Забрзан протокот на патници и стока на граничниот премин Станке Лисичково

Забрзан протокот на патници и стока на граничниот премин Станке Лисичково кон Бугарија кај Делчево. 

Од граничните служби потврдија дека ова е резултат на подобрената контрола и поефикасното делување на службите од двете страни на границата.

-За време на празниците по Нова година имавме мали проблеми во однос на времето на задржување на граничниот премин, поради што на моменти моравме да преземеме заеднички мерки за поефикасно справување со проблемот. Во изминатите 10 дена ова се покажа како добра пракса, на задоволство на туристите кои преку граничниот премин Делчево ја посетуваат Република Бугарија, велат граничарите.

Потврда за кажаното беше и денешната слика на овој граничен премин каде целиот процес за проверка на личните документи траеше едвај пет минути.

– Се надеваме дека со скорешното најавување на проширување на граничниот премин од бугарска страна ќе се решат овие проблеми. Преминот е доста стар и конечно е дојдено време да се прошири. И за нас делчевци, но и за туристите кои поминуваат одовде тоа ќе биде од големо значење, велат возачи од Делчево.

Делчево и Благоевгард, кои се најблиските соседни градови од двете страни на границата, се причина секојдневно на граничниот премин Делчево – Станке Лисичково да поминуваат над 1.000 граѓани. Зголемена фреквенција во двата погранични градови има за викендите, денови кои жителите ги користат за шопинг, но и за еднодневни прошетки до блиското опкружување./МИА

Видео: Порие го нокаутираше „големиот“Мекрегор

Дастин Порие во УФЦ спектаклот во Абу Даби го нокаутираше големиот шампион Ирецот Колин Мекгергор.

Главната борба на вечерта заврши со иненадувачки нокаут на Конор Мегрегор.

Младиот Дастин стигна го голема победа со нокаут во втората рунда.

За Ирецот Мекгерор ова е првиот нокаут во кариерата во УФЦ.

Мечот започна со агресивни напади на популарниот „Ноториус“ Колин Мекгрегор со директи го напаѓаше Дастин, која пак беше подобар во клинч.

Порие во втората рунда изненади со еден десен директ по кој следеа серија удари од кои Мекгрегор не успеа да се врати во борба. Контроверзниот Мекгрегор на крајот спортски го прифати поразот и на му ја честиташе победата на Порие.

Намален бројот на активни случаи на заболени од Ковид-19, на инфективните одделенија има слобод

По големите регистрирани бројки на заболени со Ковид-19, во последниот период полека се стабилизира состојбата со епидемијата во земјава, за што е показател намалениот број на активни случаи. 

Во текот на последнава недела за над 3000 е намален бројот на активни случаи.

Од Министерството за здравсто посочија дека бројот на хоспитализирани лица постојано се менува, но истакнаа дека на инфективните одделенија има слободни кревети.

Според последните податоци, вкупно 274 лица сомнителни и потврдени за КОВИД -19 се лекуваат на инфективните оддели во Скопје.

– Во моментов на Кожната клиника во ковид центарот се лекуваат 18 пациенти, на Клиниката за неврологија 22 болни, а на Институтот за ТБЦ се примени вкупно 22 пациенти со симтоми на корона вирусот, во ковид центарот на Клиниката за нефрологија во моментов се сместени 20 пациенти. На Клиниката за Гастроентерохепатологија лежат 15 пациенти. Во ГОБ 8 Септември има вкупно 86 болни, а на Клиниката за инфективни болести лежат 79 пациенти, додека во Иститутот за белодробни заболувања кај деца Козле има 11 пациенти. Голем дел од пациентите се на кислородна поддршка, се наведува соопштението на МЗ.

Од Министерството за здравство наведоа дека според последните извештаи на болниците кои пристигнуваат кај нив на дневна основа, во болницата во Битола се хоспитализирани 32 пациенти позитивни и суспектни на КОВИД-19, во болницата во Штип се хоспитализирани 28 пациенти, на инфективното одделение во Тетово има 15 пациенти, во Велес се лекуваат 20 болни, а во Куманово 45 пациенти позитивни и суспектни на КОВИД 19, во ковид центарот во Охрид има хоспитализирано 40 пациенти, во Прилеп 29 во ковид центарот во Гостивар 17, а во Струга 16 болни. Во болницата во Струмица хоспитализирани се 21 пациенти, во Кочани 1 во Кичево 15, Кавадарци 17, во Гевгелија 3 лица, а во Дебар 11 позитивни и суспектни на корона вирусот.

– Вкупната бројка на пациенти позитивни и суспектни на корона вирусот кои се лекуваат на инфективните оддели во главниот град и во болниците низ земјава е 584 и има околу 590 празни болнички кревети во ковид центрите. Во тек на денот се прават и исписи на оздравени пациенти со што ќе се ослободат дополнителни легла, истакнаа од МЗ.

Од Министерството истакнаа дека бројот на приеми во изминативе денови е стабилен.

Сите инфективни одделенија имаат довод на кислород и можат да згрижат пациенти кои имат потреба од кислородна поддршка.

Вкупниот број на ковид-дијагностицирани во нашата земја од почетокот на епидемијата изнесува 90471, оздравени пациенти се 76423, починати 2779. Досега се направени 441134 тестирања на КОВИД-19

Прoменливо облачно, попладне врнежи од дожд, на планините од снег

Времето денеска претпладне ќе биде прoменливо облачно, попладне почнувајќи од запад со врнежи од дожд, на планините од снег. 

Во вечерните и ноќните часови врнежите ќе се прошират на секаде и ќе се интензивираат, особено во западните делови (над 25л/м2) каде на места ќе бидат поројни и проследени со повремено силен југозападен ветер.

Според УХМР, на планините снежната покривка значително ќе се зголеми, а поради ветерот ќе има услови за појава на снежни наноси. Минималната температура ќе биде во интервал од два до осум, а максималната ќе достигне од седум до 14 степени.

Во Скопје прoменливо облачно, кон крајот на денот и во текот на ноќта со врнежи од дожд кои повремено ќе бидат со умерен интензитет. Ќе дува умерен до засилен ветер од југоисточен правец. Минималната температура ќе се спушти до три, а максималната ќе достигне до 10 степени.

Во понеделник во текот на денот ќе преовладува сончево време со умерена облачност и со умерен до засилен југозападен ветер. Кон крајот на денот и во текот на ноќта ќе има врнежи од дожд, на планините од снег, пообилни во западните делови. Поради продор на студена воздушна маса врнежите ќе преминат во снег и на некои од повисоките места. Снежната покривка дополнително ќе се зголеми, а поради засилениот ветер ќе има услови за појава на снежни наноси.

Во вторник и среда ќе преовладува студено време со засилен северозападен ветер и со повремени врнежи претежно од снег.

притисни ентер