Македонија

Заев: Повеќе од јасно е дека Мицкоски и ВМРО-ДПМНЕ не сакаат Закон за СЈО, нека покажат дека не го опструираат законското решение

„Повеќе од јасно е дека Христијан Мицкоски и опозицијата не сакаат законско решение за јавното обвинителство и затоа ги повикувам да ме демантираат", изјави претседателот на СДСМ Зоран Заев во одговори на новинарски прашања.

Претседателот Заев истакна дека ВМРО-ДПМНЕ можеле да поднесат конкретни предлози за Законот и пред две години и пред шест месеци но не го сториле тоа, но денеска сме во последната фаза, на неколку денови пред распуштање на парламентот и денеска Владата требаше да го усвои предлог Законот кој потоа би влегол во собраниска процедура.

„Во време кога на сите ние јасно дека Законот можеме да го донесеме сега или да чекаме да го донесеме по изборите без разлика кој ќе биде власт а кој опозиција, би било сулудо да не го донесеме сега. Со тоа ќе дадеме дополнителен аргумент на ЕУ. Дури сега да се формира работна група која би работела на законско решение, тогаш кога би бил предложено законското решение? Во октомври годинава или напролет наредна година? Треба сериозно да ја сфатиме работата, затоа што се работи за нашата држава, се работи за стратешка цел – почеток на преговорите со ЕУ. И навистина, сакам Мицкоски и ВМРО-ДПМНЕ да ме демантираат, дека не се против законот, дека не сакаат намерно да го опструираат законското решение, а тоа ќе го направат ако дадат конкретни предлози", посочи претседателот Заев.

Заев посочи дека пролонгирањето на распуштањето на Собранието, не значи и одлагање на изборите.

„Не гледам никаква причина за одлагање на изборите, тие се фиксирани на 12 април, но истовремено можеме да го искористиме тој меѓу период од 45 до 60 дена за распуштање на Парламентот. Изборите пак можат да бидат распишани на 60 дена, но распуштањето на Собранието може да се помести за ден, два, три за да се донесе ова законско решение, секако запазувајќи ги законските рокови на ДИК, но тие се врзани со распишувањето на изборите, а не со распуштањето на Собранието. Сепак постојат законски решенија кои се многу значајни како Законот за јавно обвинителство. Законот за одбрана и протоколот за НАТО кои треба да се донесат пред распуштање на Собранието, но ако треба неколку денови плус тоа да биде овозможено. Нема да дозволам пратеничката група која има мнозинство во Собранието да гласа за негово распуштање, без притоа да гласа за Законот за јавно обвинителство. Законот може биде гласан со консензус, може да биде гласан со двотретинско мнозинство а може да биде гласан и со помалку од потребното мнозинство и да не помине, но наша должност е да го ставиме на гласање, да испратиме сериозна порака до ЕУ дека правиме се за да ги продолжиме реформите", заклучи претседателот Заев.

Зоран Заев, претседател на СДСМ

Свет

Путин се фокусира на миграцијата за да ја дестабилизира Финска, нагласи Фон дер Лајен

Претседателката на Европската комисија, Урсула фон дер Лајен денеска нагласи дека Русија сега ги фокусира своите хибридни напади врз соседна Финска, користејќи мигранти за да се обиде да ја дестабилизира таа држава.

Нордиската земја ја затвори својата источна граница во средината на декември, откако речиси 1.000 мигранти пристигнаа без виза преку нејзините гранични премини со Русија од август.

Двата соседа делат 1.340 километри граница, а Хелсинки рече дека порастот на баратели на азил е организиран од Русија, обвинение што Москва го негира.

„Од хибридниот напад што Белорусија го започна во ноември 2021 година против Летонија, Полска и Литванија, сите знаеме како Путин и неговите сојузници ги инструментализираа мигрантите да ја тестираат нашата одбрана и да се обидат да не дестабилизираат. Сега Путин се фокусира на Финска“, изкави Фон дер Лајен.

Таа говореше по средбата со финскиот премиер Петри Орпо во финскиот град Лапеенранта, околу 30 километри од руската граница, каде разговараа за тоа „што можат Финска и ЕУ да направат за да спречат инструментализирана миграција кон источната граница на Финска“, се вели во соопштението./МИА

Забава

Руси поставија светски рекорд со скок со падобран

Истражувачи од Русија минатата недела поставија светски рекорд со скок со падобран спуштајќи од Земјината стратосфера над Северниот Пол. 

Мисијата служеше и како тест за нов прототип на комуникациски систем за употреба на Арктикот, изјави денеска организаторот Никита Цаплин.

Падобранците Михаил Корниенко, Александар Линик и Денис Јефремов скокнаа од авион „Иљушин-76“ на височина од 10.500 метри и слободно паѓаа две и пол минути пред да ги отворат своите падобрани на 1.000 метри од земјата. Сите тројца падобранци паѓаа со брзина од повеќе од 300 километри на час, на температура некаде и околу -50 Целзиусови степени, според Цаплин.

Михаил, Александар и Денис слетале во близина на руската поларна база „Барнео“.

Инаку, стратосферата е слој од атмосферата на Земјата којшто се протега од 10 километри (околу 8 километри на Земјините полови) до 55 километри. Комуникациите на Арктикот ќе стануваат сè поважни бидејќи Русија, САД и Кина се натпреваруваат за ресурси, трговски патишта и воена предност.

- Нашето решение засега е прототип, но сепак се поврзавме со сателитот од нашиот сервер и го извршивме преносот на податоци... Направивме мали чекори во таа насока и тоа беше нашата задача, рече Цаплин.

Компанијата, или системот „Иридиум“ - именувани по реткиот хемиски елемент, работи така што сателитите за комуникација се поставуваат во ниската орбита на Земјата - на височина од околу 781 километар (наместо вообичаените 33.000 км). На тој нов современ начин податоците се пренесуваат на помалите компактни уреди за илјадити дел од секундата. /МИА

Регион

В недела евакуација на жителите на Ниш поради неутрализирање бомба

Во Ниш, в недела ќе биде уништена голема бомба останата од бомбардирањето на НАТО во 1999 година, пронајдена пред четири дена на градилиште при доградбата на Научниот технолошки парк.

Поради таа причина, беше објавена наредба за евакуација на жителите од големиот градски кварт во реонот на северниот дел на тврдината Ниш.

Градскиот штаб за вонредни состојби на градот Ниш во наредбата ги наведува и мерките што граѓаните треба да ги преземат од недела во седум часот наутро, до завршување на акцијата за неутрализирање на бомбата.

За да се заштити животот и здравјето на луѓето и животните, потребно е граѓаните во недела, најдоцна до седум часот наутро, да ги напуштат објектите и со себе да ги земат своите миленици. Забрането е враќање на граѓаните во своите домови до завршување на акцијата на уништување, односно додека не добијат дозвола од надлежните да се вратат.

Пронајдената бомба, останата од бомбардирањето на НАТО во пролетта 1999 година, според „Политика“, тежи еден тон и содржи околу 400 килограми експлозив. /МИА

притисни ентер