Информацијата на група пратеници од ВМРО-ДПМНЕ за енормното загадување на амбиентниот воздух на собраниска седница

Конкретни мерки треба да се преземат за да се реши проблемот со загадувањето на воздухот во Скопје и другите градови, а за тоа стручни кадри во институциите треба посериозно да се ангажираат, да се одвојат конкретни средства за решавање на тој проблем

Ова денеска го истакнаа група пратеници од ВМРО-ДПМНЕ кои поднесоа Информација за енормното загадување на амбиентниот воздух, која денеска беше разгледана од собраниската Комисија за транспорт, врски и екологија и беше предложено таа да биде ставена на собраниска седница.

Пратеникот Драган Данев од ВМРО-ДПМНЕ истакна дека нема видливи резултати во однос на подобрувањето на амбиенталниот воздух во Скопје и останатите градови.

– Три години чекаме власта да преземе мерки. Ни требаат чесни и одговорни кадри во институциите кои се грижат за оваа проблематика. Проблемот е во чесна имплементација на законите. Спрегата со бизнисот, со политиката е огромна. Главниот проблем е загадувањето и индустријата, потенцира Данев.

Лилјана Поповска од ДОМ рече дека имаат дадено предлог за забрана на увоз на отпад кој би се користел како енергенс. Посочи дека станува збор за Закон, кој оваа недела ќе биде на седница, може да се изгласа и примени и на тој начин ќе се спречи еден извор на загадувањето.

Според неа, еколошки резултати нема, проблем се недоволните стручни кадри во институциите, како и недоволно заинтересираните кадри во Министерството за животна средина и просторно планирање.

– Индустријата е главниот загадувач. Кај индустријата треба контроли, треба сериозно занимавање од страна на Државниот инспекторат за животна средина. Таа институција или да работи како што треба или нека се растури. Таа институција како да не постои, затоа што не може да не убеди дека нема загадување. Нека кажат во сите овие години колку пати на една рака ќе се избројат, колку вкупно имаат забележано големи индустриски загадувања, хаварии. На прсти се бројат, а секојденвно гледаме дека има испуштања на загадувачки материи. Тоа што значи, дека не си ја вршат работата или некој е корумпиран, па не сака да ја врши работата, или незнае, нема трето. Треба чесно, стручно, свесно, одговорно да се работи. Изгледа дека корупцијата е можеби најголемото загадување во Македонија, додаде Поповска.

Членовите на Комисијата од СДСМ нагласија дека се одвоени средства за инвертер клими, беше објавен јавен повик за субвенции за купување велосипеди и електрични тротинети и се набавуваат 33 нови еколошки автобуси.

Пратеникот Костадин Ацевски од СДСМ рече дека во Информацијата поднесена од пратеници од ВМРО-ДПМНЕ нема ниту мерки, ниту предложени заклучоци, ниту едно решение од тие кои ги нуделе.

– Откога ВМРО-ДПМНЕ не е на власт полесно се дише и тоа во сите сфери на општеството за сите. Бројот на денови со високо загадување во 2019 година е намален и е драстично помал од 2012 година. Ова се прави врз база на споредба на анализа на податоците од мерните станици за загадувањето на воздухот. Истражувањето од градските власти на крајот на 2016 година укажува дека главен фактор за загадувањето на воздухот во Скопје е начинот на загревање на домаќинствата кои учествуваат во загадувањето со 32 проценти, а потоа следи сообраќајот со 20 проценти. Воведовме мерки за субвенција за замена на нееколошките начини на загревање на домаќинствата, субвенција за инвертер клими, печки за пелети…рече Ацевски.

Додаде дека 33 еколошки МАН автобуски од идниот месец ќе почнат да возат по скопските улици, субвенционирале вградување плински уреди во возилата, се сменил Законот за увоз на возила во кој старите и нееколошки возила се со многу поголеми давачки, а реализацијата на гасификацијата е на многу висок процент./МИА

Мисајловски: Чаир е заборавен од власта, ние ветуваме дека тука повеќе нема да има граѓани од втор ред, туку илјадници проекти за сите граѓанин

Денеска повторно сме во Чаир, да се видиме тука со населените места, во маалата, да разговараме за проблемите на граѓаните, рече потретседателот на ВМРО-ДПМНЕ и носител на изборна единица 2, Владо Мисајловски  .

