Николовски: Ние сме шампиони во регионот на рекордна искористеност на европските средства од ИПАРД програмата

Генералниот секретар на СДСМ, Љупчо Николовски денеска беше во посета на Прилеп, прилепскиот регион и Кривогаштани каде што се сретна со граѓаните на оваа општина но и со земјоделците од овој крај.

Тој истакна дека досега потпишаните 1.480 договори во висина од околу 32 милиони евра се потврда дека земјоделството ни е на прав пат. Како и дека нашата држава е пример во регионот како треба да се користат средствата од ИПАРД програмата. За тоа потврдуваат голем број компании кои ги користат средствата од оваа програма како голема поддршка за нивниот бизнис.

Во изјава за медиумите во Прилеп тој посочи дека изминатиот период беа остварени бројни средби на територија на целата држава, средби на кои можеа да се слушнат вистинските потреби, сугестии и предлози од страна на граѓаните и земјоделците во однос на земјоделството. Овие средби ги  посочи како навистина продуктивни и потребни , а се во насока на нивни интерес.

Тој посочи дека решавањето на статусот на стечајните работници, растот на минималната плата, субвенционирањето на придонесите за плати, растот на платите во низа сектори се дел од законските решенија кои се донесоа и реализираа, а директни придобивки имаат граѓаните. Концептот парите назад кај граѓаните продолжува и во иднина-истакна Николовски.

Ова е првпат нашата држава да не плаќа пенали за неискористување на средствата од ИПАРД програмата и можам да кажам дека сме шампиони во регионот на рекордна искористеност на европските сретства.-истакна Николовски.

Владата предводена од СДСМ изминатиот период покажа дека вистински се грижи за сите граѓани и стои на зборот. Ако зборуваме за тутунопроизводителите можеме да кажеме дека она што го ветивме го исполнивме . Па така во 2016 година ветеното зголемување на субвенциите се реализираше уште со првата реколта. За првата класа 80 денари, за втората 70 денари и за трета 60 денари- посочи Николовски.

Тутунопроизводството е стратешка гранка од која имаме 100 милиони девизен прилив, а го работат над 33 илјади семејства во државата, затоа продолжуваме и понатаму со поддршка на оваа гранка. Денес имаме историски највисоки цени на тутунот ,ако споредиме со 2014 година кога беше 118 денари, па во 2015 година 185 денари, а денеска за само 3 години имаме просечна цена од 221,5 денари.

Продолжуваме и понатаму со поддршката на оваа но и останатите земјоделски гранки, таму каде што е потребно. Со СДСМ земјоделството е на прав пат!, се наведува во соопштението на СДСМ.

Во подморница близу брегот на Панама се запленети пет тони кокаин

Пет тони кокаин се запленети на подморница во панамските води, соопшти денеска Панамската поморска служба (Сенан).

Четворица Колумбијци се уапсени во операција на 300 километри северо-западно од градот Панама, на брегот на Карибите во провинцијата Бокас дел Торо, која граничи со Костарика.

Рачно изработената полу-подморница е првиот брод од ваков вид и со тој капацитет за пренесување дрога што е откриен во Панама, изјави државниот јавен обвинител на Панама.

Панама, сместена среде рутата за шверц  од Колумбија до Соединетите држави, минатата година забележала рекордна заплена на дрога од 91 тон, 77,9 тони кокаин и 12,9 тони марихуана, тврди обвинителот.

Во саботата властите во Костарика заплениле 5,8 тони кокаин сокриени во пратки цвеќе спакувани за извоз во Холандија.

Пукотници во близина на универзитет во САД : Најмалку четворица застрелани во Филаделфија

Најмалку четири лица се застрелани попладнево во Северна Филаделфија, област на градот Филаделфија, соопшти полицијата, пренесува „Индипендент“.

Пукањето се случило во близина на главниот кампус на Универзитетот Темпл, на крстосницата на 11-та улица и улицата Томпсон.

Повредените се на возраст од 19 до 25 години , а 19- годишната девојка е во критична состојба со повреди на главата. Блиското основно училиште е затворено. 

Полицијата ја блокира областа. Дупки од куршуми може да се видат на паркираните возила.Мотивот за напаѓачот е непознат и сè уште нема извештаи за сосотојбата на повредените кои се пренесени во локалната болница.

Не е познато ниту дали е приведен напаѓачот и кои биле неговите мотиви.

Макрон нема да дозволи имами и други верски учители од странство да држат настава во Франција

Францускиот претседател Емануел Макрон изјави дека ќе ја ограничи практиката на другите земји да испраќаат имами и други верски учители во Франција, со цел да се запре она што го нарече „сепаратизам“.

На помалку од еден месец до локалните избори, Макрон изјави дека постепено ќе го ограничи системот со кој Алжир, Мароко и Турција испраќаат имами во Франција да проповедаат во џамии и додаде дека тој постигнал договор со тие земји, освен со Турција .

„Нема да дозволам ниту една земја да нè храни со сепаратизам“, рече Макрон на прес-конференција во Мулхаус, на истокот од земјата.

Тој истакна дека прекинувањето на исламскиот наставен систем е исклучително важно за да се ограничи странското влијание и да се осигура дека сите ги почитуваат законите на републиката.

Тој рече дека овие земји испраќаат 300 имами годишно во Франција и најави дека оние што пристигнуваат годинава ќе бидат последните што влегуваат во земјата. Тој рече дека неговата влада побарала институцијата што го претставува исламот во Франција да најде можност имамите да бидат обучени на француска територија, да се осигура дека зборуваат француски и да не шират исламистички идеи.

Макрон, кој постојано беше критикуван од екстремно десничарскиот лидер Марин Ле Пен за интеграција на француските муслимани, најави дека ќе ја укине практиката на предавање француски платени верски учители на странски студенти.

Досега, францускиот претседател не се осврна на прашања поврзани со муслиманската заедница во Франција, која е најголема во Европа, но се фокусираше на економските прашања.

Франција последниве години постојано е на мета на исламските сепаратисти. Во ноември 2015 година, во координиран напад во театарот Батаклан и на други места во Париз, загинаа 130 лица,што е најсмртоносниот напад во Франција по Втората светска војна.

притисни ентер