Еден од тројцата Македонци на елитниот крузер заразен од коронавирусот

По девет дена строг карантин на луксузниот крузер „Дајмонд Принцес“, стигна и непријатна вест од Јокохама.

Кај еден од тројцата Македонци на бродот, закотвен на пристаништето, е потврден коронавирусот, соопштија попладнево од МНР. Заболениот, кој на крузерот бил дел од персоналот заедно со уште двајца Македонци, во моментов е во стабилна здравствена состојба. Останатите наши двајца државјани досега не пројавиле никакви симптоми, кои упатуваат на вирусот.

-Добивме информации дека наши државјанин на бродот е заболен од корона вурусот. Тој е сместен во болница во Јокохама, вели Гордана Кузмановска, Институт за јавно здравје

Драмата на крузерот почна на 4-ти февруари, кога 300-метарскиот брод со 3.700 патници беше ставен во две неделна изолација поради присуство на корона вирусот. До истекот на карантинот преостануваат уште пет дена, иако неизвесно е како ќе се одвива состојбата дотогаш и дали патниците ќе бидат пуштени дома. Бројот на новозаболени на бродот речиси секој ден расте за неколку десетици и во моментов изнесува 2020.

-Имаме нови случаи на корона вирус на крузерот. По извршениот 220 нови тестови, дијагностициравме инфекции од овој вирус кај 43 патници и еден член на екипажот. Тие се пренесени на третман во болнички услови, вели Катсунобу Като, министер за здравство на Јапонија

-На крузерот има многу постари патници, кои се многу ранливи. Дел од нив, имаат хронични срцеви проблеми. Нивното здравје е кревко и тоа ја прави состојбата на бродот доста неизвесна, Еји Кусуми, професор на Универзитетот во Токио

Офијалната бројка на жртви и заболени од коронавирусот денеска драматично порасна откако кинеските власти ги променија методите на броење, и почнаа да ја прават дијагнозата на самото место, наместо да ги чекаат лабораториските тестови. Кина денеска изброја нови 240 жртви, последниот биланс се искачи на 1.400, а бројот на заразени надмина 60 илјади.

-Оваа епидемија може да оди во која било насока. И затоа се уште е прерано да да се предвиди крајот на епидемијата, изјави Тедрос Адханом, претседател на СЗО

По милионските градови ставени во каранти во Вухан, Виетнам денеска стана првата земја надвор од Кина што стави населено место во изолација. Се работи за градче близу Ханој, со 10 илјади жители.

Николоски: Бордот на директори на ТЕЦ Неготино земале плата од над 2.500 евра плата

Е такви бандити и криминалци Заев става на функција.

Мојот опонент, мојот против кандидат Зоран Заев нема ден да не се потсетиме на некоја од неговите големи афери, не се добројуваат. Да земам сега тука да ги бројам, до утре ќе треба да останеме, за жал. Ќе набројам неколку. Мојот против кандидат е човекот кој што бараше евро за брат му ама не едно, туку помножено по 200.000 и кажа уште кој се друг платил во штедилницата кај брат му. Мојот против кандидат е човек чие што најтесно семејство вози автомобил кои вие ниту во живот, а ниту јас сме видели и кои што чинат повеќе од вкупната заработка на сите вас за 5 години заедно, вели потпретседателот на ВМРО-ДПМНЕ и носител на листа во изборна единица 4, Александар Николоски денеска на средба пред граѓаните на Кавадарци.

Мојот против кандидат е човек кој што краде каде што ќе стигне. Мојот против кандидат е човек кој што лаже каде ќе стигне. Мојот против кандидат е човек кој што поставува директори на јавни институции кои што пари ставаат во торба. Мојот против кандидат е човек кој што организираше рекет во Република Македонија и е на врвот на пирамидата, „капо ди тути капи“ на сите криминалци во оваа држава и кој што организираше многу бизнисмени да бидат изрекетирани во вредност од преку 20 милиони евра. Мојот против кандидат е човек кој што ги искористува луѓето и ги пушта низ вода и ситните риби ги тера да одговараат за него, за тој да може да биде заштити. Мојот против кандидат е човек кој што го промени името на оваа држава, што воведе двојазичност и што тргува со историјата, рече Николоски.

Николоски, од Кавадарци порача да се внимава со маката и трудот на земјоделците, порачувајќи да се внимава што прават со цената на грозјето бидејќи после 15 јули со ВМРО-ДПМНЕ ќе си имаат работа, односно како што рече тој, грозјето мора да се откупи цело по праведна цена и мора навреме да се плати.

