Магазинот People објави дека две години пред несреќата во која загина кошаркарот, двајцата се согласиле никогаш да не летаат заедно со хеликоптер.
„Тој и Ванеса никогаш не сакаа да летаат заедно. Тоа беше договорот“, изјави извор близок на парот за „People“.
По смртта на Коби и нивната 13-годишна ќерка Џана, Ванеса остана да се грижи за другите три ќерки: Наталија (17), Бјанка (3) и малата Капри, која е родена во јуни минатата година.
Истиот извор им кажал на „People“ дека Брајант не летал со ниту еден пилот освен со Аром Зобајан, кој исто така почина во несреќата.
Во претходното интервју, Коби откри дека започнал да го користи хеликоптерот како превозно средство, додека сè уште играл за Лос Анџелес Лејкерс, за да може да помине помалку време во сообраќаен метеж и да има повеќе време за семејство.
,,Ќе се заглавев во сообраќај и ќе ги промашев училишните приредби. Морав да најдам начин да си дадам доволно време за да тренирам и да се фокусирам на тоа, но моето семејство да не страда. Затоа, се решив на хеликоптер за да можам да стигнам секаде за само 15 минути “, му рече тој на Алекс Родригез во 2015 година.
Од сите успеси што ги постигнал, Коби ги сметал своите деца за најголем.
"Најмногу сум горд што сум татко, тоа е моето најголемо достигнување. Научив многу, но мислам дека најважна е безусловната љубов што ја чувствуваш за своите деца. Честопати сум бил благословен со ова искуство и сега знам дека ништо на светот не е помоќно од тоа “, рече Коби во интервју што го даде минатиот ноември.