„Сестрите Прозорови" – прва годинашна премиера на Велешкиот театар

Театарот „Јордан Хаџи Константинов-Џинот" во Велес в среда (22 јануари) од 20 часот премиерно ќе ја изведе претставата „Сестрите Прозорови" според романот  „Три сестри" од  Чехов и документаристички материјали и авторски текстови. 

Адаптацијата и драматургијата се на Сашо Димоски, а режијата на Васил Зафирчев.

„Сестрите Прозорови" е прва премиера на Велешкиот театар за сезоната 2020 која театарот ја реализира од сопствени средства. Станува збор за коавторски проект на Сашо Димоски и Васил Зафирчев, во кој улогите ги толкуваат Кети Борисовска, Маја Љутков, Славица Манаскова, Жарко Спасовски и Фаик Мефаилоски. Костимограф на претставата е Раде Василев, а автор на плакатот и рекламниот материјал е Филип Коруновски.

–Ништо во оваа претстава не реферира на пиесата на Антон Чехов „Три сестри" на која упатува насловот, освен најголемиот дел од текстот за изведбата. Во оваа претстава, трите Чехови сестри, Олга, Маша и Ирина Прозорови, не се драмски ликови. Трагични се. Исчашени се од зглобот, од нивната природна драмска зададеност и создадени се нови ликови што и натаму го имаат драмскиот квалитет на Чехов – само се обоени со трагична гама и се поставени во нов, фрагментиран систем од односи, чија целина е постигната преку документаристичка рамка. Нивната безнадежност, која гласно нѐ засега, доведена е до екстрем, засегнувајќи го личниот опстанок. За ваквиот опстанок, опстанок среде безнадежност, е создадена оваа претстава, појаснија авторите на претставата.

Како што информираат од театарот, претставата трае 65 минути и не е за лица под 14 години, а поради трепкачки ефекти во светлосниот дизајн не се препорачува за лица со епилепсија.

Претставата е за малобројна публика, 70 гледачи, кои ќе бидат заедно со актерите на големата сцена. Првата реприза на претставата „Сестрите Прозорови" е закажана за 30 јануари.

Црна Гора: Тестирани 790, заразени 235 лица, починале тројца

Во Црна Гора во последните 24 часа се потврдени 235 нови случаи на заразени со Ковид-19 меѓи 790 тестирани примероци, додека од последиците на Ковид-19 починале три лица.

Вкупниот број на активни случаи во Црна Гора во овој момент изнесува 3671, а во последните 24 часа се излекувале 191 пациент.

Од почетокот на пандемијата во Црна Гора од последиците на Ковид-19 починале 158 пациенти, од почетокот на јуни 149.

По последните пријавени податоци, вкупниот број на лица заразени со коронавирус во Црна Гора е зголемен на вкупно 10.197, пренесе „Вјести“.

МВР: Приведен разбојник од Арачиново

Полициски службеници од Единицата за внатрешни работи Центар при СВР Скопје, по претходни сознанија за сторени повеќе кривични дела на подрачјето на ЕВР Центар, денеска (26.09) го приведоа С.Ф. (22) од с. Арачиново, скопско.

Тој заедно со уште едно лице, во периодот од март до август оваа година извршил четири кривични дела: две разбојништва, едно разбојништво во обид и една тешка кражба на дрзок начин, стои во соопштението од МВР.

МД „Илинден" го честита Eвропскиот ден на јазиците – мајчиниот јазик е најголемо обележје на националниот идентитет

 Сакаме да го истакнеме значењето на образованието на мајчиниот јазик.

Македонско друштво „Илинден"-Тирана по повод одбележувањето на 26 септември, Ден на европските јазици, упати честитка до сите Македонци каде и да се, со порака да го зачуваат мајчиниот јазик, бидејќи, како што посочуваат, тоа е најголемото обележје на националниот идентитет, но и да научат и други јазици, затоа што тоа е алатка за стекнување поголемо меѓукултурно разбирање.

– Сакаме да го истакнеме значењето на образованието на мајчиниот јазик, бидејќи тоа е најважниот сегмент во негувањето на основните обележја на еден народ. Знаењето и негувањето на мајчиниот јазик за децата значи и јакнење и зачувување на националниот и културен идентитет, стои во честитката на Друштвото.

Се додава дека важноста на јазичната разновидност и повеќејазичноста е нагласена на Европскиот ден на јазиците, кој секоја година се слави со разни настани на 26 септември, по иницијатива на Советот на Европа од 2002 година. Од Друштвото посочуваат дека јазичната разновидност е алатка за стекнување поголемо меѓукултурно разбирање и важен дел од богатото наследство на европскиот континент.

И по повод овој ден Друштвото потсетува дека за жал и во 21 век Македонците во Албанија не може да се образуваат на мајчиниот јазик.

– И покрај континураните барања во изминатите три децении од падот на тоталитарниот режим да се овозможи настава на мајчин македонски јазик, сите досегашни албански власти остануваат глуви и слепи на реалноста. Освен за децата во Пустец иако и таму нецелосно, настава на македонски јазик нема ниту во Гора, ниту во Голо Брдо, каде настава на македонски имало до педесеттите години од минатиот век, а да не зборуваме за Тирана, Елбасан и други градови каде што живеат илјадници Македонци, забележува друштвото „Илинден". /МИА

притисни ентер