Кина со најниска стапка на наталитет во последните 70 години

Стапката на наталитет во Кина се спушти на најниско ниво од основањето на Народна Република пред 70 години, и покрај попуштањето на строгата политика на едно дете.

Во 2019 година имало 10,48 раѓања на илјада жители, најмалку од 1949 година, соопшти кинеското биро за статистика. Бројот на деца родени во 2019 година опадна за 580 илјади и изнесува 14,65 милиони.

Стапката на наталитет на Кина опаѓа со години, што е предизвик за втората по големина економија во светот.

Но, со помалку раѓања, смртноста е исто така помала, па кинеското население порасна на 1,4 милијарди луѓе минатата година.

Намалениот број на раѓања предизвикува загриженост за „демографската бомба“ затоа што намалениот број на работоспособни луѓе ќе мора да поддржи поголем број пензионери.

Стапката на наталитет на Кина е помала од стапката на наталитет на САД во 2017 година, кога последен пат е забележана, со 12 раѓања на илјада луѓе. Според Светска банка, во 2017 година глобалната стапка била 18,65 раѓања на илјада.

Во 1979 година, кинеската влада воведе политика на едно дете за спречување на растот на населението. Повреда на законот се казна за семејствата, со губење работа или со принуда жената да има абортус.

Но, мерката предизвика голема нерамнотежа на половите, па денес во Кина има 30 милиони повеќе мажи отколку жени. Во 2015 година, сепак, Пекинг им овозможи на семејствата да имаат две деца, но тоа не ја зголеми стапката на наталитет, објави Би-Би-Си.

Економијата на Кина порасна за 6,1 процент во 2019 година, што е најспоро во речиси 30 години, под притисок од трговската војна со САД, покажаа официјалните податоци.

И покрај тоа што ланскиот раст бил побавен отколку во 2018 година, кога активностите пораснаа за 6,6 проценти, тој сепак останал во рамките на целниот опсег на Владата од шест до 6,5 проценти, соопшти Бирото за статистика.

Кралицата Елизабета вработува лице да објавува слики на Инстаграм,платата е огромна

Британската кралица Елизабета вработува лице за работа на Инстаграм профилите на Бакингамската палата.

Огласот за работата од соништата е објавен на официјалната веб-страница на Кралското домаќинство, а конкурсот е отворен до 7 февруари оваа година. Кралицата ќе му плати 27.000 фунти годишно на лицето кое ќе објавува фотографии на Инстаграм, а новиот вработен ќе добие и бонуси.

Вработениот треба добро да внимава на деталите, да има креативен талент, одлични вештини за пишување, дигитална писменост и по можност факултетска диплома.

"Ниту два дена нема да бидат исти. И додека ги поддржувате другите, ќе имате огромни можности да ја напреднете својата кариера. Ќе бидете охрабрени да имате влијание во срцето на оваа позната институција", се вели во огласот.

Филипче по појавата на британскиот сој на коронавирусот: Нема простор за паника

Министерството за здравство соопшти дека денеска при анализа на податоци од позитивни ковид пациенти е откриен првиот случај на британскиот сој на коронавирусот во Македонија.

Денеска при анализа на податоци од позитивни ковид пациенти во месец јануари, во приватна лабораторија за генетика и перосонализирана медицина на клиниката Жан Митрев, кај еден примерок е детектирана мутација на британскиот сој на вирусот СарсКов 2.

Станува збор за 46 годишен маж кој веќе е оздравен, односно во базата на податоци на Инстистутот за јавно здравје пациентот од 22 јануари 2021 се води како оздравен.

Според информациите од ИЈЗ, пациентот првпат на 29 декември 2020 година, поради покачена температура и отежнато дишење, прави брз тест. Тестот е со позитивен резултат. По неколку дена, односно на 4 јануари 2021 година се јавува на преглед во приватната болница Жан Митрев каде му е направен ПЦР тест кој е позитивен, а пациентот е веднаш хоспитализиран во приватната болница. На 15 јануари во болницата му е направен уште еден тест кој повторно е позитивен.

Во епидемиолошката анкета пациетот нема пријавено контакти ниту пак навел дека патувал надвор од државата.

Лабараторијата во болницата Жан Митрев со посебна ПЦР метода е утврдено дека пациентот е суспектен на некоја мутација на вирусот, а потоа е направено секвенционирање на изолатот. Според информацијата која ја проследија до МЗ, сите мутации кои го дефинираат британскиот сој се утврдени кај изолатот од овој пациент. Кај останатите примероци кои се анализирани во приватната лабараторија не е детектиран британскиот сој на СарсКов2.

На таа тема во овие вести ја вклучуваме Јана Јосифоска, која одоговори ќе побара од министерот за здравство , Венко Филипче.

Министерот Филипче рече дека нема простор за паника по појавата на британскиот сој , но граѓаните задолжително да ги почитуваат мерките. МУтацијата може да се случи и од самиот вирус , така што не мора да биде увезен. Не е чудо мутацијата да настанала од самиот вирус, така што не мора некој да патува за да го добие британскиот сој на коронавирусот, вели министерот и нагласува дека мора да се почитуваат задолжителните мерки.

Езерото Треска сепак ќе преживее

Езерото Треска сепак ќе преживее...Градоначалникот Шилегов вели дека планот е ревитализација на просторот, а езерото ќе добиело и пречистителна станица...

Градоначалникот на Скопје, Петре Шилегов во предизборната кампања во 2017 година, вели дека не кажал дека комплексот Треска ќе се врати во градски раце, бидејќи не постоела формална моќ за таква постапка, туку дека ќе влезат во реализација на враќање на комплексот треска преку јавно-приватно партнерство. Според него, езерото не се уништува, туку се ревитализира просторот околу него, а езерото ќе добиело и пречистителна станица...

,,Вториот дел од планот кој што се уште не е донесен подразбира и изработка на една мала пречистителна станица, за да водите кои што ќе влегуваат во езерото бидат еколошки исправни и езерото да се стави во употреба.

И покрај нетранспарентноста на О.Сарај сепак во јавноста протекоа информации што содржи ДУП - от. Тој е поделен во четири блока, во нив ќе има простор за спорт и рекреација, а ќе се изградат и објекти за сместување, потврди градоначалникот Шилегов, кој побара од својот колега Блерим Беџети да биде потранспарентен во своите постапки. Општина Сарај на поголем отпор наиде на камперите во комплексот на кои им остана уште околу еден месец од ултиматумот за да ги дислоцираат приколките по мирен пат. Шилегов пак смета дека има место за сите.

Треба да се работи со граѓаните, треба на граѓаните да им се презентира пред било што да биде започнато, за да не дојде до такви збрки и моето лично мислење е дека сопствениците на приколки кој што таму се можеби повеќе децении, во целиот тој концепт може да се најде доволно простор да им се излезе во пресрет да дел од нив останат во рамки на тој простор...

И денеска општина Сарај не се одважи да сподели подетални информации околу тоа што се ќе никне околу езерото. Тие пред неколку недели најавија и јавна расправа, но истата се уште се чека, како што се чека и дали ќе помине барањето до влада за центарот да се пренамени во слободна туристичка зона.

притисни ентер