Трамп го откри адвокатскиот тим што ќе го брани на судењето пред Сенатот

Претседателот на САД, Доналд Трамп, ќе биде застапуван следната недела во Сенатот на судењето за отповикување од тим на адвокати.

Меѓу адвокатите на Трамп е и поранешниот адвокат на О.Џ. Симпсон , Алан Дершовиц и специјалниот обвинител за процесот на отповикување на поранешниот претседател Бил Клинтон, Кен Стар.

Дершовиц (81) со децении е добро позната личност во американските правни кругови. Професорот од Харвард успешно го бранеше О.Џ. Симпсон, кој беше обвинет за убиство на сопругата и нејзината пријателка и за одбрана на финансиерот Џефри Епштајн под обвинение за сексуален напад.

Кен Стар е поранешен независен советник чија истрага го отвори патот за процесот на отповикување на Бил Клинтон во 1998 година. Во тоа време, Претставничкиот дом гласаше за повлекување, но беше ослободен од Сенатот по аферата на Клинтон со стажистката во Белата куќа,  Моника Левински.

Стар мораше да ја напушти функцијата претседател на универзитетот Бајлор, по истрагата што покажа дека овој универзитет неправилно го водел случајот за силување против еден од спортистите. Подоцна поднесе оставка и како професор по право на универзитетот.

Тимот на Трамп ќе биде предводен од советникот на Белата куќа, Пат Циполоне и личниот адвокат на Трамп, Џеј Секулоу.

Циполоне остро го бранеше претседателот за време на истрагата за отповикување и одби да ги достави документите и да им дозволи на сведоците да зборуваат , како што бараше Конгресот.

Секулоу ќе и помогне на одбраната како приватен адвокат на Доналд Трамп.

Воведните зборови во Сенатот се очекува да почнат во вторник.

Холандија децидна – на страната на Македонија сме да ги почне преговорите

Новата методологија за проширување е главна тема на состанокот во Брисел на министрите за надворешни работи на Европската Унија...

Холандија го кристализира ставот - зелено светло за Македонија, скептичност за Албанија. Министерот за надворешни работи, Стеф Блок по денешниот Совет за општи работи во Брисел порача дека Хаг дава поддршка за земјава да ги почне преговорите, но вели дека за консензус од сите 27 земји членки е прерано да се зборува. Според Блок, клучно е Македонија да добие позитивен извештај за напредокот за 10-ина дена.

-Новата методологија за нас е разумна, но се уште не сме разговарале за почеток на преговори. Прво сакаме да го видиме новиот извештај на Комисијата, кој мора да покаже јасен напредок. За двете земји нема асполутно зелено светло. А кога би имало? Кога ќе ги исполнат критериумите. Северна Македонија, како што сум посочил и претходно, веќе направи значително подобрување. Затоа Холандија веќе е на нивна страна, но за Албанија би сакале поголем прогрес. , изјави Стеф Блок, министер за надворешни работи на Холандија

За шефот на романската дипломатија пак, новата методологија не смее да биде алиби за пролонгирање на почетокот на преговорите.

-Ја поддржуваме одлуката за што е можно поскоро отворање на преговорите со Албанија и Северна Македонија. Можеме да ја направиме оваа методологија поефикасна, но единствен услов е таа да не ги блокира или одложи тековните процеси, посебно со Северна Македонија и Албанија, изјави Богдан Ауреску, министер за надворешни работи на Романија

Извешатите за напредокот на Македонија и Албанија во скратена форма се очекува да бидат објавени кон почетокот на март, а првиот тест за евентуален датум за преговори двете земји ќе го имаат на  Европскиот Совет на 27 ми март. Главниот предизвик и натаму останува прашањето дали Македонија може да извиси поради пакетот со Албанија, со оглед дека клучните земји членки се скептични кон Тирана, а во исто време, не отстапуваат од позицијата за можно раздвојување на двете земји.

Вело настан и едукација за најмладите од Карпош

Во основното училиште „Петар Поп Арсов“, во Карпош 4, денеска учениците организираа велосипедска трка, возеа по полигон и учеа за придобивките од користењето на ова алтернативно превозно средство.

