Екипажот на крузерот, на кој има и тројца Македонци, допрва оди во карантин (видео)

Карантинот поради коронавирусот завршува за патниците на крузерот „ Diamond Princess“ закотвен во Јокохама, но за повеќе од 1.000 членови на екипажот, меѓу кои и тројца Македонци, ќе започне кога последниот патник ќе го напушти бродот.

Додека патниците на бродот беа затворени во нивните кабини, со исклучок на еден час кога им било дозволено да излезат на палубата за да дишат на свеж воздух, повеќето членови на екипажот не биле во карантин бидејќи нивната помош била скапоцена, за да може животот на бродот да тече понатаму .

Вработените подготвувале храна и доставувале оброци до кабините, со што ненамерно го ширеле вирусот на бродот во кој повеќе од 600 луѓе биле заразени со потенцијално смртоносниот вирус.

Бидејќи биле во близок контакт со евентуално заразените патници, членовите на екипажот мора да поминат четиринаесетдневен карантин што ќе започне кога последниот патник ќе го напушти бродот.

Екипажот не сака да зборува со медиумите, веројатно од страв за своите работни места, но некои од нив сепак ги опишаа тешките услови и стравот што преовладува меѓу нив.

Сонали Такар, 24-годишна девојка од Индија која работи како обезбедување на бродот, во интервју за АФП рече дека членовите на екипажот делат заеднички бањи и оброци „и вирусот може да се прошири многу лесно во вакви околности“.

"Ние сме навистина исплашени, јас и моите колеги, повеќе од илјада членови на екипажот. Работиме од почетокот на карантинот. Како што одминуваат деновите и се зголемува бројот на заболени, расте стравот кај екипажот ", изјави Такар.

„Се плашат дека вирусот може да се прошири многу брзо и ние сакаме да бидеме тестирани и одвоени од луѓето кои се позитивни на вирусот. Не сакаме да останеме заедно“, додаде таа.

Претседателот на Diamond Princess , Јан Шварц му напиша писмо на екипажот во кое се вели дека компанијата е „длабоко благодарна и горда“ на сите нив. "Вие го заслужувате тоа и ви треба одмор. Затоа ви нудиме два месеци платен одмор. Ова ја вклучува вашата плата и просечните додатоци што нормално би ги добивале".

Патниците кои биле целосно зависни од екипажот исто така објавија пораки со благодарност на социјалните медиуми.

„Јас и моето семејство длабоко ја цениме работата, пожртвуваноста и грижата што ни ги обезбедивте во последните неколку недели. Не можеме да ги замислиме тешкотиите низ кои минавте и ќе продолжите да ги минувате“, стои во објавата, украсена со цртежи со срца и дијаманти.


Наполи сака да го задржи во тимот Кварацхелија до 2029 година

Грузискиот репрезентативец во Наполи, Квича Кварацхелија може да потпише нов договор со тимот во блиска иднина.

Според „Football Italia“, новиот договор на фудбалерот со италијанскиот клуб ќе важи до летото 2029 година. Актуелниот договор завршува во јуни 2027 година.

Оваа сезона фудбалерот одигра 37 натпревари за тимот во сите натпреварувања, постигнувајќи 10 голови и пет асистенции.

Трансфер вредноста на играчот се проценува на 80 милиони евра.

ЈСП Скопје: Поради надградба на системот можни се технички проблеми при валидирање со мобилен

 Поради надградба на системот можни се технички проблеми при валидирање со мобилен телефон или апликацијата „Скопска“.

ЈСП Скопје информира дека поради надградба на системот за наплата која се вршеше во изминативе неколку денови, регистрирани се инцидентни технички проблеми кај одреден број корисници при валидирање со мобилен телефон (185) или мобилната апликација „Скопска“.

ЈСП апелира до сите кои констатирале пропуст при валидирањето и сметаат дека се оштетени, да го пријават случајот на [email protected].

Албанската полиција откри пластеници со над 37 илјади садници канабис

Албанската полиција кај Велипоја открила пластеници со марихуана, при што запленила 37.336 садници од ова наркотично растение.

Акцијата ја поздрави министерот за внатрешни работи Таулант Бала и им честиташе на припадниците на државната полиција за акцијата.

- Доаѓањето на пролетта ги враќа и напорите на криминалните групи за одгледување наркотични растенија. Државната полиција мора да ги интензивира превентивните акции уште од првите моменти на обиди за одгледување наркотични растенија. Им честитам на полициските службеници од регионалниот комесаријат - Скадар за заплената на 37.336 садници канабис сатива и за последователните активности за спречување обиди за одгледување наркотични растенија, напиша тој на Фејсбук, објавувајќи и видео запис од акцијата.

Порача дека ги охрабрува сите структури на државната полиција да ги засилат контролите со цел да се спречи оваа појава.

Во акцијата уапсено е едно лице, а по друго се трага а запленети се и автомобил, трактор и предмети што се користат за оваа криминална активност.

притисни ентер