Обвинетата екс обвинителка Катица Јанева пред да си замине од судницата вулгарно ја нападна нејзината поранешна колешка Лиле Стефанова, која сведочеше за овој предмет со зборовите „гомнарка“ и „ороспијо“ . Веднаш по ова судијката Васка Николовска Масевска нареди полицјата да ја изнесе обвинетата Јанева од судницата.. Револтот на екс обвинителката доаѓа откако нејзината порашена колешка Стефанова три часа даваше исказ, и зборуваше кој се се обидувал да влијае врз случајот Империја, која таа го води. За нејзе пред се било чудно што осомничените во предметот знаеле за мерките кои ги презема обвинителсвото.
-На некој чуден начин од истражителите бев известена дека Камчев спремен ги чекал да дојдат тие, а дел од телефоните биле сменети. При претрес во „Орка Холдинг“ беа Филимена и Михајло Маневски. И таму беше „чистено“. Тоа што го најдовме како докази го земавме. Панделески и Камчев цело време праќаа емисари, политичари и бизнисмени за да влијаат врз истрагата кај мене и кај Јанева.
На вкрстено прашање од страна на адвокатот на Бојан Јовановски, Стефанова кажа кој судија ургирал.
-Тоа е судијата Добрила Кацарска. Таа не се јави кај мене, туку кај друг колега. Но беше присутна тука во судот цела вечер кога се одлучуваше за мерката притвор на Орце Камчев. Беше присутна од рано утро, до другото утро следниот ден.
Канал 5 ја контактираше и судијката Кацарска, која категорично ги отфрли тврдењата на Стефанова. Во телефонски разговор рече е згрозена од тоа што го слушнала затоа што таа никогаш не вршела никакво влијание врз некого. Кацарска рече дека размислува да поднесе кривична пријава за клевета.
Стефанова во своето опширно сведочење меѓудруготоповтори дека Камчев бил пуштен од притвор по наредба на Јанева и покрај нејзиното противење, а потоа на колегиум во СЈО и се обратила на нејзе и обвинителот Рустеми да направат извештај колкава штета е напаревена во “Империја” и “Поштенска Банка” и тука да се затвори предметот.. Последниот обид за интервенција Јанева го направила за одмрзнување на имотот на бизнисменот Панделевски, ден пред нејзината оставка од функцијата.
Стефанова пред судот кажа дека неколку пати сакала да даде оставка , да излезе пред медиумите и да се обрати до Советот на јавните обвинтиели.
Адвокатката на обвинетата Катица Јанева, Ирена Фрчкоска, по завршувањето на судењето кажа дека се задоволни од сведочењето на обвинителката Стефанова.
Во денешниот исказ на Стефанова не беше споменат првообвинетиот Боки 13, со кого кажа дека контактирала едиснтвено за гостување на неговата телевизија. Адвокатот на Јовановски, по рочиштете пренесе дека неговиот клинт му кажал дека нема да се појави на закажаната интервенција на 4 февруиари, револтиран што надлежните не ја земаат во предвид неговата состојба.