Ангеловска: Со „Смарт Македонија" до побрз економски раст

Економијата е стабилна, а економскиот раст ги натфрла проекциите на Меѓународниот монетарен фонд, кои на два пати беа покачени. 

Раст се забележува во сите сектори, а стапката на невработеност е на историски најниско ниво, порача министерката за финансии Нина Ангеловска на министерскиот панел на Форумот „Еуромани", кој се одржува во Виена.

Таа нагласи дека добрите економски остварувања може да се забрзаат и да се оствари синергија преку дигитализацијата, која,како што посочи, носи поголема додадена вредност.

-„Дигитална Македонија" или „Смарт Македонија" е визијата каде ја гледаме земјата во следните години. Затоа работиме со стратешките партнери, како Светска банка, за да развиеме инфраструктура, вештини кај работната сила, за дигитализација во економијата, јавниот сектор и општеството во целина.Треба да ја внесеме технологијата во сите сектори каде што можеме: земјоделството, здравството, образованието и преку тоа да креираме синергија. Не само што сме посветени на овие процеси, туку и цврсто верувам дека можеме да ја намалиме сивата економија преку имплементирање на технологиите и да ја намалиме корупцијата, бидејќи компјутерите ја елиминираат можноста за пристрасност во одлучувањето. Со технологиите можеме да обезбедиме и поголема еднаквост и инклузивен раст, рече Ангеловска.

Посочи дека е-трговијата може да биде генератор на економски раст особено за малите отворени земји како нашата, да создаде нови работни места, да ги придвижи платите, да ја зголеми конкурентноста и да отвори нови можности за домашните компании.

-За да се постигне ова потребно е да се има капацитет, но и желба. Треба да се работи на зголемување на дигиталните вештини на населението, да се инвестира во човечкиот капитал кој е главен фактор за раст на секоја земја, рече Ангеловска.

Како добри примери во дигитализацијата ги наведе Естонија, еден од пионерите во дигитализацијата особено во полето на е-влада и јавните услуги и Израел, каде технолошкиот сектор има удел од 40 отсто од БДП.

Како мала земја, посочи, имаме потецијал и флексибилност за аплицирање на нови концепти и стратегиии како на пример „креативна економија", односно концепт кој се базира на човечката креативност, идеите и интелектуалната сопственост, знаење и технологиите. -Треба да се размислува во оваа насока, бидејќи „креативната економија" е онаа која креира додадена вредност, нови работни места, која создава можности за инклузија на маргинализирани категории, како жените, рече Ангеловска.

Зборувајќи за потенцијалните влијанија од надворешните фактори за македонската економија, Ангеловска истакна дека Република Македонија, иако мала и отворена економија, благодарение на структурните реформи и диверзификацијата е се поотпорна на шоковите однадвор. Таа посочи дека домашната валута е стабилна, дека нашата е меѓу земјите со најдобра бизнис клима во светот, како и дека последните години има раст на странските директи инвестиции.

Министерката за финасии истакна дека земјата е посветена на евроинтеграциите, особено реформите во делот на владеење на правото, зајакнување на јавната администрација и консолидација на економијата.

На Министерскиот панел, освен Ангеловска, учествуваа и министерот за финансиски политики на Унгарија Габор Гион, министерот за финансии на Романија Флорин Читу и заменик-министерката за финансии на Бугарија Маринела Петрова.

„Еуромани", поради форматот и големиот број на учесници е еден од најважните настани од економијата и финансиите во регионот на Централна и Источна Европа и претставува одлична можност за средби помеѓу носителите на политиките, како и претставниците на банкарскиот сектор, учесниците на финансиските пазари и инвеститорите. /МИА

Сопруга на турската фудбалска легенда,го нарачала неговото убиство (ВИДЕО)

Јагмур Ашик, сопругата на легендата на турскиот фудбал Емре Ашик, е обвинета за заговор за убиство на нејзиниот сопруг.

Според обвинението поднесено од обвинителството на Дузче, северозападна провинција во Турција, Јагмур Ашик е обвинета дека на својот љубовник Ерди Сунгур му понудила 10 милиони турски лири (1,3 милиони американски долари) за организирање на неговото убиство.

„Имавме афера. Таа само размислуваше за парите што ќе ги наследи по смртта на Ашик. Ме замоли да го убијам, но јас одбив “, им рече Сунгур на истражителите, додавајќи:

'' Таа еднаш донесе парче месо. Ме замоли да пукам во него. Се обидов да го сторам тоа, но ги затворив очите. „Не можеш да го правиш тоа така“, луто ми викна.

Сунгур тогаш ја запознал својата љубовница со убиец, кој бил во затвор за убиство на три лица. Според обвинението, Јагмур Ашик му дала пиштол на убиецот и заедно ги пребарувале руралните области во Дузче за да најдат безбедно место за погребување на поранешниот фудбалер, откако убиецот ќе го погубел. Во последен момент, убиецот се откажал од нарачката.

Емре Ашик беше член на златната генерација на турскиот фудбал од раните 2000-ти, а како репрезентативец освои бронза на Светското првенство во Јапонија и Јужна Кореја. Тој е еден од ретките играчи кои играле за трите најголеми турски клубови - Галатасарај, Бешикташ и Фенербахче.

Во Британија за една недела, двојно зголемен бројот на заразени

Во последните 24 часа, во Велика Британија се пријавени 6.634 нови случаи на ковид-19, а уште 40 лица починале.

Вкупно 41.900 луѓе починале од коронавирус во земјата, што ја прави најпогодена европска земја.

На 17 септември, во Велика Британија биле регистрирани 3.395 нови инфекции, што значи дека бројот на нови случаи на ден е двојно зголемен во последните седум дена.

Француските здравствени власти,пак, денеска пријавија 16.000 нови случаи на инфекција со коронавирус, далеку над претходниот дневен рекорд од 13,4 илјади заразени и најавија нови ограничувачки мерки, пред се во поголемите градови.

Најцрн биланс во Мексико,но не во врска со короната

Стапката на убиства во Мексико останува на историски највисоко ниво со 29 убиства на 100.000 жители.

Ова се податоците на локалниот Национален институт за статистика.

Заради споредба, во САД во 2018 година, последната година за која се достапни податоците, имало околу пет убиства на 100 000 луѓе.

Минатата година во Мексико имало 36.476 убиства.

Се проценува дека стапката на убиства ќе биде уште поголема до крајот на оваа година, бидејќи во првите осум месеци од годинава, во Мексико имало 24.116 убиства, што е зголемување за околу 1,5 процент во споредба со истиот период минатата година.

притисни ентер