Македонија

Мицевски: Македонија повеќе нема време за чекање и не смее да биде заложник на криминалните и антидржавните политики на Заев, Спасовски

Република Македонија веќе подолг период се наоѓа во тешка политичка криза и хаос во сите сфери од македонското општество и секојдневното живеење.

Почитувани колеги пратеници, почитувани претставници на медиуми и целата македонска јавност,

Република Македонија веќе подолг период се наоѓа во тешка политичка криза и хаос во сите сфери од македонското општество и секојдневното живеење. Република Македонија повеќе нема време за чекање и не смее да биде заложник на криминалните и антидржавните политики на Заев, Спасовски и оваа ненародна власт предводена од СДСМ.

Во текот на досегашниот мандат на оваа криминална влада предводена од СДСМ сведоци сме на безброј криминали, разни скандали, антидржавни одлуки, девалвација на сите државни институции, делење тендери по партиска и роднинска линија, непочитување на никакви пропишани законски процедури, аматерско и непрофесионално работење и уште ред други примери кои ја отсликуваат тажната и реалната состојба во Република Македонија.

На почетокот мора да се спомене за целата македонска јавност да дознае за она што се случи денес, предмалку овде во Собранието на Република Македонија при гласањето на законот за јавно обвинителство, кој што ќе значи уште една амнестија и сламка за спас на аболицираниот Заев. Сите бевме сведоци на погазувањето на демократијата и Собранието на Република Македонија како институција која е директен преставник на граѓаните.

Токму тој закон за јавно обвинителство, беше ставен за гласање и не го доби потребниот број на гласови и тоа гласање беше незаконски поништено. Подоцна за 10тина минути, повторно беше ставено на гласање спротивно на Деловникот.

Тоа е доказ за авторитарното владеење и апсолутизам на деспотот Заев.

Токму поради ова, распуштање на Собранието на Република Македонија и избори на 12ти април, мора да има и ќе има. Денес ќе ставиме крај на заложништвото во кое се наоѓа Република Македонија и нејзините граѓани.

Оттука, како пратеник и Координатор на пратеничката група на ВМРО-ДПМНЕ кој ја затекнал и бил сведок на досега најкатастрофалната и најкриминалната Влада во историјата на Република Македонија, накратко би сакал да набројам само неколку катастрофални потези и политики кои ја одбележаа оваа криминална власт во овој речиси тригодишен мандат.

Целата македонска јавност и сите граѓани на Република Македонија, во овие три години, на своја кожа почувствуваа и видоа што значи и како изгледа кога СДСМ ја има целата власт во Република Македонија.

Заев и СДСМ ќе останат запишани во историјата на Република Македонија по катастрофалните економски политики, хаос во правосудниот систем, нула странски инвестиции, по партиските вработувања во администрацијата, по промената на Уставот и покрај неуспешниот референдум во 2018 година, големиот број на криминали на функционерите и кадрите на СДСМ на централно и локално ниво, милионски тендери во здравството, иселувањето на младите од својата татковина, лажните ветувања пред граѓаните, големиот број на нерешени и сомнителни убиства, непочитување и девалвирање на институциите, класично кршење на Деловникот и насилничко носење на огромен број на законски решенија овде во Собранието на Република Македонија, газење и уништување на угледот на државата, пад од стотици места на речиси сите светски ранг листи со кои се оценува функционирањето на една држава, задушување на слободно новинарство, закани, уцени, огромна доза на говор на омраза на нивните пулени и апологети, и уште многу, многу други примери за кои дури немам доволно време ни само таксативно да ги набројам во ова мое обраќање.

Почитувани граѓани, ова е резултатот од владеењето на Заев и СДСМ. Ова е вистинската реалност и реалната состојба во која се наоѓа Република Македонија по изминати само 3 години од владеењето на овој хибриден и криминален режим предводен од двоецот Заев - Шекеринска и СДСМ во целост.

Токму затоа, Зоран Заев е свесен дека тој е веќе во политичкото минато и дека после 12ти април ќе замине на политичкото буниште и ќе биде запамтен како личност на црната страна на историјата на Република Македонија. Поради ова, СДСМ и Заев, соочени со тешкиот изборен пораз на секој можен начин и по секоја цена се обидуваат да избегаат од избори.

Но ние, како ВМРО-ДПМНЕ, како пратеници од ВМРО-ДПМНЕ, имаме обврска и мораме да ги слушнеме граѓаните и да ставиме точка на ова безредие и беззаконие. Имаме обврска поради оние граѓани кои секојдневно не прашуваат кога ќе заврши оваа криза, кога ќе замине оваа власт, кога ќе се ослободат граѓаните и институциите кои што се под постојан притисок на оваа власт. Ние како пратеници од ВМРО-ДПМНЕ и како возрасни и разумни луѓе мораме да ставиме крај на ова лудило и да дозволиме граѓаните на 12-ти април да го кажат своето, да одлучат по која патека сакаат да се движи Република Македонија, дали по „правиот пат на Заев исполнет со безброј кривини“ или пак по патеката која што ќе значи обнова и враќање на достоинството како на граѓаните, така и на Република Македонија во целост.

На крајот од ова мое обраќање би сакал уште еднаш да повторам пред целата македонска јавност дека Заев, Спасовски, Шеќеринска и СДСМ на 12-ти април ќе заминат и дај Боже никогаш да не се вратат.

