Норвешка освои бронза по победата над Словенија

Норвежаните собраа сили по синоќешниот шок натпревар против Хрватска во полуфиналето на ракометното Евро и успеаја да ја совладаат Словенија во борбата за третото место со 28:20.

Словенија поведе само еднаш на овој натпревар, 2: 1 на стартот. Предноста се одржуваше до полувремето, кога водството на Норвешка беше +3, но на крајот порасна за да стигне до +8. Норвежаните водеа најмногу во овој натпревар со 9 гола разлика.

Ова е прв медал на Европските првенства во историјата на норвешката репрезентација.

По шокот во полуфиналето против Хрватска, кога Норвешка загуби со 29:28 во вонредна драма по две продолженија , тие сепак успеаја да најдат сила и лутината поради поразот да ја истурат врз Словенците. Словенија загуби од Шпанија со 34:32 во полуфиналето.

До крајот на првенството остана уште еден натпревар. Големото финале во распродадената арена во Стокхолм утре го играат Хрватска и Шпанија со почеток во 16:30 часот.

По Трамп, Тачи го одликуваше и Гренел

Претседателот на Косово Хашим Тачи вечерва го одликуваше специјалниот пратеник на американскиот претседател Доналд Трамп за дијалогот меѓу Косово и Србија Ричард Гренел, со претседателски медал за заслуги.

Тачи објави на својот Фејсбук наведувајќи дека тоа го направил, затоа што го цени допринесот на Гренел во дијалогот меѓу Косови и Србија, пренесе „Газета Експрес“.

-Тоа што другите не го направија, Гренел го направи брзо и добро. Договорот од Белата куќа ќе донесе мир и стабилност на Косови и регионот, рекол Тачи.

Премиерот на Косово Авдулах Хоти и извршниот директор на Меѓународната развојна финансиска корпорација Адам Болер вечерва потпишаа договор за соработка.

Kosova 🇽🇰 dhe SHBA-ja 🇺🇸 sapo nënshkruan deklaratën e përbashkët, e cila garanton normalizimin e marrëdhënieve ekonomike...

Posted by Hashim Thaçi on Monday, September 21, 2020

ЕУ не воведува санкции за Белорусија

ЕУ може да воведе санкции само доколку нив ги поддржат сите 27 земји членки.

Министрите за надворешни работи на ЕУ денеска не успеаја да договорат воведување на санкции поради репресијата во текот на протестите во Белорусија, наспроти молбите на лидерката на белоруската опозиција Светлана Тихановскаја која престојува во Брисел.

Договорот на унијата за мерките против Белорусија го блокираше Кипар, кој е во добри односи со Русија, инсистирајќи на нужноста во истовреме да се воведат санкции за Турција поради посебниот спор околу гасот, јавува „Асошиејтед прес“.

Иако постои јасна волја за воведување на овие санкции, тоа денеска не беше возможно да се стори затоа што не беше постигната потребната согласност, изјави високиот претставник за надворешна политика на ЕУ Жозеф Борел, кој беше домаќин на овие разговори.

ЕУ може да воведе санкции само доколку нив ги поддржат сите 27 земји членки.

Кинеска ексклузива: Продолжена верзија од БМВ Серија 5

БМВ за потребите на кинескиот пазар претстави Серија 5 по подолго меѓуосовинско растојание.

Продолженото БМВ од Серија 5 е целосно во склад со долгогодишната традиција на германскиот премиоум произведувач, но и другите странски автомобилски компании, на купувачите во Кина да им нудат подолги верзии од своите лимузини во однос на стандардните модели кои ги продаваат на останатите светски пазари.

БМВ од Серија 5 за кинескиот пазар има 130мм подолго меѓуосовинско растојание од регуларниот модел кој се продава во Европа.

Тоа значи дека растојанието на осовините на овој автомобил изнесува дури 3.105 мм, со што значително е зголемен просторот меѓу предните и задните седишта.

Што се однесува до погонот на овој модел, БМВ објави дека на кинескиот пазар ќе понуди 535 плаг ин хибридна верзија.

Основниот погонски систем се сочинува од 4 цилиндарски 2.0 турбо-бензин мотор со 292 коњски сили, помогнат од електромотор со за сега непознати спецификации.

Не е познато кои погонски опции БМВ ќе ги продава во Кина, но се очекува тоа да бидат бензинците „525Li“ , „530Li“ и „530i M“.

БМВ Серија пет со продолжено меѓуосовинско растојание ќе има официјална премиера на Саемот за автомобили во Пекинг кој, по априлското одложување заради пандемијата, треба да започне на 26 септември.

притисни ентер