Култура

Бигорски ги објави 10-те најзначајни настани во 2019 година

Познатото македонско древно светилиште Бигорски манастир ги објави десетте најзначајни настани во текот на 2019 година.

Првиот е замонашувањето на трите искушенички на манастирската слава во манастирот „Свети Георгиј Победоносец" во Рајчица.

– Живот рамноангелен, за слава на ангелите и пораз на демоните. Има ли поголема чест од тоа својот минлив краткотраен живот да го дадеш во залог за вечноста, служејќи му со љубов, предано и до крај на оној што претходно веќе го даде својот живот за сите нас. На таква чест се удостоија трите раички искушенички Мимоза, Флорина и Христина, кои полагајќи го заветот пред небесната и земната црква и стекнувајќи, преку раката на возљубениот ни владика, митрополитот дебарско-кичевски Тимотеј, благослов за живот во монашки подвиг, наведуваат од Бигорски, чиј метох е манастирот во Рајчица.

Друг настан е бигорското секојдневие низ монашката песна „Среде пустинската убост", песна што е своевиден приказ на монашкото секојдневие, составена од светогорски монах, што Бигорското братство успеа да ја преведе и да ја препее, создавајќи композиција што плени со прекрасните стихови што ја искажуваат длабочината на монашкиот живот, и со топлата архаична мелодија успешно го пренесува мистичниот амбиент во кој живее и се движи монахот.

Значаен настан е посетата на претседателот Стево Пендаровски во Бигорски, кој изјави дека „ако не ги почитуваме корените, нема да имаме иднина" и најави дека ќе биде покровител на одбележувањето на илјадагодишнината од основањето на Бигорскиот манастир.

– Во посета на Свештената бигорска обител беше претседателот на Република Северна Македонија, Стево Пендаровски, кој гостољубиво беше пречекан од старецот и игумен, архимандрит Партениј со братството. Посетата на благочестивиот претседател се должи на неговата лична желба одблиску да се запознае со целокупната мисија на Братството, во пресрет на илјадагодишнината од основањето на Бигорскиот манастир (1020 – 2020), на чијашто прослава покровител ќе биде токму тој, наведуваат од Бигорски.

Таворски блесок на врвот Крчин

Четврта година по ред како нашето братство од Бигорскиот манастир и нашите сестринства од манастирите на светиот Победоносец Георгиј и на Богомајката Пречиста, предводени од благословот на возљубениот ни старец, архимандрит Партениј, со најпосебна љубов и возвишени чувства отслужија Божествена литургија на врвот Голем Крчин (2.341 м). Повеќе од 600 верници – планинари, алпинисти, спортисти – притекнаа од сите страни на нашата земја за да се искачат на овој чудесен по својата убавина врв и таму, во пресрет на празникот Преображение Христово, да се сретнат со Добриот Бог, кој ги исполни нивните срца со двојна радост.

„Сега е свет и велик пост" – нов видеоспот за првата великопосна песна

Изминатиов период во Бигорскиот манастир беше изработен нов видеозапис, овојпат за великопосна каланда – стара византиска песна со која нашиот народ го најавувал великиот пост, а која носи наслов „Сега е свет и велик пост". Нејзината цел била да ги повика сите верни да земат учество во спасоносните великопосни денови.

Славната еордија – радост за Струга

Веќе 10 години, возобновената струшка еордија е благовесничка на радост и насекаде низ нашата земја го испраќа, во вид на зраци, благословот на св. Георгиј. На верните, што во сѐ поголем број доаѓаат на ова чудесно духовно доживување, таа им го дава одново блесокот на пасхалната радост.

Воскресение Христово – Света Пасха

Ден на воскресение, Пасха Господова, ден во кој „од смртта кон живот, и од земјата кон небото, Христос Бог нè преведе!" Се огласи громогласно радосната вест за победата над смртта, одекна пораката за надеж и живот. Се објави неисцрпната љубов на Бога, кој ги повикува смртните кон живот во полнота, ги приведува победоносно во светот на воскресението.

Изложба на носиии од Дебарско и Реканско

Изложба на носии на Мијаците од областите: Река, Азот и Железник, како и носии од Дебарско Поле, Голо Брдо, дебарски Дримкол и Горна Река. Станува збор за најстари носии, коишто хронолошки можат да се следат од 17 до 19 век.

Благодатта излеана од молитвите на свети Партениј ги освети темелите за новите конаци

Во чест кон светиот Партениј Лампсакиски се осветија темелите за новиот грандиозен комплекс што ќе биде подигнат на манастирскиот паркинг од страна на фирмата „Агноандика" и изведувачот Рединг ДООЕЛ Скопје, кои всушност ќе го изградат проектот на Виадукт Скопје.

