Трансродна Јутјуберска ѕвезда: Ми се закануваа дека ќе ја откријат мојата тајна (ВИДЕО)

Ники де Џегер, ѕвезда на ЈуТјуб која пред неколку дена им откри на своите следбеници дека е родена како маж, беше во шоуто на Елен Деџенерис и зборуваше за нејзината транзиција.

Таа откри дека веќе некое време примала пораки од некој што ја уценува со оваа информација и дека конечно решила сама да признае во видеото на „ЈуТјуб“ кое било гледано повеќе од 31 милиони пати за само неколку дена.

"Добив е-пошта со закани дека ќе им ја откријат тајната во медиумите, ми велеа дека лажам и дека сите ќе дознаат. Јас направив видео и не можев да верувам што се случува. Тоа сеуште е чувствителна работа", раскажува Ники , која вели дека нејзиниот вереник и мајка и се најголема поддршка.

Транзицијата од машко, како што вели, започнала на 14 години, а до периодот кога имала 19 години, таа веќе била девојка.

Сноуден негира дека на Трамповата администрација ќе и даде пет милиони долари

Тој на својот Твитер налог наведува дека „Си-Ен-Ен“ погрешно ја пренел информацијата.

Едвард Сноуден, некогашниот припадник на Агенцијата за национална безбедност (НСА), негира дека со согласил петте милиони долари кои ги заработил од продажбата на автобиографската книга и говорите кои ги држел по светот да и ги предаде на американската влада.

Тој на својот Твитер налог наведе дека „Си-Ен-Ен“ погрешно ја пренел информацијата и дека насловот на текстот би требало да биде „САД би можеле да заработат до 5 милиони долари со помилувањето на Сноуден“.

-Под А, тоа не е договор, јас со тоа не сум се согласил. Под Б, пресуда во овој случај не може да се изврши додека сум во егзил, но и онака никогаш не сум имал толку пари, напиша Сноуден.

„Си-Ен-Ен“ вчера објави дека, според договорот на Сноуден и администарацијата на Трамп, парите ќе бидат зачувани во посебен фонд.

Сноуден минатата година објави книга со наслов „Трајно забележано“ и со тоа го прекршил договорот кој го склучил со ЦИА и НСА.

Во книгата од која заработил повеќе од милион долари, открива како владата на САД направила систем за масовен надзор.

Средба Џафери-ДУЦОР „Партенија Зографски”

Сè што зависи од човечки фактор е решливо.

По повод Светскиот ден на знаковниот јазик, претседателот на Собранието на Република Македонија Талат Џафери, прими претставници на учениците и наставниците од училиштето за средно стручно образование за деца со оштетен слух, ДУЦОР “Партенија Зографски”.

На средбата претседателот Џафери истакна дека, доколку се има храброст, сила, борбеност и поддршка од околината, нема невозможни нешта во животот. Собранието секогаш има и ќе има отворени врати за сите граѓани, за нивните идеи и иницијативи кои треба да се преточат во закони и на тој начин да се надминат постојните пречки. Тој истакна дека, ниедна пречка не е преголема и дека ниеден проблем не е нерешлив, доколку истиот зависи од човечки фактор.

Професорката Викторија Волак, му се заблагодари на претседателот Џафери за неговата отвореност, непосредност и едноставноста на процедурите за остварување на оваа средба, како и за искажаната волја да се решаваат проблемите на кои наидуваат.

Претседателот им посака на учениците да не престануваат да истражуваат нови хоризонти на знаење, да постигнат врв во своите професионални кариери и следната средба да биде еднакво пријатна, но побројна.

Левица: Поднесени осум тужби против Собранието на РМ

Левица поднесе осум тужби против Собранието на РМ

Политичката партија Левица и нашите двајца пратеници во Собранието на Република Македонија, во законски предвидениот рок од 30 дена, поднесоа осум поединечни тужби пред Управниот суд против Собранието на РМ, како јавен орган, за поведување управен спор заради непочитување на процедурата за верификација на мандатите на следниве осум пратеници: Бедри Фазли и Фисниќе Бектеши Шаќири од ДУИ, и Драгица Ѓавочанова, Зеќир Рамчиловиќ, Белкиса Зеќири, Славјанка Петровска, Снежана Калеска Ванчева и Мирослав Богдановски од владејачката коалиција „Можеме“.

Тужбите, со кои се бара поништување на овие спорни поединечни управни акти и враќање одново на процедурата за верификација, се поднесени врз освнова на чл. 3, ст. 1, ал. 4–5, а во врска со чл. 4, ст. 1, ал. 1 од Законот за управните спорови (2019), а како причина за утужувањето се наведени и документирани апсолутно суштествени и неотстранливи процесни повреди на постапката – т.е. бидејќи во постапката која му претходеше на носењето на актите флагрантно се прекрши процедурата за верификација на мандатот на нов пратеник за остаток од мандатот, кој доаѓа на местото на друг пратеник од истата кандидатска листа и воопшто не се постапи според правилата на постапката кои се детално регулирани со закон и со Деловникот на Собранието.

Во прилог на оваа наша теза, дека има неотстранливи „грешки во чекори“ во процедурата, говори и фактот што самото Собрание на РМ, по нашите процедурални интервенции на пленарната седница, си ја увиде својата флагрантна грешка и повреда на чл. 17 од Деловникот, па после првата спорна тура на вакви осум контроверзни верификации, веќе во следните два идентични случаја на верификација на остаток на мандат (на пратениците Емилија Рамбабова и Диме Велковски) – го поправи своето недопустливо однесување, доставувајќи не коректен Извештај од непостоечката Верификациона комисија, туку од надлежната Комисија за деловнички и мандатно-имунитетни прашања – што, пак, доведува до еклатантна повреда на уставното начело на владеење на правото и правната сигурност, затоа што за една иста пропишана фактичка и правна ситуација недозволиво се воведува различна парламентарна пракса, т.е. два сосема различни механизми на верификација.

притисни ентер