Според законот, на секој за кој е докажано дека има повеќе од една сопруга, му се закануваше затвор до пет години.

Застапниците на декриминализацијата тврдат дека тоа ќе ја намали тајноста на заедниците кои го практикуваат обичајот и ќе им олесни на жртвите да пријават злоупотреба.

Но, критичарите веруваат дека злоупотребата само ќе се влоши.Новиот закон треба да биде одобрен и од Претставничкиот дом на Јута.

Според новиот закон, полигамијата или бракот со повеќе од една сопруга или сопруг ќе се смета за прекршок, како што се оние во сообраќајот.

Но, принудната полигамија ќе се третира како кривично дело.

За повеќе од 30 000 луѓе се верува дека живеат во полигамија во оваа држава, пренесува Асошиејтед Прес.

Јута е дом на Мормонската црква која во своите почетоци ја прифати полигамијата, пред да ја забрани во 1890 година.Денес, Мормоните го екскомуницираат секој што практикува полигамија, но многу фундаменталисти од таа религија и понатаму продолжуваат со стариот обичај.

Иако бракот со повеќе лица е нелегален според законот во Јута, официјалните лица на таа држава во голема мерка се определија за неказнивост.Во 2001 година, полигамистот Том Грин стана првиот маж осуден за брак со пет жени, и тоа била прва пресуда во повеќе од половина век.Тој подоцна бил осуден за силување малолетничка, бидејќи една од неговите сопруги останала бремена на 13-годишна возраст, пренесува Би-Би-Си.