Во Осломеј, ќе се гради 100 мегаватна, фотоволтаична електрана, по пат на јавно-приватно партнерство за кое веќе е објавен јавен повик, кој ќе трае до 8 мај годинава, а инвеститорот ќе треба да ги плати сите 80 милиони евра, колку што е проценет дека ќе чини проектот.
Премиерот Оливер Спасовски на прес-конференција кажа дека фотоволтаичниот погон во некогашниот рудник за јаглен во близина на Кичево ќе ги покрие потребите на 20.000 домаќинства, додавајќи, дека некогашните извори на загадување, се претвораат во производство на чиста и зелена енергија.
Од владата велат дека реформата во енергетскиот сектор била еден од приоритетите уште при нејзиното формирање, додавајќи дека главен фокус во Стратегијата за развој на енергетиката до 2040 године е декарбонизација на енергетскиот сектор и промовирање на обновливите извори на енергија на начин кој обезбедува одржлив развој.
од македонски електрани велат дека , ќе биде потпишан договор на 35 години, а потоа сопствеништвото ќе припадне на јавниот партнер, односно, во име на отстапување на земјиштето, системските услуги и информирањето, инвеститорот ќе плаќа 10 проценти од приходите на електричната енергија,и со обврска да ги преземе и стоте вработени од затворениот рудник.