Најмалку четири жртви во силното невреме во Шпанија (ВИДЕО)

Силното невреме  ,,Глорија”  го зафати поголемиот дел од источна Шпанија, а властите соопштија дека досега се забалежани четири смртни случаи.

Маж починал вчера во неговиот дом во шпанската провинција Авила, откако бил погоден од кровна плоча, што паднала поради невреме. Бездомник замрзнал во близина на Валенсија, маж загинал во сообраќајна несреќа среде снежна бура во регионот Астуриас, а друг маж е пронајден мртов пред неговиот дом во градот Моиксенте со знаци на хипотермија.

Шпанските метеоролози најавија ветришта со брзина  до 115 км на час и огромни бранови на брегот на Средоземното Море, објави Би-Би-Си.

Невремето ,,Глорија”  пристигна денеска во регионот Пиринеј-Ориенталс, најјужниот медитерански регион на Франција, познат и како Северна Каталонија. Десетици дополнителни полицајци и пожарникари се распоредени низ целата област. Како претпазливост, автопатот А9 од француската страна на границата е затворен.

Глорија е најголемото невреме што го погоди овој регион од декември 1982 година.

притисни ентер