Чудовиштето на Форд изгледа неверојатно на тркачка патека (ВИДЕО)

Звукот на вонсерискиот автомобил ќе го воодушеви секој љубител на брзините.

Ford GT е одличен тркачки автомобил, но дизајнерите ги преминаа своите граници.

Автомобилот беше промовиран минатата година на фестивалот на брзината во Гудвуд. Тоа е тркачки болид чие производство е ограничено на само 45 примероци. Секој од нив вреди 1,2 милиони долари. Поради својата ограничена серија и високата цена, тој е вистинска реткост на патеките низ целиот свет.

Пред неколку дена се појави фотографија од чудовиштето, чиј сопственик е потпретседателот на Google и обожавател на брзите автомобили ,Бенџамин Трејнор Слос. Првиот модел GT Mk II конечно беше виден на патека.

It begins 👍

A post shared by Ben (@yonly65) on

Милијардерот сподели на својот профил на Инстаграм серија видеа снимени на патеката во Калифорнија. Првото видео го прикажува тргнувањето на Ford GT Mk II, додека второто сведочи за неговите перформанси на патеката под полна брзина.

Секој вистински љубител на тркачки автомобили ужива да го слушне звукот на моторот на овој неверојатен болид.

"Знаев дека ќе звучи добро, но не очекував дека ќе биде толку добро. Чиста музика на моторот", напиша Слос на Инстаграм.

Хармонијата е создадена од 3,5 литарскиот мотор EcoBoost кој е засилен на 700 коњски сили. Регулативите за трки имаат ограничена моќност на моторот. Во споредба со претходната, втората генерација на Ford GT е полесен за околу 130 килограми, а аеродинамиката е подобрена за дури 400 проценти. Овие податоци укажуваат дека станува збор на Форд, пренесува Carbuzz.

На фотографиите се гледа дека моделот е направен во небесно сина боја со портокалова лента што оди над покривот и аспираторот. Секој примерок е единствен, а моделот во гаражата на милијардерот го носи бројот 15.

Втор протест на родителите на породилно отсуство

Мајките на деца до шестгодишна возраст и оние кои се на породилно отсуство, денеска попладне повторно излегода на протест пред Владата, против одлуката да се вратат на работа на 23 септември.

Бараат да се испочитува препораката на Комисијата за заразни болести за продолжување на породилното отсуство до 31.12.2020 година, бидејќи како што велат, со новите случаи на заболени градинките се ризик за нивните деца.

Според владината одлука, од 14 септември, сите родители на деца од 0 до 6 години, кои досега беа ослободени од работниот процес, треба да се вратат на работа почнувајќи од 23 септември. /МИА

Груби-Брегу: Регионалната соработка е шанса за побрза интеграција во ЕУ

Првиот вицепремиер и министер за Политички Систем и Односи меѓу Заедниците, г.Артан Груби денеска оствари средба со генералната секретарка на Советот за Регионална Соработка, г-ѓа Мајлинда Брегу.

Груби и посака на Грегу успешно да ја реализира регионалната соработка во Југоисточна Европа, нагласувајќи дека ја цени нејзината улога.

За време на состанокот со Брегу, првиот вицепремиер Груби разговараше и за состојбата во земјата но и регионот, како и за унапредувањето на добрососедските односи, во кој случај како пример го зеде договорите што ги постигна Република Македонија со Бугарија и Грција.

Генералната секретарка г-ѓа Мајлинда Брегу му пренесе на првиот вицепремиер Груби дека во фокусот на активностите на Советот за Регионална Соработка е важноста на меѓусебната поврзаност на регионот и потребата за интеграција на економиите на заеднички пазар и истакна дека Советот е подготвен да им помогне на земјите од Југоисточна Европа во процесот на европска интеграција.

Груби и Брегу се согласија дека регионалната соработка е од суштинско значење во однос на интеграцијата на земјата во Европската Унија. И двајцата соговорници оценија дека се потребни додатни резултати во овој план, што е важен предуслов за стабилноста и напредокот на регионот.

Кабинет на првиот вицепремиер и министер за Политички Систем и Односи меѓу Заедниците

„Стоп за Русино" и Таравари во четвртокот на средба со министерот за екологија Нуредини

Гостиварскиот градоначалник, Арбен Тараври попладнево се сретна со претставниците на граѓанската иницијатива „Стоп Русино – чист воздух во Гостивар. 

Откако ги слушна нивните барања, Таравари нагласи дека и тој ги поддржува, прво како граѓанин на Гостивар, а потоа како градоначалник.

На нивното последно барање за средба со министерот за животна средина, Насер Нуредини, таткото на градот во телефонски разговор со министерот, закажа состанок за четврток со почеток во 9:30 часот во Скопје. Екоактивистите очекуваат од средбата со министерот Нуредини, на која ќе учествува и Таравари, да се преземат активности за пронаоѓање на друга локација и конечно решение за „Русино".

На крајот од состанокот, Таравари исто така вети дека утре ќе учествува на протестот на „Стоп Русино" со почеток во 17 часот, бидејќи, како што рече, тој е против оваа депонија да остане во Гостивар. Истата поддршка ја доби иницијативата од претставници на политичките партии во Гостивар. Инаку, иницијативата од саботата минатата недела, го блокираше ЈП Комуналец да депонира смет во „Русино". /МИА

притисни ентер