Едукација на најмладите за зголемено користење на велосипедот, интерактивни работилници, вело трки и организација на велосипедски настани, се само дел од активностите кои ќе се реализираат во соработка меѓу Општина Карпош и Здружението на граѓани „Еко – логик“, чии претставници денеска потпишаа и меморандум за продлабочување на соработката.

Во основното училиште „Петар Поп Арсов“, во Карпош 4, денеска учениците организираа велосипедска трка, возеа по полигон и учеа за придобивките од користењето на ова алтернативно превозно средство.

Градоначалникот Стефан Богоев истакна дека Општина Карпош го реализираше и јавниот повик за субвенционирање на купување на нов велосипед, а моментално, активен е повикот за субвенционирање при купувањето на електрични тротинети.

-Целта е повеќе да ги користиме алтернативните превозни средства. Уште од рана возраст, кај најмладите да создадеме навика за возење  велосипед.На овој начин влијаеме кон намалување на аерозагадувањето, како еден од главните наши проблеми, рече Богоев.

Никола Нешкоски од „Еко – логик“ посочи дека ќе работат со учениците велосипедот навистина да биде нивно основно превозно средство, односно да го користат секојдневно и за звршување на свои обврски, а не единствено како хоби активност.

Во училишниот двор учениците играа и меморија, а се организираше и бавна вело – трка, која имаше за цел да ги направи поодговорни учесници во сообраќајот, стои во соопштението од Општина Карпош.

Филипче: И второт тестиран пациент, негативен на корона вирус

Министерот за здравство Венко Филипче, во изјавата за медиуми истакна дека и вториот пациент е негативен на корона вирус, соопшти Министерството за здравство.. 

Се работи за лице кое по 6 дена престој во Дубаи пристигнало со лет во Скопје. Пациентот има инфлуенца тип Б.

Инфективното одделение во штипската болница ќе биде по потреба просторија за изолација, а не за карантинско лекување. Тројцата директори во Штип, Гостивар и Велес беа информирани и тие веќе имаат преземано соодветни чекори да се спремат одделенијата во таа насока. Има добра координација и добро испланирани однапред чекори по препорака на текот на вчерашниот ден на Комисијата за заразни болести.

Од вчера, Министерството за здравство во координација со Центарот за управување со кризи (ЦУК) и Владата на РСМ го подигна степенот на алертност на највисоко ниво и преземени се зајакнати мерки на претпазливост. На денешната владина седница донесени се повеќе заклучоци и препораки за превенција и заштита на јавното здравје и здравјето на граѓаните од корона вирусот.

На денешната владина седница утврдено е Министерството за здравство да формира постојан центар за информирање на јавноста во кој ќе бидат вклучени и Граничната полиција, Центарот за управување со кризи и Секторот за односи со јавноста во Владата. Со цел точно и навремено информирање на јавноста, Центарот тесно ќе соработува со медиумите. Апелираме до јавноста да се потпира само на официјалните информации издадени од Центарот.

„Упатувам апел сите да се придржуваат до официјалните информации коишто ќе произлезат од оваа група за менаџирање на овој проблем којашто е веќе формирана во МЗ. И тимот и јас лично сме на располагање 24 часа за да споделуваме вистински и точни информации“, изјави министерот Филипче.

Меѓу заклучоците на денешната владина седница и:

• Ограничување на влегувањето во земјата од кризните подрачја од Северна Италија само преку аеродромите во Скопје и Охрид и граничните премини Ќафасан, Табановце, Блаце, Богородица и Деве Баир;

• Итна набавка од страна на Министерството за здравство на соодветна количина заштитни средства (маски, ракавици, дезинфекциски средства и заштитна облека) за институциите од системот за Интегрирано гранично управување и за другите институции со цел заштита на персоналот;

• Итна набавка од страна на Министерството за здравство на соодветна количина сапун и дезинфекциски средства за училиштата, детските  градинки и јавните тоалети;

• Задолжително одложување на сите предвидени патувања и екскурзии во Италија за сите основни и средни  училишта и сите универзитети и организирање на едукативни часови за превенција од корона вирусот, во соработка со локалната самоуправа и центрите за јавно здравје;

• Препорака до граѓаните да не патуваат во Италија и во другите земји каде што е регистрирано поголемо присуство на корона вирусот;

• Препорака до установите за згрижување на деца од предучилишна возраст да преземат мерки за соодветен третман за дезинфекција на обувките при влегување во градинките.

притисни ентер