓе.

„Многу си поубава без шминка“, „Прво мислев дека ова е Ким Кардашијан“, „Некои изгледаат исто со и без шминка. Меган е една од нив“, „Одлична фотографија“, „Треба да си без шминка почесто“, ѝ пишувале луѓето во коментарите.

Инаку, Меган неодамна ја промени фризурата. Откако извесен период се појавуваше во јавноста со розова коса со средна должина, сега има екстензии во тиркизна боја.

На следбениците им се допадна нејзината промена. „Одам на фризер со твојата слика“, „Секоја фризура ти стои убаво“, „Косата ти прилега со очите“, „Сега морам да ја фарбам и косата“, ѝ рекле.

Инаку, 37-годишната актерка многумина ја сметаат за една од најубавите жени на светот.

Македонија

Ограбена менувачница во Чаир, крадците го одзеле сефот со пари

Неколку лица со употреба на сила и погоден предмет вчера влегле во менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.

Како што соопшти МВР, кражбата вчера во СВР Скопје во 10:15 часот ја пријавил сопственикот на менувачницата, М.Д.(42) од Скопје, а се случила околу 04.20 часот.

По преземени мерки и активности, возилото било пронајдено на паркинг простор на подрачје на Чаир.

Се преземаат мерки за целосно расчистување на случајот.

Македонија

Митрески: Продолжуваме со раст на платите, просечна плата 1.100 евра, минимална плата 600 евра

„На овие избори одлучуваме дали Македонија ќе продолжи по реформскиот пат, патот кон Европската унија кој носи позитивни системски промени или ќе се вратиме назад, кон изолација и заробена држава. “

„На овие избори одлучуваме дали Македонија ќе продолжи по реформскиот пат, патот кон Европската унија кој носи позитивни системски промени или ќе се вратиме назад, кон изолација и заробена држава. Полноправното членство во Европската унија е нашата единствена опција“, порача денеска Јован Митрески, носител во петтата Изборна единица, на Коалицијата за европска Македонија, на почетокот на кампањата за парламентарните избори.

Тој нагласи дека Коалицијата предводена од СДСМ е одлучна да направи темелни реформи, а тоа е можно само ако ги почнеме преговорите со Европската унија.

„За СДСМ секогаш приоритет се граѓаните. Затоа, и во наредниот период продолжуваме со континуиран раст на платите. Просечната плата ќе достигне 1.100 евра, со влезот во Европската унија ќе достигне 1.300 евра. Минимална плата од 600 евра, со влезот во ЕУ 800 евра. Обезбедуваме поддршка од 180 милиони евра директна финансиска поддршка на бизнисите, 3,5 милијарди евра јавни капитални инвестиции“, нагласи Митрески и додаде дека фокусот ќе биде во изградба на одржлива, иновативна и конкурентна економија.

Тој, заедно со кандидатите во петтата Изборна единица ги повика граѓаните одлучно да се спротивстават на сите што сакаат да нѐ вратат во минатото и да дадат поддршка за Планот за европска Македонија!, рече Јован Митрески, носител на ИЕ5.

притисни ентер