Претседателот на НДП Мемеди во официјална средба со Италијанскиот амбасадор г- Карло Ромео

Претседателот на НДП Весел Мемеди, придружуван од генералниот секретар Сухелј Фазлиу и потпретседателот на НДП г-ѓа Лулјета Азири денес се сретнаа со Италијанскиот Амбасадор во земјата г- Карло Ромео. 

На оваа многу пријателска средба се разговараше за многу прашања и теми што го карактеризираат политичката актуелност во земјата па и пошироко во регионот.

Претседателот на НДП Мемеди на почетокот му изрази благодарност на Амбасадорот Ромео за целата подршка и помош што Италија има понудено на нашата земја, во текот на нашиот долг пат кон нашите стратешките цели, НАТО и ЕУ, и дека Италија ќе продолжи и понатаму да ја понуди истата подршка и помош кон почетокот на започнување на преговорите со ЕУ, пред и во текот на Самитот на ЕУ што ќе се одржи во Мај во Загреб.

Претседателот на НДП Мемеди исто така го запозна Италијанскиот Амбасадор, неговата екселенција г- Ромео, дека во времето кога НДП беше дел од владата, НДП има оставено неизбришливи траги во најкруцијалните моменти за државата и за регионот, и поради овој факт, НДП никогаш нема да направи пазарење, под никаква цена, и во периодот што предстоји, бидејќи овие високи демократски вредности се водич на нашето политичко делување. Претседателот Мемеди нагласи дека западниот свет има платено голема цена во минатото за дисеминација на демократските вредности низ целиот свет, и поради тоа не треба никогаш да се дозволи, од ниту еден, да овие западни вредности бидаат девалвирани или да бидаат изедначени со идеологии од минатото. Грижата за безбедноста на земјата и на регионот, треба да оди паралелно и со самата грижа за демократија, правото, и вистината, нешто што не било така во овие триесет години од почетокот на плурализмот во земјата, нагласи помеѓу другото претседателот Мемеди.

Италијанскиот Амбасадор г- Ромео, нагласи дека Италија има дадено безрезервна подршка за Македонија, и ќе продолжи да го направи истото и во периодот што предстоји, имајќи предвид дека земјата е дефакто членка на НАТО, и покрај сите различни размислувања од страна на некои членки на ЕУ, Италија многу брзо ќе предложи да се отвораат преговорите за членство во ЕУ за Македонија, со голема надеж дека ова може да се направи пред или во текот на Загребскиот Самит во Мај годинава. Италијанскиот Амбасадор г- Ромео, му се заблагодари на претседателот на НДП Мемеди за конструктивноста на неговиот политички субјект во круцијалните моменти за државата, и дека овој субјект ќе продолжи да биде конструктивен и во иднина за земјата, а зошто да не и за целиот регион.

Служба за Информирање – НДП

Јаневски: Корона кризата ги извади на површина слабостите во домашниот туризам

 Падот во секторот е на очекувано ниво и во рамки на европскиот просек од – 67 отсто во бројот на гости и 56 проценти во бројот на остварени ноќевања.

Недоволно содржини, атракции, сместувања, услуга, управување со отпад и придржување до протоколите, се само дел од сегментите што ќе мора брзо да ги подобриме ако сакаме во викендите до крајот на годината да имаме туристи во домашните капацитети. Сезони веќе не постојат, корона кризата измести се. Падот во секторот е на очекувано ниво и во рамки на европскиот просек од – 67 отсто во бројот на гости и 56 проценти во бројот на остварени ноќевања. Има простор за оптимизам дека зацртаната цел е возможна – достигнување два милиона ноќевања во 2020 година.

Ова го истакнува директорот на Агенцијата за промоција и поддршка на туризмот (АППТ), Љупчо Јаневски, во интервју за МИА.

Според Јаневски, во првата половина од 2020 година во македонската економија се влеале 100,7 милиони долари што е намалување од 34,7 проценти споредено со истиот период лани.

Јаневски смета дека државната помош за секторот дојде навреме, а претстојниот четврти пакет мерки не треба да биде линеарен, туку треба да овозможи помош со тоа што ќе го земе предвид остварениот промет во изминатиот трет квартал.

За вистинско закрепнување на туризмот, оценува директорот на Агенцијата, потребно е подобрување на законската легислатива преку воведување повеќе системски решенија кои ќе ги опфатат слабите точки дефинирани за време на КОВИД-кризата, но неопходен е и нов модел на субвенционирање кој нема да базира на квантитет на туристи, туку ќе овозможи долгорочна оддржливост и подобрување на квалитетот на услугата и сместувањето со што би станале конкурентна дестинација во регионот.