Заблескаа крстовите на храмот на светите Кирил и Методиј

На самиот крај од светлото празненство на Светиот дух, во седмицата на светата Педесетница, предобриот Бог нѐ удостои со уште една небесна радост. Имено, со благословот на нашиот почитуван владика, митрополитот дебарско-кичевски г. Тимотеј, беа поставени крстовите на храмот на светите Кирил и Методиј, рамноапостолните отци наши, во нивниот скит во село Битуше. /МИА

Македонија

Утре променливо облачно со повремени врнежи од дожд

Времето утре ќе биде променливо облачно и посвежо со повремени врнежи од дожд, наместа пообилни и поројни, проследени со појава на грмежи и засилен ветер.

На повисоките планини врнежите ќе бидат од снег. Минималната температура ќе биде во интервал од 4 до 8, а максималната ќе достигне од 10 до 17 степени.

Во Скопје променливо облачно со повремени врнежи од дожд. Попладне во делови од котлината ќе биде нестабилно со пороен дожд, грмежи и засилен ветер. Минималната температура ќе се спушти до 8, а максималната ќе достигне до 13 степени.

Продолжува периодот на променливо облачно време со повремени локални врнежи од дожд. Утре и во вторник на повеќе места ќе има врнежи, кои повремено ќе бидат пообилни и поројни проследени со појава на грмежи и засилен ветер. Поради спуштање на постудена воздушна маса утре на планините врнежите повремено ќе преминуваат во снег и ќе се формира нова снежна покривка.

Македонија

Штип одбележува 42 години од смртта на Ацо Шопов

Во Штип денеска се одбележаа 42 години од смртта на македонскиот поет и револуционер, Ацо Шопов.

Делегации на Општинската организација (ОО) на Сојузот на борци на Македонија(СБМ), на Општина Штип, државни институции и политички партии положија цвеќе пред бистата на Ацо Шопов.

Петар Мицевски претседател на ОО на СБМ-Штип истакна дека Шопов е карактеристичен по тоа што бил изразит лиричар кој со своето творење го одбележува почетокот на субјективната, интимната лирика во современата македонска книжевност.

-Aцо Шопов учестувал во ослободувањето на младинската организација, држи разни предавања по градовите и селата, учествува во уредувањето на повеќе списанија, напердната литература: „Нов ден“, „Иднина“, „Современост“, „Хоризнот.“ Бил претседател на Друштвото на писателите во Македонија од неговото основање во 1947 година, рече Мицевски.

Карактеристично за него е дека и покрај тоа што бил врвен поет, академик, Шопов остава голем печат на современата македонска поезија.

-Ацо Шопов е учесник во НОБ од 1941 до 1945 година, и се наредува до врвот на борците кои ја водеа четири годишната, кои издвојуваа победа над фашизмот и создадоа држава Република Македонија, рече Мицевски.

Регион

Брнабиќ: Седница за измените за локалните избори во понеделник

Дел од опозицијата ги поддржа овие измени.

Претседателката на Собранието на Србија Ана Брнабиќ најави дека седницата на која ќе се расправа за измените на Законот за локални избори, за да тие се одржат на 2 јуни, е закажана за понеделник во 11 часот,јави дописникот на МИА од Белград.

-Она што ме радува е што повеќе од две третини од пратениците го поддржаа предлогот за измени на Законот за локални избори, вкупно 184 пратеници се предлагачи на измени на законот, рече Брнабиќ.

Таа прецизираше дека сите пратеници на владејачката коалиција, потоа од опозицијата-Народното движење на Србија, Новото лице на Србија, Зелено-левиот фронт, Еколошкото востание, независните пратеници на Движењето на слободни граѓани, како и партијата на Шаип Камбери дале поддршка.

Брнабиќ изјави дека одлуката на опозицијата за бојкот на изборите е неодговорна и дека тоа ја покажува нивната врвна несериозност.

-Мислам дека тоа покажува највисоко ниво на неодговорност. Разговаравме 17 дена, тоа беше предлог на маса. Дури ни дадоа рок до 18 април, и ние го испочитувавме тој рок. Ако сакаат да бојкотираат нека бојкотираат Не би се занимавала повеќе со тоа. Нека им објаснат на своите поддржувачи зошто е таква одлуката и повторно сум сигурна дека ќе го сменат мислењето. Тоа е и мојата препора, изјави Брнабиќ.

На новинарско прашање колку е реално да се исполнат барањата на опозицијата во однос на избирачкиот список и медиумите, Брнабиќ рече дека ќе се обиде да ја забрза работата, дека работните тела кои ќе се занимаваат со контрола на избирачкиот список а по препораките на ОДИХР ќе се формираат што е можно поскоро.

-Во однос на медиумите ќе побарам да имаме средба со медиумите и да ја отвориме и таа тема. Ќе дадам се од себе до 2 јуни да спроведам што е можно повеќе, особено во однос на медиумите и избирачкиот список. На крајот на краиштата, неколку пати го поставив тоа прашање „зошто инсистирате на тоа ако се сомневате дека сите препораки на ОДИХР може да се спроведат дотогаш“, рекоа затоа што тоа ќе обезбеди да немаме миграција на гласачи. Тие инсистираа и ние тоа го прифативме, иако се уште мислам дека нашиот предлог да се одржат изборите во Белград сега, а сите други наесен беше многу подобар, рече Брнабиќ. /МИА