Сакам збор два да кажам за уште две работи. Едната се маките народни и на земјоделците и втората њ криминалот и корупцијата. За маките народни, слушаме одредени големци и олигарси кои што ни ја искрадоа државата во 90тите години си ги добија фабриките на тацна станаа милионери ама не станаа милионери затоа што мобилен телефон измислија или компјутер, или некоја ракета, туку за тоа што покрадоа. И сега истите тие оваа година сакале грозјето за 6, 7 денари. Да им порачам од овде да внимаваат што прават со ВМРО-ДПМНЕ ќе имаат работа после 15 јули, вели Николоски.

Николоски посочи посочи дека секој што се огрешил пред законот после 15 јули ќе мора да одговара, додавајќи дека не е само директорот на Тутунскиот комбинат кој зема енормно висока плата, туку откри дека и директорот на ТЕЦ Неготино и бордот на директори земале високи плати, укажувајќи такви бандити и криминалци Зоран Заев става на функции, вели Николоски.

Околу криминалот и корупцијата, каде и да отидете секаде бандити. Еве две работи сакам да споделам со вас. Бев претходно во Неготино и кажуваат луѓето ТЕЦ Неготино кога работи кога не работи, главно не работи. Си се собрале таму директори си се ставиле си поделиле плата каква што вие не можете да сонувате. Јас мислев дека само во Прилеп е така, таму на пример директорот на Тутунскиот комбинат прима ако не сте знаеле 3.500 евра нето месечна плата, односно 5.500 евра бруто месечна плата. Значи зема 5.500 евра месечна плата, само за споредба цело семејство во Прилеп кое што сади тутун за една година заработува од 5.000 до 7.000 евра. За една година цело семејство, а овој сам за еден месец 5.500 евра. Ама такви херои имало и тука во Неготино и ќе ги кажам по име, затоа што мене тој ми е стилот, директорот на ТЕЦ Неготино зема верувале или не 100.000 денари нето плата, 150.000 денари бруто плата, преведено 2.500 евра плата, името на тој директор е Небојша Стојановиќ и веројатно никој не го знае и никој не го видел, ама мангупот зема 2.500 евра плата.

Па тие пајташите околу него, зошто нели треба да има борд да директори, земаат некаде околу две до 2.300 евра плата, еве да ги кажам нивните имиња. Игор Бојаџиев, Јане Стојменов, Никола Ангеловски, Билјана Митева. Сите овие си земаат по 2.000 до 2.300 евра бруто плата. Такви бандити и криминалци Зоран Заев става на функција, да ги поздравам од овде и сите ќе одговараат од прв до последен после 15 јули за да не ја цицаат маката на луѓето, да има одговорност и во Неготино, и тука во Кавадарци, порача Николоски.

Николоски побара масовна поддршка од кавадарчани за убедлива победа и во Кавадарци, и во цела четврта изборна единица и на ниво на Македонија за заеднички да ја градат Македонија.

Да победиме убедливо во четворката, да излеземе масовно во Кавадарци и да победиме во четвртата изборна единица со 12, 8 и да имаме преку 60 пратеници на ниво на Македонија, и заеднички да ја градиме Македонија.

Центар за комуникации на ВМРО-ДПМНЕ

Шевролет Нива од сега е Лада Нива

Руската компанија „GM-AvtoVAZ“ го преименува моделот Шевролет Нива во Лада Нива.

Во минатото оваа компанија беше поделена во сопственост на Руси и Американци, но изгледа дека „AvtoVaz“ го презема водството во компанијата.

На почетокот на декември минатата година е соопштено дека „AvtoVaz“ откупил 50 % од акциите на компанијата „GM-AvtoVAZ“ од американскиот Џенерал Моторс.

Така да од сега автомобилот под име Шевролет Нива, ќе започне да се произведува како Лада Нива.

Автомобилот е инаку достапен со 1.7 литарски мотор од 80 коњски сили.

Протести во Софија, приврзаниците на Радев бараат оставка од Борисов

Пред зградата на Министерскиот совет се приврзаниците на Румен Радев и бараат оставка од премиерот Бојко Борисов.

Два митинга вечерва се одржаа во Софија, едниот со подржувачи на владејачката партија Граѓани за европски развој на Бугарија (ГЕРБ) на премиерот Бојко Борисов, а другиот за поддршка на бугарскиот претседател Румен Радев.

Пред зградата на Министерскиот совет се приврзаниците на Румен Радев и бараат оставка од премиерот Бојко Борисов.

ГЕРБ соопшти дека после завршувањето на митингот, автобусите со нивни приврзаници биле нападнати, но дека немало повредени лица. Тие за нападот ги обвинија приврзаниците на Румен Радев и побараа од претседателот да ги отповика платените провокатори.

притисни ентер