-Туристичките места се исполнија со домашни туристи и веќе од втората половина на јули сместувачките капацитети беа максимално пополнети. Притоа, голем број дестинации ги покажаа нашите недостатоци и на површина излезе слабото управување со туристичките дестинации. Бидејќи годинава претежно се потпираме на домашниот туризам, мерењата се во поглед на бројот на остварени ноќевања за кои очекуваме да имаат пад во 2020 година од 30-35 отсто во поглед на минатата година, што би се сметало за успех доколку ги земеме предвид најавите за процентуалниот европски, па и светски пад на туризмот, вели Јаневски.

Тој се согласува дека поради концептот на работа и специфичноста на туристичката дејност, најголем удар претрпуваат туристичките агенции. Немаа, вели, време да се прилагодат на моменталната состојба поради неможноста за патувања и откажувањето на сите дојдовни тури планирани за летната сезона 2020.

На хотелите во градовите и надвор од туристичките места, смета директорот, веднаш треба им се врати туристичката такса од 2019 година како неповратна помош и да се асистира за надминување на кризата со дополнителна поддршка за вработените.

-Хотелите во Скопје, Гевгелија, Битола… работат со капацитет од 10-15% и тука реално треба да се помогне. Четвртиот сет на мерки во туризмот не треба да биде линеарен, туку да овозможи помош со тоа што ќе го земе предвид остварениот промет во изминатиот трет квартал, а тоа ќе се постигне со спроведување на добра анализа за добиените и очекувани ефекти на краток рок, напоменува Јаневски.

Закрепнувањето на туризмот во периодот што следи, треба да базира на неколку столбови.

-Основата треба да биде "зеленa" и да овозможи оддржливост на секторот. Во март веќе беше јасно дека ќе биде потребна државна помош на туристичкиот сектор која според мене дојде на време преку три сета на мерки кои примарно имаа цел да ги задржат сите работни места во туристичкиот сектор. Но, за да овозможиме во вистинска смисла закрепнување на туризмот, потребно е подобрување на законската легислатива со воведување на повеќе системски решенија кои ќе ги опфатат слабите точки дефинирани во текот на оваа криза и ќе резултираат до добро регулиран пазар растеретен од сивата економија. Потребен е нов модел на субвенционирање кој нема да се базира на квантитет на туристи, туку ќе овозможи долгорочна оддржливост и подобрување на квалитетот на услугата и сместувањето, овозможувајки да станеме конкурентна дестинација во регионот, заклчувува Јаневски и порачува дека пресуден елемент за одлуката на туристите која дестинација ќе ја посетат во 2021 година, ќе биде сигурноста на таа дестинацијата и можноста да се справи со КОВИД./ МИА.

Мини лабораторија и повеќе стебла марихуана пронајдени во Визбегово, приведени три лица

Три лица се приведени вчера попладнето во операција на полицијата во Визбегово, во чии рамки е пронајдена мини лабораторија за производство на масло и повеќе стебла марихуана.

По претходно добиени оперативни сознанија, Единицата за недозволена трговија со дрога-СВР Скопје, извршила претреси во дом и други простории на 38-годишен скопјанец.

При претресот во дворното место се пронајдени стебла од марихуана во осум саксии и други 12 стебла, од кои дел биле во помошните простории во фаза на сушење, а пронајдена е и мини лабараторија за производство на масло.

Како што информираат од МВР, при тоа затекнати се и други две лица од кои едното, било затекнато при обработка на марихуаната. Извршени се претреси и во друга куќа, каде била пронајдена марихуана подготвена за продажба, како и шприцеви полни со масло од канабис..

Двајца полицајци тешко повредени од дрвокрадци, приведени се 4 лица

До сега се приведени 4 лица,информираат за Канал 5 од Министертвото за внатрешни работи, запленети биле две возила со дрва, кои не биле легално исечени. 

Инцидент со дрвокрадци во околината на„Степанци,, во кој се повредни петмина полицајци, двајца потешко, тројца полесно настанот се случил синоќа на стариот пат селото Извор -Прилеп во атарот на селото Степанци, откако дрвокрадци ја нападнале патролата од пет полициски службеници од полициската станица Чашка .

До сега се приведени 4 лица,информираат за Канал 5 од Министертвото за внатрешни работи, запленети биле две возила со дрва, кои не биле легално исечени. На местото на настанот била екипа на итната помош. Првичните информации се дека две лица се потешко повредени, а едниот од нив, поради тежината на повредата е итно пренесен на Ургентен во Скопје.

Кај едниот пациент има повреда на глава ,а другиот е повреден во стомакот. Дадена е прва помош и веднаш се префрлени на хируршкото одделение од велешка болница – информирашеза локалните медиуми д-р васе пановска, портпарол на итната помош.

притисни ентер