Никој не може незаконски да добие субвенции, реагира Платежната агенција по изјавата на Трипуновски

Секој предмет, независно дали за него некој ургира или прашува, ако не е согласно Законот и не ги исполнува условите за добивање финансиска поддршка, не може да биде исплатен, децидни се од Платежната агенција.

Во реакција по денешната изјава на дополнителниот заменик-министер за земјоделство, Цветан Трипуновски, Агенцијата нагласува дека никој не може незаконски да добие субвенции и да троши народни пари.

– Денешното присуство на дополнителниот заменик-министер за земјоделство, Цветан Трипуновски, во Агенцијата за финансиска поддршка во земјоделството и руралниот развој, уште еднаш покажа дека во оваа институција работат вредни и професионални работници кои своите работни задачи ги извршуваат професионално и исклучиво согласно Законите. При обработката на предметите, Агенцијата ги користи сите законски можности за да им помогне на барателите да го остварат правото за финансиска поддршка. Во сите случаи каде има индиции за злоупотреба на субвенциите, Агенцијата постапува согласно законите, наведува Платежната агенција.

Агенцијата дополнува и дека на сите кои стекнале право и ги исполнуваат условите за добивање финансиска поддршка во земјоделството и руралниот развој, парите им се исплаќаат во еден ден и без никаква селекција.

– Тој е принципот на работа на овој менаџмент. Нема поделба на земјоделците, парите за субвенции на сите кои ги исполните условите ги исплаќавме и ќе продолжиме да ги исплаќаме во време кога средствата им се најпотребни. Го продолжуваме принципот на неселективна исплата по одредена мерка, стои во реакцијата на Платежната агенција.

Трипуновски во изјава за медиумите дадена претпладнево пред Платежната агенција рече дека е таму на барање на земјоделец од Арачиново, кој две години се обидува да добие одговор од институциите зошто не добил субвенции. /МИА

Министерот Чулев во посета на Одделенијата за внатрешни работи во Кичево и Гостивар

Министерот за внатрешни работи, Наќе Чулев во рамки на денешните работни обврски ги посети одделенијата за внатрешни работи во Кичево и Гостивар. 

Во рамки на посетата оствари работни средби со раководството на двете организациски единици. Во фокусот на двете средби беше организација на парламентарните избори и мерките и активности кои се преземаат за справување со криминалот и активностите кои се преземаат за спречување на понатамошно ширење на коронавирусот.

На територијата на ОВР Кичево во првото полугодие не се евидентирани посериозни кривични настани , а како факт кој беше потенциран е успехот на оваа организациска единица во делот на санцкионирање на сторителите на недозволена сеча на шуми што е дел од оперативната акција „Гора“

.За што говори и фактот дека во изминатиот период е поднесена кривична пријава против раководителот на подрачната единица на Македонски Шуми во Гостивар. На територијата на ОВР Гостивар во однос на пандемијата од Ковид19, во овој момент има 8 кластери и истите се под контрола, полициските службеници секојдневно преземаат мерки за контрола на лицата во изолација и самоизолација со цел спречување на понатамошно ширење на вирусот.

Од страна на раководството на двете одделенија за внатрешни работи беше нагласена подговеноста за спроведување на парламентарните избори за кои се очекува да поминат во најдобар ред.

Министерот Чулев потенцираше дека професионалното постапување на полициските службеници не треба да биде предмет на компромис кога е во прашање политиката, затоа што крајна цел на Министерството за внатрешни работи е организирање на фер, демократски и безбедни избори и оваа цел може да се постигне само со професионално и одговорно постапување, соопшти МВР.

Од утре се отвора Лувр, се очекуваат по 10.000 посетители дневно

Утре повторно се отвора музејот Лувр во Париз, но со одредени ограничувања поради епидемијата на коронавирус.

Некои делови од најпосетуваниот музејски комплекс на светот сепак ќе бидат затворени за посетителите.

Лувр беше затворен на 13 март, поради што музејот забележа загуби од над 40 милиони евра, изјави директорот на музејот, Жан-Лук Мартинез.

„Во најдобар случај, ќе имаме од 20 до 30 проценти од посетителите во однос на бројот што го имавме минатото лето, што е помеѓу 4.000 и 10.000 на ден“, рече тој.

Од 10 милиони посетители во 2018 година, скоро три четвртини се странски туристи, пренесува РФИ.

Сопругот на Карлеуша со детали за вооружениот напад:Беа вооружени со ножеви и електоршокери , повредија девојка

Фудбалерот Душко Тошиќ , сопругот на пејачката Јелена Карлеуша  утринава објави детали за инцидентот во Белград.

Поранешниот играч на српската репрезентација бил нападнат на Калемегдан додека тренирал со други фудбалери и неговиот тренер.

Тошиќ ги објасни деталите за нападот во објавата на Инстаграм. Покрај него, биле нападнати и неколку други играчи и координаторот на српскиот фудбалски сојуз за физичка подготовка, Андреја Милутиновиќ. Напаѓачите имале ножеви и електрични шокери, а повредиле и девојка , случаен минувач. Полицијата набрзо ги уапсила.

"За да се спречат шпекулации, точно е дека моите колеги фудбалери (од кои тројца се странци) и јас бевме нападнати утрово на тренинг на Калемегдан. Бевме нападнати од група хулигани кои беа вооружени со ножеви и електрични шокери", напиша Тошиќ, додавајќи:

„За среќа, сето тоа заврши без поголеми последици. Полицијата навремено реагираше и ги уапси напаѓачите кои за жал сериозно повредија девојка, која случајно минуваше“.

Според Б92, тројца млади ги пресретнале Тошиќ и Милутиновиќ и од нив барале пари. Тошиќ, наводно, успеал да ги одврати од нападот, велејќи им дека нема ништо со себе и дека дошол набрзина.

Во својата кариера, Тошиќ, меѓу другите, играл за Вердер, Портсмут, Црвена звезда и Бешикташ, а од 2018 година е член на кинескиот Гуангжу. Тој одиграл 26 натпревари за Србија, а беше и на Светскиот куп во 2018 година.

притисни ентер