Се видовме и со повозрасните, со пензионерите кои не замолија да се зголемат пензиите, не замолија реално да се зголемат пензиите, а не како изминативе три години во кои постојано се ветуваше, но за жал пензионерите не добија ниту денар повеќе.

Затоа ние се обврзуваме со ветување до сите пензионери дека ќе ги зголемиме пензиите за преку 20%, бидејќи тие заслужуваат и се столб на општеството.

Тие тука во Чаир живеат и живееле со години, сакаат да останат тука, затоа треба да им го подобриме стандардот, но не само на пензионерите, туку и на сите останати. Затоа ветуваме поголеми плати, како и подобар животен стандард.

Ветуваме инфраструктурни објекти, ветуваме поголеми капитални инвестиции. Позади мене се наоѓа Поликлиниката Чаир, СДСМ ветуваше дека ќе ја реновира комплетно, но може да видиме дека едно камче не е мрднато. Ние можеби ветуваме илјадници проекти, но сите тие се издржани, сите тие ќе бидат исполнети, затоа што ние стоиме позади секој еден проект. Можеби не ветуваме се и сешто, но она што ќе го ветиме, ќе го исполниме.

Тука доста граѓани се чувствуваат како граѓани од втор ред, бидејќи институциите не работат за нив, бидејќи локалната и централната сосема ги заборави.

Затоа почитувани граѓани, почитувани чаирчани дајте ни ја поддршката, дајте ни шанса да направиме обнова во Македонија. Да направиме обнова во културата, да ја обновиме инфраструктурата, обнова на традиција и достоинството и на семејните вредности.

Чаир е место кое заслужува да му се даде посебен акцент, Чаир не смее да се заборави и овие луѓе тука кои се останати да живеат, сакаат само една подобра перспективност, подобар стандард и нивните деца да продолжат да живеат тука.

За да младите останат тука, потребна е обнова на Македонија, затоа ги повикувам сите граѓани да излезат и да ни ја дадат поддршката, а после 16-ти јули да работиме напорно секој ден, за секој еден граѓанин.

Центар за комуникации на ВМРО-ДПМНЕ

Грчката забрана за Србите важи до 15 јули, мерката може и да се продолжи

Грција ќе ги затвори границите за српските граѓани од утре од 6 часот, а сега објавија колку долго ќе трае оваа мерка.

„Пристапот до Грција за сите граѓани на Србија, на сите премини, ќе биде забранет до 15 јули“, објави грчката влада.

Грција исто така напомена дека, во согласност со своите договори со ЕУ, може да ја преиспита оваа мерка и дека анализите се прават на дневна основа.

Треба да се додаде дека се наведува дека оние кои имаат „исклучителни причини“ за своето патување сепак ќе имаат право да влезат во Грција, но не е прецизирано што значи тоа, наведуваат српските медиуми.

Драматично во Јапонија: Најмалку 20 загинати и 14 исчезнати во големите поплави (ВИДЕО)

Најмалку 20 луѓе загинаа, а 14 се водат како исчезнати во поплавите и лизгањето на земјиштето, предизвикани од  рекордни поројни дождови во југозападна Јапонија, објавија локалните медиуми.

Се стравува дека 14 исчезнати лица се исто така мртви, ден откако поплавата го погоди руралното подрачје на префектурата Кумамото, јави телевизијата НХК, повикувајќи се на локалните власти.

Околу 50 луѓе се спасени од поплавен дом за стари лица во селото Кума, на околу 950 километри југоисточно од Токио, пренесува Kyodo News.

Властите во Кумамото наредија евакуација на околу 200 000 жители, бидејќи обилните дождови, лизгање на земјиштето и поплавите продолжуваат да се закануваат.

Јапонската метеоролошка служба очекува силниот дожд да зафати големи области од источна и западна Јапонија до вторник.

Префектурите Кумамото и Кагошима се зафатени од силен дожд уште од вчера.

Врнежи од дожд до 300 мм се очекуваат на југозападниот остров Шикуку, 250 мм на островот Кјушу, вклучувајќи го Кумамото, и 200 мм на источниот и централниот дел на земјата, вклучително и Токио, до понеделник вечер, соопшти метеоролошката служба.

Пред две години, поплавите и лизгањето на земјиштето во западна Јапонија однесоа повеќе од 220 животи, што претставува најголем број загинати поврзани со временски непогоди во три децении.

притисни ентер