Основците од Карпош ќе отворат новинарски клуб и ќе изработуваат училишни веб страници

Во рамки на денешната 36. седница, советниците од општина Карпош ги изгласаа сите предлог – Одлуки со кои се одобруваат финансиски средства за проекти од областа на образованието, локалниот економски развој и  рамноправниот пристап на жените.

Како што соопштуваат од општина Карпош, здружението „Профицио“ ќе го реализира проектот „Основи на веб програмирање и изработка на веб сајт“, во кој ќе биде инволвирана одредена група на осмоодделенци од сите училишта во Карпош. Покрај тоа што ќе се стекнат со основите на HTML, CSS и веб програмирањето, основците со помош на професионалци ќе изработат информативен веб сајт за училиштето од кое доаѓаат, којшто потоа ќе остане во негово владение.

Советниците гласаа позитивно за проектот на Центарот за поддршка и креативен развој, со кој десетина ученици од осмо и девето одделение ќе се запознаат со новинарските техники преку четиримесечна обука, која опфаќа формирање на новинарски клуб од основните училишта од општина Карпош. Притоа, основците ќе учествуваат во подготовка на весник, печатење и негова промоција. Во проектот ќе бидат вклучени и наставници по македонски јазик и општествени науки.

Локалната самоуправа обезбеди средства за проектот „Второ семејство“, кој ќе го реализира Здружението за заштита на правата на децата - „Поврзани“. Се работи за специфичен пристап кон основците, во рамки на училишната паралелка - како второ семејство, која на еден начин треба да претставува безбеден микросистем на интеракции во воспитно – образовниот процес. Во таа насока ќе се организираат повеќе училишни работилници, каде ќе се воспостават воспитни вредности за градење на меѓуврсничка соработка и поддршка на ранливата категорија на ученици (пр.во случај на попреченост, развод и сл.), преку вклучување на инклузивни содржини.

Здружението за едукативно – креативна детска работилница „Играј и учи“, ќе го спроведе проектот за подигнување на свеста за животната средина преку уметност, театар и раскажување на приказни – „Еко театар“. Со него ќе бидат опфатени 180 деца од шесто до девето одделение, во девет основни училишта од општина Карпош. Основците ќе се запознаат детално со екологијата, глобалното затоплување, рециклирањето и одржувањето на здравата околина.

Советниците дадоа „зелено светло“ и за проектот на невладината DFCCA (Drive for colon cancer awarnes), која ќе организира еднодневен настан за собирање на средства, кои потоа ќе бидат наменети за кампања за борба против ракот на дебелото црево и малигнитетот кај децата.

Од областа на локалниот економски развој, советниците од Карпош дадоа поддршка и за проектот на „Центарот за поддршка и креативен развој“, кој подразбира стручна обука на 12 жени – жителки на Карпош, за започнување на сопствен бизнис. Станува збор за жени од ранливи категории кои се наоѓаат во потешка социо – материјална состојба, кои со помош на искусни обучувачи и експерти, треба да ги осознаат правните и економските принципи на водењето бизнис.

Со одлука на Советот, едукативниот центар „Идеа“ ќе добие финансиски средства за реализација на проектот „И жените можат“, чија стратешка цел е да се зголеми нивото на вработеност на жените од сите делови на општина Карпош. Во рамки на проектот ќе се спроведе и истражување на цела територија на локалната самоуправа, кое ќе се движи во насока кон добивање на конкретни анализи за потребите на три целни групи на жени.

На седницата беше усвоен и Годишниот Извештај за работа на полициската станица „Карпош“ за 2019 година, се наведува во соопштението од општина Карпош.

Борусија е подготвена за Санчо да му плати 35 милиони евра на Манчестер јунајтед

 Фудбалерот од средниот ред на Борусија Дортмунд, Џејдон Санчо, кој е позајмен од Манчестер јунајтед, може да остане во германскиот клуб, пишува новинарот Флоријан Плетенберг.

Дваесет и тригодишниот Англичанец би сакал да остане во Дортмунд. Раководството на клубот исто така е задоволно од играчот и е подготвено да плати до 35 милиони евра за целосен трансфер.

Бундеслигашот од Дортмунд го позајми Санчо од Манчестер јунајтед во јануари 2024 година. Фудбалерот на осум натпревари постигна еден гол и две асистенции.

Санчо играше за Дортмунд од август 2017 до јули 2021 година пред да се пресели во Манчестер јунајтед за 85 милиони евра.

Порталот „Трансфермаркт“ моменталната вредност на играчот од средниот ред ја проценува на 25 милиони евра.

Американската армија уништи дронови и проектили на Хутите во Јемен

Американската армија вчера изврши напади врз беспилотни летала, проектили и контејнери за складирање оружје во областите на Јемен под контрола на Хутите.

Американската централна команда (ЦЕНТКОМ) соопшти дека „успешно ангажирала и уништила седум противбродски проектили, три беспилотни летала и три контејнери за складирање оружје во областите во Јемен контролирани од Хутите во самоодбрана.

- Утврдено е дека ова оружје претставува непосредна закана за трговските бродови и бродовите на американската морнарица во регионот, се наведува во соопштението на ЦЕНТКОМ.

Хутите од почетокот на војната во Појасот Газа ги напаѓаат израелските, американските и бродовите на други држави во Црвено Море, со цел да се стави крај на израелските напади врз енклавата.

Поради континуираните напади на Хутите, големите бродски компании сè повеќе ја избегнуваат најкратката поморска рута меѓу Азија и Европа. Неколку западни земји, вклучително и САД и Велика Британија, почнаа операции за заштита на бродовите во регионот како одговор на нападите на Хутите. Европска Унија, исто така, почна воена операција за обезбедување на трговските бродови во Црвено Море.

„Гответе со Дракче“ - Риба во зеленчук

Во понеделник (18.03.2024) во емисијата гостин ни беше Бобан Цаневски.

Состојки за денешниот рецепт:

500 гр. риба

2 зелени пиперки

3 црвени домати

2 млади кромитчиња

масло за јадење

брашно, сол и зачини по вкус

Погледнете како се подготвува овој рецепт:

притисни ентер