Македонија

„Само интервју“ вечерва со Васил Тупурковски

Вечен спортист и американски стипендист, но кој е навистина Васил Тупурковски?

Дами и господа петок е последен работен и ден за „Само Интервју“, во прво лице со членот на последното колективно претседателство на СФРЈ, професорот по меѓународно право, основач и претседател на некогашната Демократска алтернатива и долгогодишен претседател на Македонскиот олимписки комитет, Васил Тупурковски.

Вечен спортист и американски стипендист, но кој е навистина Васил Тупурковски?

Во време на студентски протести во Југославија, од активен член на сојузот на социјалистичката младина и школуван во капиталистичка Америка, станува негов претседател. За едни беше „херој“, за други „гробарот на Југославија“, може ли да ни’ открие како се гледа себе си од оваа перспектива?

Дали е точно дека во 94-тата година, седум години пред рамковниот, бил „за“ „историски договор“ помеѓу Македонците и Албанците?

Тој е на став дека Договорот од Преспа треба да го прифатиме како единствено реално решение, но можеше ли поинаку?

Кој пред 27 години ја „прокоцка“ шансата за името и може ли да ни открие што преговараа во 92-та со тогашниот грчки премиер Константин Мицотакис?

Дали Македонија „задоцни“ со меѓународното признавање?

Кој му беше мотивот за неуспешната „тајванска приказна“ која го расплака екс-претседателот Глигоров?

Може ли да ни ја открие тајната, како остана цели 24 години претседател на Македонскиот олимписки комитет?

За македоснките „патриоти“ и „предавници“, за распадот на Југославија, самостојноста, грешките и ветувањата за името, Гоце Михајлоски во „Само Интервју“ ќе ги бара одговорите од македонската легенда Васил Тупуковски, ексклузивно на Канал 5 Телевизија.

Фудбал

Мбапе подготвен да игра на нова позиција во Реал Мадрид

Напаѓачот Килијан Мбапе ја прифатил улогата за која е планиран по трансферот во Реал Мадрид, тврди „Ас“.

Иако официјално не е објавен трансферот на фудбалерот од Пари Сен Жермен, на „Сантијаго Бернабеу“ веќе размислуваат како Французинот најдобро ќе се прилагоди во составот следната сезона.

За време на неговиот престој со парижаните, напаѓачот јасно стави до знаење дека претпочита да игра на левото крило на нападот на тимот, што му овозможува да се потпира на повеќе слободни простори на предните позиции. Во Реал оваа улога вообичаено му се доделува на Винисиус Јуниор, а ова е претпочитана позиција и за Родриго.

Сепак, според „Ac“, Мбапе е подготвен да игра повеќе во центарот на нападот како број 9 следната сезона, а тоа се поврзува и со неговата голема желба да ја освои „Златната топка“, бидејќи оваа позиција се смета за поволна за реализација на повеќе голови.

Францускиот репрезентативец оваа сезона постигна 41 гол на 43 натпревари за ПСЖ во сите натпреварувања. /МИА

Регион

Инцидент во грчкиот Парламент – пратеник физички нападна друг пратеник

На нападнатиот веднаш му била пружена прва помош од лекарот во Парламентот.

Независниот пратеник Константинос Флорос, кој беше избран со малата радикално десничарска партија Спартанци, претпладнево физички го нападнал пратеникот од Грчко решение Василис Граменос во Парламентот, пред салата во која се одржува пленарната седница, јави дописничката на МИА од Атина.

На инцидентот му претходела вербална расправија во самата сала, што во ходникот се претворила во физичка пресметка, кога Флорос со тупаници го нападнал Граменос.

На нападнатиот веднаш му била пружена прва помош од лекарот во Парламентот.

Медиумите во Грција коментираат дека станува збор за инцидент без преседан во Парламентот.

Претседателот на Парламентот Константинос Тасулас за насилното однесување на пратеникот побара највисока казна предвидена со правилникот на работа, односно исклучување на Константинос Флорос од Парламентот на 15 дена, а паралелно ќе биде побарано и одземање на пратеничкиот имунитет и кривично да одговара.

Флорос на изборите во јуни минатата година беше избран со малата радикално десничарска партија Спартанци, која подоцна ја напушти и стана независен пратеник.

Спартанци се поврзува со поранешниот пратеник од Златна зора Илиас Касидиарис кој издржува затворска казна./МИА

Македонија

ДИК: До 11 часот излезноста 12,78 отсто или 229.473 гласачи

До 11 часот излезноста на првиот круг претседателски избори е 12,78 отсто или на гласање излегле вкупно 229.473 граѓани.

Како што е објавено на официјалната веб-страница на Државната изборна комисија (ДИК), овие проценти се врз основа на обработени 3 418 избирачки места од вкупно 3 508 во општините на територијата на целата држава.