Ја подигна наградата за улогата во ,,Џокер” и во смокинг отиде на протест пред кланица (ВИДЕО)

Актерот  Хоакин Феникс е незапирлив оваа сезона, па по серијата признанија за неговата улога како Џокер во истоимениот филм , тој сега ја доби и наградата за најдобар актер од Американската асоцијација на филмски актери .

40-годишниот актер веднаш по церемонијата на доделување на наградите се обрати на настан што се чинеше дека му значи многу повеќе. Тој се приклучи на групата позната како „ Los Angeles Animal Save “ пред кланица, пренесува Унилад.

Хоакин и неговите пријатели дојдоа пред кланицата за да ги утешат животните подготвени да бидат заклани и да протестираат против бруталното постапување со животните.

Best villain on screen, best hero in life. Joaquin Phoenix came out to bear witness after winning the SAG Award for Best Male Actor. 📷 @bobbysud . . @laanimalsave pig vigil . . ‼️Visit our website for more information or starting your own group www.laanimalsave.org ‼️Text PIGS to 66866 to get vigil details weekly ‼️Get shirts, hoodies, tote bags, buttons and more at our weekly pig vigils! ‼️Questions? Email [email protected] ⚠️Wednesday pig vigils are with @animalalliancenetwork Please contact them for details ⚠️ #vegan #govegan #slaughterhouse #endspeciesism #animalrights #bekind #animallover #vegansofig #factoryfarming #activism #animalliberation #compassion #dinner #meat #mcdonalds #laanimalsave #thesavemovement #wakeupworld @thesavemovement

A post shared by Los Angeles Animal Save (@laanimalsave) on

„Повеќето луѓе не се ни запознаени со теророт и колењето во индустријата за месо и млечни производи. Сцените на среќни животни на фарма што ни ги прикажуваат на пакувањата со месо и во рестораните, сето тоа е лага “, рече Феникс.

Феникс е познато дека е вегетан веќе четири децении и не е изненадувачко неговото присуство на ова бдение заедно со активистите за правата на животните.

„Луѓето треба да ја дознаат вистината и наша обврска е да ја откриеме. Ние, кои бевме сведоци на вистинската состојба на нештата, ние имаме должност да ја откриеме. Затоа сум тука“, изјави Феникс.

Џин Дејвис, основач на Los Angeles Animal Save, рече дека актерот редовно присуствува на нивните бденија во Лос Анџелес и ги инспирира борците за правата на животните низ целиот свет.

„Ние сме многу благодарни на неговиот глас. Во секој агол на светот, активистите се сведоци на животни кои се осудени на колење и се обидуваат да ја разбудат јавноста, укажувајќи на овој масакр“, вели Џин.

Сноуден негира дека на Трамповата администрација ќе и даде пет милиони долари

Тој на својот Твитер налог наведува дека „Си-Ен-Ен“ погрешно ја пренел информацијата.

Едвард Сноуден, некогашниот припадник на Агенцијата за национална безбедност (НСА), негира дека со согласил петте милиони долари кои ги заработил од продажбата на автобиографската книга и говорите кои ги држел по светот да и ги предаде на американската влада.

Тој на својот Твитер налог наведе дека „Си-Ен-Ен“ погрешно ја пренел информацијата и дека насловот на текстот би требало да биде „САД би можеле да заработат до 5 милиони долари со помилувањето на Сноуден“.

-Под А, тоа не е договор, јас со тоа не сум се согласил. Под Б, пресуда во овој случај не може да се изврши додека сум во егзил, но и онака никогаш не сум имал толку пари, напиша Сноуден.

„Си-Ен-Ен“ вчера објави дека, според договорот на Сноуден и администарацијата на Трамп, парите ќе бидат зачувани во посебен фонд.

Сноуден минатата година објави книга со наслов „Трајно забележано“ и со тоа го прекршил договорот кој го склучил со ЦИА и НСА.

Во книгата од која заработил повеќе од милион долари, открива како владата на САД направила систем за масовен надзор.

Средба Џафери-ДУЦОР „Партенија Зографски”

Сè што зависи од човечки фактор е решливо.

По повод Светскиот ден на знаковниот јазик, претседателот на Собранието на Република Македонија Талат Џафери, прими претставници на учениците и наставниците од училиштето за средно стручно образование за деца со оштетен слух, ДУЦОР “Партенија Зографски”.

На средбата претседателот Џафери истакна дека, доколку се има храброст, сила, борбеност и поддршка од околината, нема невозможни нешта во животот. Собранието секогаш има и ќе има отворени врати за сите граѓани, за нивните идеи и иницијативи кои треба да се преточат во закони и на тој начин да се надминат постојните пречки. Тој истакна дека, ниедна пречка не е преголема и дека ниеден проблем не е нерешлив, доколку истиот зависи од човечки фактор.

Професорката Викторија Волак, му се заблагодари на претседателот Џафери за неговата отвореност, непосредност и едноставноста на процедурите за остварување на оваа средба, како и за искажаната волја да се решаваат проблемите на кои наидуваат.

Претседателот им посака на учениците да не престануваат да истражуваат нови хоризонти на знаење, да постигнат врв во своите професионални кариери и следната средба да биде еднакво пријатна, но побројна.

Левица: Поднесени осум тужби против Собранието на РМ

Левица поднесе осум тужби против Собранието на РМ

Политичката партија Левица и нашите двајца пратеници во Собранието на Република Македонија, во законски предвидениот рок од 30 дена, поднесоа осум поединечни тужби пред Управниот суд против Собранието на РМ, како јавен орган, за поведување управен спор заради непочитување на процедурата за верификација на мандатите на следниве осум пратеници: Бедри Фазли и Фисниќе Бектеши Шаќири од ДУИ, и Драгица Ѓавочанова, Зеќир Рамчиловиќ, Белкиса Зеќири, Славјанка Петровска, Снежана Калеска Ванчева и Мирослав Богдановски од владејачката коалиција „Можеме“.

Тужбите, со кои се бара поништување на овие спорни поединечни управни акти и враќање одново на процедурата за верификација, се поднесени врз освнова на чл. 3, ст. 1, ал. 4–5, а во врска со чл. 4, ст. 1, ал. 1 од Законот за управните спорови (2019), а како причина за утужувањето се наведени и документирани апсолутно суштествени и неотстранливи процесни повреди на постапката – т.е. бидејќи во постапката која му претходеше на носењето на актите флагрантно се прекрши процедурата за верификација на мандатот на нов пратеник за остаток од мандатот, кој доаѓа на местото на друг пратеник од истата кандидатска листа и воопшто не се постапи според правилата на постапката кои се детално регулирани со закон и со Деловникот на Собранието.

Во прилог на оваа наша теза, дека има неотстранливи „грешки во чекори“ во процедурата, говори и фактот што самото Собрание на РМ, по нашите процедурални интервенции на пленарната седница, си ја увиде својата флагрантна грешка и повреда на чл. 17 од Деловникот, па после првата спорна тура на вакви осум контроверзни верификации, веќе во следните два идентични случаја на верификација на остаток на мандат (на пратениците Емилија Рамбабова и Диме Велковски) – го поправи своето недопустливо однесување, доставувајќи не коректен Извештај од непостоечката Верификациона комисија, туку од надлежната Комисија за деловнички и мандатно-имунитетни прашања – што, пак, доведува до еклатантна повреда на уставното начело на владеење на правото и правната сигурност, затоа што за една иста пропишана фактичка и правна ситуација недозволиво се воведува различна парламентарна пракса, т.е. два сосема различни механизми на верификација.

притисни ентер