Никола Мицевски, координатор на Пратеничката група на ВМРО-ДПМНЕ

Живот

Жена дошла во банка со мртов човек за да подигне кредит: Тој е молчелив (Вознемирувачко видео)

Неверојатна приказна доаѓа од Рио де Жанеиро, каде жена била уапсена откако наводно се обидела да добие кредит од банка, во друштво на мртов човек?!

Приказната за прв пат ја објави ТВ Глобо од Бразил, а видеото се појави на социјалните мрежи.

На видеото гледаме жена која стои покрај блед постар маж во инвалидска количка. Се гледа како го држи за врат и го нарекува „чичко“.

Таа наводно се претставила како внука на мажот и побарала кредит од 3.400 долари.

„Вујко, слушаш ли? Треба да го потпишете договорот за заем. Ако не потпишеш, нема шанси, бидејќи не можам да го сторам тоа за тебе“, вели таа.

Вработената во банката, која ја снимила снимката, одговара: „Изгледа не му е добро, неговата боја“.

Жената возврати: „Таков е тој. Тој не зборува ништо“.

Вработените во банката набрзо повикале полиција.

„Тој веќе беше мртов во банката. Главната работа е да се продолжи со истрагата за да се пронајдат членовите на семејството и да се дознае повеќе за случајот“, изјавил началникот на полицијата Фабио Луиз за ТВ Глобо.

Ако се покаже дека жената е виновна, таа може да биде одговорна за обид за измама.

Надлежните ги истражуваат околностите под кои мажот починал, а неговото тело е пренесено во Институтот за судска медицина.

Македонија

Јонуз: Полека но сигурни влегуваме во „бугарско“ сценарио

„За година и пол до две сум сигурен дека ќе имаме предвремени избори“

Тоа што некој е помудар од тебе и тоа што подобро игра од шах од тебе, не значи дека ги надминал границите. Легитимно право, законско право е да се поставува услов. Алал да им е на Албанците 100:0 тепаат наспроти Македонците. Полека но сигурни влегуваме во „бугарско“ сценарио. За година и пол до две сум сигурен дека ќе имаме предвремени избори. На овие избори тврдам дека ВМРО-ДПМНЕ ќе „растури“ на овие избори затоа што имаат доследност, кичмата крива ли е, ја држат, другите се камелеон. Во Македонија овде кога би не оставиле сами да го делиме парчето торта, очите ќе си ги извадиме. Албанците тоа што го имаат, Македонците го немаат, а тоа е едиство, рече Агим Јонуз во Само Вистина.

Свет

Нарко босот „Ел Чапо“ се жали дека во затворот не му дозволувале никаков контакт со семејството

Мексиканскиот нарко бос Хоакин „Ел Чапо“ Гузман, поранешен водач на картелот Синалоа, тврди дека не смее да прима телефонски повици или посети во максимално безбедниот американски затвор во Колорадо, каде што издржува доживотна затворска казна.

Гузман, кој неколкупати бегаше од затворите во Мексико, на крајот на март му напиша писмо на судијата на Окружниот суд на САД, Брајан М.

Тој е осуден за водење на операција за шверц на дрога од индустриски размери и отслужува казна во затвор со максимална безбедност во Флоренс, Колорадо, според АП.

„Во мај 2023 година, објектот престана да ми ги пренесува повиците на моите ќерки, а јас седум месеци немав повици од нив. Прашав кога ќе ми дозволат да разговарам со моите ќерки и вработените ми кажаа дека агентот на ФБИ кој ги надгледуваше повиците не одговара“, напиша Гузман.

Ел Чапо смета дека е изложен на „дискриминација без преседан“ и дека официјалните лица го казнуваат со тоа што не му дозволуваат контакт со семејството.

Гузман, исто така, побарал од судијата да ја посети неговата сопруга Ема Коронел, но не кажа кога последен пат му било дозволено да ја види.

Коронел, исто така, се изјаснила за виновна за обвиненијата за трговија со дрога во 2021 година, но подоцна беше ослободена.

„Ве молам на Коронел да ѝ дозволите да ме посети и да ги донесете моите ќерки да ме посетат, бидејќи тие можат да ме посетат само кога се на одмор, бидејќи студираат во Мексико“, додаде Гузман во писмото до судијата. .

Судијата Коган одговори минатата недела, велејќи дека по изрекувањето на пресудата на Гузман, сè е на американското биро за затвори и дека нема моќ да интервенира.

Во декември, 95-годишната мајка на Гузман почина во северната мексиканска држава Синалоа, а таа наводно не го видела својот син откако беше испратен во затвор во Колорадо во 2019 година.

Гузман го предводеше картелот Синалоа во борбата против нарко бандите, во кои загинаа илјадници Мексиканци.

Тој двапати избегал од мексиканските затвори, еднаш преку тунел долг километар ископан низ ќелијата во која престојувал.

Откако беше екстрадиран во Њујорк, неговото тримесечно судење вклучуваше приказни за убиства, политички исплати, кокаин скриен во лименки халапења и пиштоли со скапоцени камења.

Во 2023 година, Мексико екстрадираше еден од синовите на Ел Чапо, Овидио Гузман Лопез, во САД за да се соочи со обвиненија за трговија со дрога и перење пари.

Се вели дека Гузман Лопез го водел картелот Синалоа за време на операциите за производство и извоз на фентанил во САД, за кој се верува дека предизвикува 70.000 смртни случаи годишно.

притисни ентер