Девојка , УФЦ борец, има проблеми откако претепала крадец

Бразилката Полјана Вијана (27) ја презеде правдата во свои раце пред една година.

Додека чекала Убер пред нејзиниот дом во бразилскиот град Рио де Женеиро, маж вооружен со лажен пиштол и ’се приближил и се обидел да и го украде мобилниот телефон.

Крадецот не знаел дека Вијана е УФЦ борец , која со три удари го совладала . Девојката го држела крадецот се додека не пристигнала полицијата. Мажот прво бил однесен во болница, а потоа во полиција, а Вијана го пријавила целиот инцидент.

„Се сеќавам на сè. Беше како вчера“, изјави Вијана за Си-Ен-Ен. „Славата не траеше долго, а луѓето сè уште ме прашуваат за тоа“.

Медиумите ширум светот ја објавија пресметката на Вијана со нејзиниот напаѓач и приказната стана вирална сензација. Фотографии од страницата, на кои се гледа повредениот крадец, наводно направени од самата Вијана, се појавиле и на Инстаграм профилот на претседателот на УФЦ, Дане Вајт.

Вијана се обиде да го искористи вниманието на медиумите за да им испрати порака на другите жени, но доби критики. Некои тврдат дека нејзината постапка во ситуацијата не се препорачува. "Мислев дека е супер да им покажам на жените дека можам да се бранам, но добив многу критики. Ги игнорирав повеќето од критиките. Мојот живот беше во прашање и чувствувам дека сум ја направила вистинската работа. “, изјави девојката.

Полицискиот оддел во Рио де Женеиро конечно сега го класифицирале инцидентот како обид за грабеж.

„Гответе со Дракче“ - Кумановска салата

Во четврток (28.03.2024) во емисијата гостин ни беше Нино Величковски.

Состојки за денешниот рецепт:

3 црвени домати

1 свежа краставица

1 главица кромид

1 морков

2 лажици лупен сончоглед

100 гр. сирење

балсамико, масло за јадење, сол по вкус

Погледнете како се подготвува овој рецепт:

„Дубаи мол“ лани го посетиле рекордни 105 милиони луѓе

 Сопствениците на „Дубаи мол“ во Обединетите Арапски Емирати, сооопштија дека трговскиот центар лани го посетиле рекордни 105 милиони луѓе, што го прави најпосетуваното место во светот во 2023 година.

Така, трговскиот центар стана светска атракција, според управителите, привлекувајќи посетители од целиот свет. Управата наведува и дека е забележан скок од над 19 отсто во однос на 88 милиони во 2022 година. А пак, само во првите два месеци од оваа 2024 година, забележани се 20 милиони посетители, така што и годинава „Дубаи мол“ најверојатно ќе постави нов рекорди.

- Овие бројки го одразуваат импресивниот статус на трговскиот центар во Дубаи и го одразуваат напредното лидерство на Дубаи и силната економија. Нашиот трговски центар го отелотворува живиот дух на градот и посветеноста на извонредноста, претворајќи ја визијата на менаџментот во реалност. Како составен дел од економското ткиво на Дубаи, ние играме клучна улога во неговиот успех и иновативност, рече Мохамед Алабар, основач на компанијата „Емаар“ којашто управува со трговскиот центар.

„Дубаи мол“ има околу 1.200 продавници на познати брендови облека, обувки, модни додатоци, апарати за домаќинство итн, а тука се наоѓаат и околу 200 ресторани и кафулиња. Уште една причина за посетеноста е и аквариумот, каде што живеат 33.000 животни. /МИА

Куќен притвор од 48 часа за две лица поради убиството на лекарот во Железара

Куќен притвор во траење од 48 часа е определен за две од лицата кои беа задржани за убиството на докторот во скопската населба Железара, соопшти утринава Јавното обвинителство. 

Оттаму информираат дека ваква мерка е побарана со оглед на тоа што се уште се преземаат дејствија за обезбедување докази.

- Јавен обвинител од скопското Основно јавно обвинителство, синоќа до судијата на претходна постапка од Основниот кривичен суд Скопје, достави предлог за определување мерка краткотраен куќен притвор, во траење од 48 часа, за две од лицата кои беа задржани во врска со убиството на лекар во скопската населба Железара. Тоа, со оглед на тоа што сѐ уште се преземаат дејствија за обезбедување докази. Предлогот е прифатен и бараната мерка е определена, се вели во информацијата од Јавното обвинителство.

Техничкиот министер за внатрешни работи Панче Тошковски вчера изјави дека се приведени вкупно три лица поврзани со убиството на лекарот.

- Претресот е завршен во текот на доцните часови, се продолжува со други истражни дејствија, со цел да може да се утврди соодветно фактичка состојба, штом имаме дополнително нови информации, јавноста ќе биде благовремено известена, изјави Тошковски, при посетата на општина Босилово.

Шеесет и седумгодишниот лекар, минатата недела беше пронајден избоден до смрт во неговиот автомобил. Според првичните информации, мотивот за убиството не е поврзан со професијата на жртвата.

притисни ентер