Владата го задолжи, Чулев утре ќе објави на кој начин и како ќе се издаваат пасошите до 24 март

Министерството за внатрешни работи утре ќе објави на кој начин и како ќе се издаваат патните исправи, најави за Канал 5 министерот Наќе Чулев.

Откако Владата на синоќешната седница го задолжи да утврди механизам, односно методологија и критериуми како ќе издаваAT пасоши до 24ти март - кога треба да пристигне наредната пратка од фирмата Веридос задолжена за изработка на обрасците.

Министерот пред неколку дена на прес конференција обзнани дека околу 15 илјади граѓани се на листата за чекање за издавање пасош, а службите располагаат со само 5 илјади обрасци.

Чулув тогаш, како виновник за алармантната состојба со пасошите, го обвини неговиот претходник, Спасовски пак тврдеше дека додека тој бил во министерството немало никакви проблеми ниту со пасошите – ниту со личните карти.

Судирот меѓу Спасовски и Чулев продолжи и со поништување на уште пет решенија за распоредување издадени од техничкиот министер. Решенијата за тројца началници и двајца советници, се поништени на синоќешната владина седница. Во соопштението не се наведува од кои причини. На претходната седница исто така Владата поништи уште 89 решнија за распоредување во МВР.

Чулев смета дека владините одлуки се политички и според него се мешање во ингеренциите.

Кривична пријава за узурпација на земјиште кај цветен пазар зад поликлиниката Бит пазар

Единицата за економски и компјутерски криминал при СВР Скопје поднесе кривична пријава против А.Р. (62) од Скопје и против правно лице од Скопје за сторено кривично дело  „узурпација на недвижности“, соопшти МВР.

А.Р. како сопственик и управител на второпријавеното правно лице, подолг временски период противправно завладеал имот сопственост на државата и го ставил во владение на своето правно лице. А.Р. имотот кој се наоѓа веднаш до цветниот пазар позади поликлиниката Бит Пазар во Скопје, кој претставува градежно неизградено земјиште во општа употреба во сопственост на државата, противзаконски го оградил со наплатна рампа и куќарка за наплата на влез-излез и за секој влез- излез наплаќал соодветен паричен надомест. На тој начин го оневозможил слободното движење и користење на просторот од страна на граѓаните и институциите.

Именувани тројца судии и двајца бранители на Судот на правдата на ЕУ

Комитетот на постојани претставници на земјите членки на ЕУ (КОРЕПЕР) именуваше тројца судии и двајца бранители на Европскиот суд на правдата. 

Како што јави дописникот на МИА од Брисел, станува збор за Германецот Томас фон Данвиц и Летонката Инета Зимеле, кои се реизбрани за судии, како и за Французинот Стефан Жервасони, кој првпат е именуван за судија на Судот на правдата.

Членовите на КОРЕПЕР, исто така, го реизбраа Французинот Жан Ришар де ла Тур за бранител во Судот, а на ова должност во прв мандат е именуван и Луксембуржанецот Дин Шпилман.

Именувањата се извршени во рамки на процесот на делумна обнова на составот на Судот на правдата на ЕУ. Мандатите на петмината именувани ќе траат од 7 октомври 2024 година до 6 октомври 2030 година.

Судиите и бранителите на Судот на правдата на ЕУ се назначуваат со согласност на владите на земјите членки на Унијата, по консултации со посебен панел одговорен за давање мислење за соодветноста на потенцијалните кандидати за извршување на должностите. Тие се избираат од редовите на истакнати правници, кои претходно извршувале високи функции во правосудните системи на своите матични земји.

Баерн го вброи Емери во кандидатите за тренерската позиција

Актуелниот бундеслигашки шампион Баерн Минхен размислува за следната сезона на тренерското место да го донесе предводникот на Астон Вила, Унаи Емери.

Според „TZ“ тренерот на Баер Леверкузен, Чаби Алонсо е главна цел на клубот од Минхен, но поради силниот интерес за Шпанецот од Ливерпул, кој на крајот на сезоната ќе го напушти Јирген Клоп, германскиот клуб размислува за други опции.

Претходно беше објавено дека Баерн размислува и за Роберто Де Зерби од Брајтон, како и за селекторот на германската репрезентација Јулијан Нагелсман.

Во февруари, Баерн најави заминување на главниот тренер Томас Тухел од клубот на крајот на сезоната 2023/24.

притисни ентер