„Мислам дека постојат разлики помеѓу германската екстремно десничарска партија Алтернатива за Германија (АфД) и австриската партија за слобода (ФПО)“, изјави конзервативниот лидер на конференцијата за безбедност во Минхен , оценувајќи ја германската како порадикална од австриската.
„Според тоа, мислам дека канцеларката и поранешен лидер на Христијанско демократската унија (ЦДУ) ја одбра вистинската насока и дека е оправдано што партијата јасно одлучила да не соработува со АфД“, објасни тој.
ЦДУ на Ангела Меркел доживува криза последниве денови откако нејзината членка во Тирин, заедно со АфД, учествуваше во изборот за нов шеф на државата.
Претседателката на Христијанско демократската унија (ЦДУ), Анегрит Крамп-Каренбауер ја објави својата оставка како претседател на партијата оваа недела и рече дека не сака да ја наследи Меркел по крајот на мандатот кон крајот на 2021 година.
Таа одлука ги измеша политичките карти во Германија пред парламентарните избори закажани за следната есен и предизвика гласини за можен предвремен крај на сегашната влада на германската канцеларка , пишуваат медиумите.
Курц изјави дека е можна владејачка коалиција на германските конзервативци и зелените во Германија, како во Австрија.
Во анкетите за доверба во моментов е прва партијата ЦДУ во Германија со околу 27 проценти од гласовите, пред Зелените со околу 22 проценти од гласовите.