Шарл Мишел во посета на Македонија

Судбината на Македонија е европска, порача претседателот на Европскиот совет, Шарл Мишел на заедничката прес конференција со Претседателот Пендаровски. Official facebook: https://www.facebook.com/Kanal5Televizija/ Web: http://kanal5.mk/ Copyright: OnAir Media Group

Десетици загинаа,меѓу кои и осум деца во уривање на зграда во Индија (ВИДЕО)

За време на уривањето на трикатна зграда во западна Индија, загинаа 39 лица, објавија денеска властите, додека се помалку се надеваат дека има преживеани.

Спасувачките екипи од Националните сили за катастрофи досега успеаја да спасат 20 преживеани под урнатините на трикатната зграда во Биванди, близу Мумбаи. Екипи со помош на куче трагач извлекоа 39 тела од урнатините на зградата што се урнала пред зори во понеделникот, изјави за новинарите портпаролот на службата за спасување.

„Пет лица сè уште се водат за исчезнати и потрагата продолжува“, изјави нивниот командант.

Еден од локалните официјални лица прецизираше дека меѓу загинатите има најмалку осум деца.

Причините за катастрофата сè уште не се познати. Во Индија, уривањата на зградите се релативно чести меѓу јуни и септември за време на сезоната на монсуни, бидејќи обилните врнежи од дожд ги ослабуваат темелите.

Денеска обилните врнежи од дожд во текот на ноќта во регионот предизвикаа бројни одложувања на возовите во Мумбаи. Градските власти прогласија неработен ден и ги советуваат жителите да не излегуваат надвор поради поплавите и отежнатиот сообраќај во некои делови од финансискиот главен град на земјата.

Кремљ:Му посакуваме на Навални добредојде во Русија

Портпаролот на рускиот претседател Владимир Путин денеска изјави дека опозицискиот политичар Алексеј Навални може да се врати во Русија како и секој друг граѓанин, откако беше пуштен од болницата во Германија.

Минатата недела 44-годишниот критичар на владата на Владимир Путин се онесвести во авион над Сибир. Потоа бил префрлен од Русија во Берлин, а германската влада соопшти дека тестовите обработени во Германија, Франција и Шведска покажале дека тој бил отруен од нервен агенс добиен во Советскиот Сојуз.

Портпаролот на Кремљ, Дмитриј Песков, денеска изјави дека Кремљ е среќен што Навални се опоравува и е пуштен од болницата.

Навални на Инстаграм објави фотографија на клупа во парк откако беше пуштен од болница. Тој рече дека планира да оди на физиотерапија секој ден и ќе посетува центар за рехабилитација за да ги врати своите моторни вештини, вклучително и функционална употреба на левата рака.

Во својата објава, Навални напиша дека учи да си ја врати рамнотежата стоејќи на едната нога и им се заблагодари на лекарите од болницата Шарита во Берлин, каде што се лекуваше.

Работна средба на директорките на Службен весник и Академијата за судии и јавни обвинители

Директорката на Јавното претпријатие „Службен весник на РМ" Татијана Лалчевска оствари средба со директорката на Академијата за судии и јавни обвинители Наташа Габер – Дамјановска.

Повод за средбата е учеството на Јавното претпријатие „Службен весник на РМ" на обуката на Vii-та генерација слушатели на Академијата, и презентација на електронската база на прописите на севкупното законодавство во РМ што ја организира и ажурира ова претпријатие.

-Двете дикреторки дискутираа за условите и можностите околу подобрувањето на функционалноста на матичните институции, како и за меѓусебното надополнување во интерес на што поквалитетно организирање и следење на националното законодавство на безбеден и подостапен начин, се наведува воп соопштението од ЈП „Службен весник на РМ".

Пред идните судии и јавни обвинители, како идни носители на правосудната власт, ЈП „Службен весник на РСМ" ја презентираше својата услуга, електронската база на прописите на севкупното законодавство како алатка за секојдневно безбедно и брзо пребарување на сите прописи, а во која со секоја измена, се изработуваат и редакциски пречистени текстови на закони.

Работната средба, како што е наведено во соопштението, остави можности за понатамошна соработка, во рамките на потребите и иновативностите кои, како што се договорија, заедно ќе ги следат и меѓусебно ќе се информираат.

-Во најава е и нов оглас на Академијата, кој треба да се објави во службеното гласило, со кој ќе се отворат нови можности за пополнување со нови кадри во правосудниот систем, се додава во соопштението од ЈП „Службен весник на РМ"./МИА

притисни ентер